សន្តិសុខសង្គម

កម្លាំងគណៈបញ្ជាការឯកភាពខណ្ឌជ្រោយចង្វារ ឃាត់ខ្លួនក្មេងទំនើង ១២ នាក់ រក្សាទុកម៉ូតូ ៥ គ្រឿង

បានផុស

៥ ខែ មុន

នៅ

ថ្ងៃសុក្រ ៩ សីហា ២០២៤

ដោយ

គណៈបញ្ជាការឯកភាពខណ្ឌជ្រោយចង្វារ ឆ្មក់បង្ក្រាបក្រុមក្មេងទំនើងបង្ហោះម៉ូតូតាមផ្លូវសាធារណៈចំនួន ១២ នាក់ យកមកអធិការនគរបាលខណ្ឌ និងរក្សាទុកម៉ូតូចំនួន ៣ ខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការនេះធ្វើឡើងកាលពីវេលាម៉ោង ៣ ទៀបភ្លឺ ថ្ងៃទី ៨ ខែសីហា ឆ្នាំ ២០២៤ នៅផ្លូវបេតុង ស៊ូកាណូ ២ ស្ថិតក្នុងសង្កាត់ព្រែកតាសេក ខណ្ឌជ្រោយចង្វារ បង្ក្រាបបានក្មេងទំនើងចំនួន ១២ នាក់ និងដកហូតម៉ូតូ ៥ គ្រឿង។

គណៈបញ្ជាការឯកភាពខណ្ឌជ្រោយចង្វារ ដឹកនាំដោយ លោក កៅ សារ៉ាវុធ អភិបាលរងខណ្ឌ បានបើកប្រតិបត្តិការបង្ក្រាបក្រុមក្មេងទំនើងបង្ហោះម៉ូតូអនាធិបតេយ្យតាមទីសាធារណៈ ដែលសកម្មភាពទំនើងទាំងនេះ បង្កភាពភ័យខ្លាចដល់ប្រជាពលរដ្ឋ អនាធិបតេយ្យក្នុងសង្គម ប៉ះពាល់អាយុជីវិតផ្ទាល់ខ្លួន ក៏ដូចជាសុវត្ថិភាពអ្នកធ្វើដំណើរតាមដងផ្លូវផងដែរ។

យោងតាមបទបញ្ជាដ៏ម៉ឺងម៉ាត់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ពាក់ព័ន្ធនឹងក្មេងទំនើង ត្រូវអនុវត្តគ្រប់វិធានការឲ្យបានតឹងរ៉ឹងបំផុត ទាំងវិធានការរដ្ឋបាល និងវិធានការច្បាប់។ ដោយឡែកចំពោះក្មេងទំនើងបង្ហោះម៉ូតូនៅតាមដងផ្លូវសាធារណៈ ត្រូវឃាត់ម៉ូតូរក្សាទុករយៈពេល ៣ ខែ ចំពោះការប្រព្រឹត្តលើកទី ១ និង ៦ ខែ ប្រសិនបើមិនរាងចាល នៅតែប្រព្រឹត្តលើកទី ២ បន្តទៀត៕

អត្ថបទ ៖ ម៉េង