ជីវិតកម្សាន្ដ

អាការៈលោកស្រី ច័ន្ទធី បានធូរស្រាលក្រោយធ្លាក់ ខ្លួនឈឺដោយសារជំងឺសម្ពាធឈាម

បានផុស

៤ years មុន

នៅ

ថ្ងៃព្រហស្បតិ៍ ៤ មីនា ២០២១

ដោយ

ភ្នំពេញ ៖ អាការៈជំងឺរបស់ពិធីការិនីជើងចាស់សម្លេងផ្អែមលោកស្រី ច័ន្ទធី រហូតមកទល់ពេលនេះគឺបានធូរស្រាល ហើយក្រោយធ្លាក់ខ្លួនឈឺដោយសារបញ្ហាសម្ពោធសរសៃឈាម។ នេះបើយោងតាមការបញ្ជាក់ពីប្រភពដែលជិតដិតជាមួយលោកស្រីបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានបញ្ជាក់ថា គោរពតាមប្រសាសន៍លោក ជំទាវច័ន្ទធី ដោយលោកមិនអាចសរសេរបានលោកសុំឲ្យនាងខ្ញុំជំនួសលោកសុំអរគុណដល់ ឯក ឧត្តម លោកជំទាវ លោក លោកស្រី និងបងប្អូនទាំ ងអស់ដែលបានបារម្ភនិងជូនពរលោក។ លោកមានជំងឺសម្ពាធឈាមតែពេលនេះប្រសើរឡើងវិញច្រើនហើយ តែលោកគ្រូពេទ្យឲ្យនៅសម្រាកដើម្បីតាមដានសុខភាពយូរថ្ងៃទៀត។

ពរជ័យរបស់ឯកឧត្តមលោកជំទាវលោកលោកស្រី បងប្អូនទាំងអស់បញ្ជាក់នៅការស្រលាញ់រាប់អាន និងជាឱសថទិព្វជំនួយផ្លូវចិត្តឲ្យលោកជំទាវឆាប់បានជាសះស្បើយប្រសើរឡើងវិញ។ សូមគោរពជូនពរ សូមមានសុខភាពល្អ ចៀសផុតពីជំងឺផងទាំងឡាយ។ប្រភពបានបន្ថែម។

សូមបញ្ជាក់ថា រដ្ឋមន្ត្រីក្រសួងព័ត៌មានលោក ខៀវ កាញ្ញារីទ្ធ នៅថ្ងៃទី០៤ខែកុម្ភៈ ឆ្នាំ២០២១នេះក៏បានឆ្លៀតឱកាសចូលសួរសុខទុក្ខលោកស្រី ច័ន្ទធី ពិធីការិនីជើងចាស់ប្រចាំទូរទស្សន៍ជាតិកម្ពុជា(ទទក) កំពុងសម្រាកព្យាបាលជំងឺធ្ងន់នៅមន្ទីរពេទ្យកាល់ម៉ែត្រ៕

ដោយ ៖ ចាន់រ៉ា