ព័ត៌មានជាតិ

ចៅហ្វាយខណ្ឌសែនសុខ ចុះពិនិត្យស្ថានភាពទឹកលិច ខណៈស្ថានីយបូមទឹកកប់ស្រូវ កំពុងពន្លឿនការបូមទម្លាក់ទៅបឹងតាមោក

បានផុស

៣ ខែ មុន

នៅ

ថ្ងៃសៅរ៍ ១០ សីហា ២០២៤

ដោយ

គិតត្រឹមព្រឹកថ្ងៃទី ១០ ខែសីហា ឆ្នាំ ២០២៤ នេះ ទឹកនៅតំបន់សង្កាត់ភ្នំពេញថ្មី និងសង្កាត់ឃ្មួញ បានស្រក ៥០ ភាគរយហើយ ក្រោយភ្លៀងធ្លាក់យ៉ាងខ្លាំង ២ ថ្ងៃ ជាប់គ្នា បណ្ដាលឲ្យលិចផ្លូវមួយចំនួន ក្នុងខណ្ឌសែនសុខ ហើយពេលនេះស្ថានីយបូមទឹកកប់ស្រូវ កំពុងពន្លឿនការបូមទម្លាក់ទៅបឹងតាមោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកថា កាលពីយប់ថ្ងៃទី ៨ ខែសីហា បន្ទាប់ពីមានភ្លៀងធ្លាក់យ៉ាងខ្លាំងដែលធ្វើឲ្យមូលដ្ឋានខណ្ឌមួយចំនួនក្នុងរាជធានីភ្នំពេញត្រូវបានជន់លិចដោយកន្លែង ជាក់ស្ដែងនៅសង្កាត់ឃ្មួញ និង សង្កាត់ភ្នំពេញថ្មី របស់មូលដ្ឋានខណ្ឌសែនសុខ ក៏ទទួលការជន់លិចដោយជំនន់ទឹកភ្លៀងនេះផងដែរ។

រហូតនៅព្រឹកថ្ងៃទី ១០ សីហា នេះ ដោយមិនមានភ្លៀងធ្លាក់បន្ថែម ទឹកនៅតំបន់ផ្លូវ ១៩៨៦ កែងផ្លូវ ១០០៣ សង្កាត់ភ្នំពេញថ្មី បានស្រកចុះប្រហែល ៥០% ហើយ ពេលនេះស្ថានីយបូមទឹកកប់ស្រូវ កំពុងពន្លឿនដំណើរការបូមទាំង ៥ ម៉ាស៊ីន៕

អត្ថបទ ៖ សំណាង