ព័ត៌មានអន្ដរជាតិ
ជប៉ុន ព្រមានថា មហាគ្រោះរញ្ជួយដី នឹងកើតឡើងក្នុងពេលមិនយូរទៀតទេ
ទីភ្នាក់ងារឧតុនិយមជប៉ុន (JMA) បានឲ្យដឹងថា គ្រោះរញ្ជួយដីកម្រិត ៧.១រ៉ិចទ័រ ជាមួយជម្រៅប្រហែល ៣០គីឡូម៉ែត្រ ដែលវាយប្រហារភាគនិរតីប្រទេសជប៉ុនកាលពីថ្ងៃព្រហស្បតិ៍ទី៨ខែសីហាឆ្នាំ២០២៤ មិនបណ្តាលឲ្យមានផលប៉ះពាល់អ្វីធ្ងន់ធ្ងរនោះទេ បុន្តែព្រមានថា មហាគ្រោះរញ្ជួយដីមួយទៀត ប្រហែលជាកើតឡើងមិនយូរទៀតទេ។
តាមសេចក្តីរាយការណ៍របស់ Reuters, លោក Yoshimasa Hayashi នាយកខុទ្ទកាល័យ បានប្រាប់អ្នកកាសែតថា មិនមានរបាយការណ៍អំពីភាពមិនប្រក្រតីនៃរោងចក្រថាមពលនុយក្លេអ៊ែរទេបន្ទាប់ពីការរញ្ជួយដីថ្ងៃព្រហស្បតិ៍ ហើយរដ្ឋាភិបាលក៏មិនបានទទួលព័ត៌មានអំពីការខូចខាត ហេដ្ឋារចនាសម្ព័ន្ធសំខាន់ៗ ដូចជាការផ្គត់ផ្គង់ថាមពល និងទឹកស្អាតដែរ។
រញ្ជួយដីនេះ កើតឡើងនាវេលាម៉ោង៤និង៤៣នាទីរសៀល (ម៉ោងក្នុងស្រុក)នៅខេត្ត Miyazaki នៃកោះ Kyushu ខណៈដំបូងឡើយក៏មានការព្រមានអំពីរលកយក្សស៊ូណាមិដែរនៅកោះ Kyushu និង Shikoku ប៉ុន្តែក្រោយមក ត្រូវដកចេញវិញ លើកលែងតែខេត្ត Miyazaki ប៉ុណ្ណោះ។
ទោះបីជាយ៉ាងណាក៏ដោយ លោក Hayashi អះអាងថា មន្ត្រី JMA បានកោះប្រជុំគ្នា បន្ទាប់ពីការរញ្ជួយដីនេះ ដើម្បីពិភាក្សាគ្នាព្រោះជឿជាក់ថា ការរញ្ជួយដីដ៏ធំមួយទៀត ទំនងជានឹងកើតឡើងនៅជិតឆ្នេរសមុទ្រប៉ាស៊ីហ្វិកភាគខាងលិចប្រទេសជប៉ុន ដូច្នេះត្រូវមានការប្រុងប្រយ័ត្ន។
សូមបញ្ជាក់ថា ជប៉ុនជាប្រទេសមួយក្នុងចំណោមប្រទេសដែលងាយនឹងរញ្ជួយដីខ្លាំងបំផុតលើពិភពលោក។ មនុស្សជាង ១៥ ០០០នាក់ ត្រូវបានសម្លាប់ក្នុងគ្រោះរញ្ជួយដីកម្រិតធ្ងន់ ៩រ៉ិចទ័រនៅតំបន់ Tōhoku ឆ្នាំ២០១១ ដែលកាលនោះ ក៏បង្កឲ្យមានរលកយក្សស៊ូណាមិ និងការសាយភាយជាតិវិទ្យុសកម្មចេញពីម៉ាស៊ីនរ៉េអាក់ទ័រ នៅឯរោងចក្រថាមពលនុយក្លេអ៊ែរផងដែរ៕
អត្ថបទ៖ សុខ សុវណ្ណ
ចុចអាន៖ ជប៉ុន ជួបគ្រោះរញ្ជួយដីកម្រិតធ្ងន់ ទាញសញ្ញាព្រមានរលកយក្សស៊ូណាមិ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា