ព័ត៌មានអន្ដរជាតិ
អាមេរិក បដិសេធបានផ្ដល់ការលើកលែងទោសឲ្យលោក ម៉ាឌូរ៉ូ ដោយសម្ងាត់
សេតវិមាន កាលពីថ្ងៃចន្ទបានបដិសេធសេចក្ដីរបាយការណ៍ដែលថា ខ្លួនបានផ្តល់ការលើកលែងទោសដល់ប្រធានាធិបតីវ៉េណេស៊ុយអេឡាលោក នីកូឡាស ម៉ាឌូរ៉ូ (Nicolas Maduro) ជាថ្នូរនឹងការឲ្យលោកចុះចេញពីអំណាចចំពេលកំពុងមានភាពចលាចលនយោបាយនៅក្នុងប្រទេសបន្ទាប់ពីការប្រកាសលទ្ធផលបោះឆ្នោតកាលពីចុងខែកក្កដា។
ការបដិសេធនេះ ធ្វើឡើងបន្ទាប់ពីកាសែត Wall Street Journal បានរាយការណ៍កាលពីថ្ងៃអាទិត្យថា រដ្ឋបាលលោក ចូ បៃដិន កំពុងពិភាក្សាជាសម្ងាត់ដើម្បីឲ្យលោក ម៉ាឌូរ៉ូ យល់ព្រមប្រគល់អំណាច ដែលនឹងរួមបញ្ចូលការការពារប្រធានាធិបតីវ៉េណេស៊ុយអេឡា និងក្រុមមន្ត្រីជាន់ខ្ពស់របស់លោកពីការកាត់ទោស និងធានាថាទីក្រុងវ៉ាស៊ីនតោននឹងមិនស្វែងរកការធ្វើបត្យាប័នលើពួកគេនោះឡើយ។
អ្នកនាំពាក្យសេតវិមាន លោកស្រី Karine Jean-Pierre ក្នុងអំឡុងសន្និសីទខ្លីមួយកាលពីថ្ងៃចន្ទ បាននិយាយថា៖ «ចាប់តាំងពីការបោះឆ្នោតថ្ងៃទី២៨ខែកក្កដាមក យើងមិនបានធ្វើការផ្តល់ជូនជាក់លាក់ណាមួយនៃការលើកលែងទោសដល់លោក ម៉ាឌូរ៉ូ ឬអ្នកផ្សេងទេ។ អ្វីដែលខ្ញុំអាចនិយាយបានគឺចាប់តាំងពីការបោះឆ្នោតមក យើងមិនបានផ្តល់ជូនបែបនោះទេ»។
ក្រសួងយុត្តិធម៌ក្រុងវ៉ាស៊ីតោន កាលពីខែមីនាឆ្នាំ២០២០បានចោទប្រកាន់លោក ម៉ាឌូរ៉ូ និងមន្ត្រីជាន់ខ្ពស់១៤នាក់លើបណ្ដឹងជាច្រើន រួមទាំងការចោទប្រកាន់ថាប្រធានាធិបតីវ៉េណេស៊ុយអេឡាបានសហការជាមួយក្រុមឧទ្ទាម FARC ដើម្បីនាំចូលគ្រឿងញៀនប្រភេទកូកាអ៊ីនទៅក្នុងទឹកដីសហរដ្ឋអាមេរិក។
ក្រុមប្រឹក្សាបោះឆ្នោតជាតិរបស់ប្រទេសវ៉េណេស៊ុយអេឡា បានប្រកាសកាលពីថ្ងៃទី២៩ខែកក្កដាថា លោក ម៉ាឌូរ៉ូ បានយកឈ្នះក្នុងការបោះឆ្នោតសកល និងបន្តកាន់តំណែងអាណត្តិទី៣ជាមួយនឹងសម្លេងគាំទ្រ ៥១,២% ទល់នឹង ៤០,២%។ យ៉ាងណា លទ្ធផលនេះត្រូវបានជំទាស់ដោយគណបក្សប្រឆាំង ក៏ដូចជាសហរដ្ឋអាមេរិក បណ្ដាប្រទេសនៅអាមេរិកឡាទីន និងសហភាពអឺរ៉ុប ដោយចោទថាលទ្ធផលបោះឆ្នោតត្រូវបានក្លែងបន្លំ ព្រោះក្រុមប្រឹក្សាបោះឆ្នោតជាតិមិនបានបញ្ចេញព័ត៌មានលម្អិតនៃការរាប់សន្លឹកឆ្នោតនោះទេ ពោលគឺចេញផ្សាយតែលទ្ធផលជាតួលេខនៅលើវិបសាយរដ្ឋាភិបាលប៉ុណ្ណោះ។
មេបក្សប្រឆាំងលោកស្រី Maria Corina Machado បានជំរុញឲ្យពលរដ្ឋចូលរួមក្នុងការតវ៉ាទ្រង់ទ្រាយធំនៅថ្ងៃទី១៧ខែសីហាខាងមុខ ដើម្បីប្រឆាំងនឹងលទ្ធផលបោះឆ្នោត។ បក្សប្រឆាំងបានអះអាងថាខ្លួនមានព័ស្ដុតាងជាឯកសារព្រីននៃទិន្នន័យឆ្នោត ដែលបញ្ជាក់ថាពួកគេទទួលសម្លេងគាំទ្រច្រើនជាង២ភាគ៣ឯណោះ ពោលគឺយកឈ្នះដាច់លើលោក ម៉ាឌូរ៉ូ តែម្ដង៕
ដោយ៖ ឈាង
ចុចអាន៖ EU ចូលរួមជាមួយអាមេរិក ប្រកាសមិនទទួលស្គាល់លោក ម៉ាឌូរ៉ូ ជាអ្នកឈ្នះឆ្នោតនៅវ៉េណេស៊ុយអេឡា
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី