ព័ត៌មានជាតិ
អ្នកនាំពាក្យអប់រំ ៖ ករណីសិស្សទាត់តុគ្រូនៅកំពង់ឆ្នាំង បានដោះស្រាយបញ្ចប់ តែបន្តតាមដាន និងពង្រឹងវិន័យទៀត
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ១៤ សីហា នេះថា ករណីសិស្សប្រើអំពើហិង្សាទាត់តុគ្រូដែលជាអំពើមិនសមរម្យ ត្រូវបានដោះស្រាយបញ្ចប់រួចរាល់ហើយ ក្រោយពីមាតាបិតា និងសិស្សជាអ្នកប្រព្រឹត្តិបានដឹងកំហុស និងសន្យាថា នឹងឈប់ប្រព្រឹត្តិទង្វើនេះជាបន្តទៀត។ ប៉ុន្តែយ៉ាងណា សាលានៅបន្តតាមដាន និងពង្រឹងវិន័យដល់សិស្សានុសិស្សជាបន្តបន្ទាប់ទៀតផងដែរ។
ករណីសិស្សទាត់តុគ្រូនៅខេត្តកំពង់ឆ្នាំងនេះ ត្រូវបានបង្ហោះនៅតាមបណ្ដាញសង្គមជាច្រើន ធ្វើឱ្យមហាជនមានការភ្ញាក់ផ្អើលចំពោះទង្វើរបស់សិស្សដែលខ្លួននៅក្មេងហ៊ានប្រើអំពើហិង្សាទាត់តុគ្រូជាអ្នកមានគុណ ផ្តល់ចំណេះដឹងដល់ខ្លួន ដោយគ្មានខ្លាចរអាអ្វីសោះ។
ជាមួយគ្នានេះដែរ មហាជនក៏មានការកោតសរសើរដល់ការអត់ធ្មត់របស់លោកគ្រូ បើទោះជាសិស្សធ្វើទង្វើមិនត្រឹមត្រូវក៏ដោយ នៅតែការនិយាយស្តីដោយអហិង្សាដែលស័ក្ដិសមជាអ្នកអប់រំដ៏ល្អមួយរូប។
លោកស្រី បានបន្តថា «ករណីសិស្សម្នាក់ទាត់តុគ្រូកើតឡើងនៅខេត្តកំពង់ឆ្នាំង កាលពីថ្ងៃទី ១២ សីហា ឆ្នាំ ២០២៤ ក្រោយពីសាលាបានទទួលដំណឹង សាលាក៏បានរៀបចំកោះអញ្ជើញភាគីពាក់ព័ន្ធ ដើម្បីបើកកិច្ចប្រជុំដោះស្រាយភ្លាមៗ ដោយមានការចូលរួមពីមាតាបិតា សាមីខ្លួន លោកគ្រូជាប់ពាក់ព័ន្ធក្នុងករណីខាងលើ មេភូមិ និងអាជ្ញាធរ ហើយជាលទ្ធផលសិស្សដែលប្រព្រឹត្តិបានធ្វើកិច្ចសន្យាថា នឹងធ្វើការកែប្រែខ្លួន ឈប់ប្រព្រឹត្តិទង្វើបែបនេះជាបន្តទៀត ហើយសាលានៅបន្តពិនិត្យតាមដានការពង្រឹងវិន័យជាបន្តបន្ទាប់ទៀត»។
លោកស្រីបន្តទៀតថា ជាជំហានដំបូងយើងសហការជាមួយសហគមន៍ដែលមានអាណាព្យាបាល និងអាជ្ញាធរចូលរួមដោះស្រាយ។ ក្នុងករណីសិស្សនៅបន្តប្រព្រឹត្តិខុសឆ្គងបន្តទៀត សាលានឹងរកវិធីដោះស្រាយផ្សេងៗ ដូចជា ពិនិត្យមើលក្នុងគ្រួសារ កត្តាមិត្តភ័ក្ដិជុំវិញខ្លួន ឬគ្រូបង្រៀនជាដើម ដើម្បីដោះស្រាយទៅតាមជាក់ស្ដែង និងដំណោះស្រាយមួយទៀតអាចផ្លាស់ប្ដូរសិស្សទៅរៀនថ្នាក់ផ្សេងទៀតដែលអាចឱ្យគេជួបមិត្តភ័ក្ដិថ្មី និងគ្រូថ្មី អាចធ្វើឱ្យគេកែប្រែអត្តចរិតបានល្អប្រសើរឡើងវិញ។
លោកស្រីបានបន្ថែមថា ប៉ុន្តែការងារនេះ វាទាមទារមានការចូលរួមពីសហគមន៍ ពិសេសអាណាព្យាបាលសិស្ស មិនមែនសាលា គ្រូ និងក្រសួងធ្វើម្នាក់ឯងបាននោះទេ។
យ៉ាងណាក៏ដោយ លោកស្រី បញ្ជាក់ថា «យើងនឹងធ្វើឱ្យអស់ពីលទ្ធភាព មុននឹងបន្តការដាក់ទណ្ឌកម្មណាមួយដល់សិស្ស ព្រោះសាលាមិនអាចបញ្ឈប់សិស្សណាម្នាក់បានទេ បើទោះបីជាបញ្ឈប់គាត់ពីសាលាមួយ ក៏គាត់ត្រូវទៅរៀននៅសាលាផ្សេងទៀតដែរ។ អីចឹងមានតែខិតខំអប់រំណែនាំសិស្សដែលប្រព្រឹត្តិខុសឆ្គងឱ្យមករកប្រព្រឹត្តិអំពើល្អវិញទើបជាការប្រសើរ ហើយកន្លងមកយើងបានសហការជាមួយអាណាព្យាបាល មេភូមិ មេឃុំ ទទួលបានជោគជ័យច្រើនមកហើយ»។
លោកស្រី ឃួន វិច្ឆិកា បានឱ្យដឹងទៀតថា ការពង្រឹងវិន័យនេះដែរ ក្រសួង ក៏ដូចជាសាលារៀនទាំងអស់ បាននិងកំពុងអនុវត្តវិធានការ និងបទបញ្ជាផ្ទៃក្នុងដែលដាក់ចេញ មានស្រាប់ ដែលក្រសួងបានដាក់ចេញកាលពីដើមឆ្នាំកន្លងទៅ និងកំពុងបន្តអនុវត្តឱ្យកាន់តែមានប្រសិទ្ធភាពបន្ថែមទៀតនៅតាមសាលានីមួយៗ៕
អត្ថបទ ៖ សំអឿន
លោក Macron៖ បារាំងត្រៀមខ្លួនពង្រីកការរារាំងនុយក្លេអ៊ែររបស់ខ្លួនដល់ដៃគូអឺរ៉ុប
អ្នកឧកញ៉ា គិត ម៉េង ជំរុញឱ្យវិនិយោគិនបរទេសដាក់ទុននៅកម្ពុជា
ឆ្នាំ ២០២៤ តំបន់សេដ្ឋកិច្ចពិសេសក្រុងព្រះសីហនុ សម្រេចទំហំទឹកប្រាក់នាំចេញ-នាំចូលប្រមាណ ៣ ៦៧២ លានដុល្លារ
រដ្ឋមន្រ្តី MISTI៖ កំលាំងពលកម្មស្រ្តីដើរតួនាទីយ៉ាងសំខាន់នៅក្នុងសេដ្ឋកិច្ចកម្ពុជា
ជើងខ្លាំងផ្តួលថៃច្រើនរូប Nabati ត្រូវ ONE តេស្តឃើញសារធាតុហាមឃាត់
ប៉ះសម្ដីគ្នា លោកតាធាក់ស៊ីក្លូវ័យ ៧០ ឆ្នាំ ម្នាក់ ត្រូវបុរសម្នាក់ វាយត្រូវក្បាល ២ ដៃ
សមាជិកសភាត្រូវបណ្តេញចេញពីសាលប្រជុំ ព្រោះស្រែកតវ៉ាការថ្លែងរបស់ លោក ត្រាំ
ត្រាំ ថា ពេញចិត្តណាស់ ចំពោះលិខិតដែល ហ្សេលេនស្គី ផ្ញើឲ្យគាត់
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
Starmer និង Macron នឹងដឹកដៃ Zelensky ទៅអាមេរិកម្តងទៀត ដើម្បីបញ្ចុះបញ្ចូល Trump ឲ្យជួយអ៊ុយក្រែន
-
សន្តិសុខសង្គម៣ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានជាតិ១ សប្តាហ៍ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
ជីវិតកម្សាន្ដ៣ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ២ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៦ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ១ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
សន្តិសុខសង្គម៦ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ចរាចរណ៍៣ ថ្ងៃ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង