ព័ត៌មានអន្ដរជាតិ
ជប៉ុនលុបចោលជើងហោះហើរ និងផ្លូវដែក ខណៈព្យុះទីហ្វុង Ampilនឹងវាយប្រហារតូក្យូ
ព្យុះទីហ្វុង Ampil បានបោកបក់ខិតជិតមកដល់ទីក្រុងTokyoដែលជំរុញឱ្យក្រុមហ៊ុនអាកាសចរណ៍នានាលុបចោលជើងហោះហើររាប់រយរួមទាំងការដឹកជញ្ជូនតាមផ្លូវដែកក៏ត្រូវបានប្រកាសផ្អាក។
ព្យុះទីហ្វុងដែលទីភ្នាក់ងារឧតុនិយមជប៉ុន (JMA) ឱ្យឈ្មោះ«Ampil» ត្រូវបានចាត់ថាជាព្យុះមានឥទ្ធិពលខ្លាំងបំផុត ស្ថិតនៅចម្ងាយប្រហែល៦៩០គីឡូម៉ែត្រពីឆ្នេរសមុទ្រប៉ាស៊ីហ្វិករបស់ប្រទេសជប៉ុន គិតត្រឹមម៉ោង៩ព្រឹក ម៉ោងនៅប្រទេសជប៉ុន ហើយវាបានបង្កើនឥទ្ធិពលឆ្ពោះទៅកាន់ទីក្រុងតូក្យូនិងតំបន់ជុំវិញ។ បើតាម JMA ព្យុះទីហ្វុងAmpil បានបក់បោកក្នុងល្បឿន៣៥ម៉ែត្រក្នុងមួយវិនាទី ដោយមានខ្យល់បក់ខ្លាំងបំផុត៥០ម៉ែត្រក្នុងមួយវិនាទី។
មន្ត្រី JMA បានប្រាប់សន្និសីទសារព័ត៌មានមួយថា៖«ជាមួយនឹងព្យុះទីហ្វុងនេះខិតជិតមក យើងជំរុញឱ្យសាធារណជនមានការប្រុងប្រយ័ត្នខ្ពស់ការពារព្យុះ រលកខ្ពស់ និងភ្លៀងធ្លាក់ខ្លាំង»។ ក្នុងនោះក្រុមហ៊ុន Japan Airlines គ្រោងនឹងលុបចោលជើងហោះហើរក្នុងស្រុកចំនួន១៩១ និងជើងហោះហើរអន្តរជាតិចំនួន២៦ ដែលភាគច្រើនពួកគេចាកចេញ ឬមកដល់អាកាសយានដ្ឋាន Haneda ទីក្រុងតូក្យូ នៅថ្ងៃសុក្រ។
ជាមួយគ្នានេះក្រុមហ៊ុនអាកាសចរណ៍ធំមួយទៀត ANA ក៏បានប្រកាសថា ខ្លួននឹងលុបចោលជើងហោះហើរក្នុងស្រុកចំនួន២៨០ដែលត្រូវបានគ្រោងទុកសម្រាប់ថ្ងៃសុក្រ ដែលប៉ះពាល់ដល់អ្នកដំណើរជាង ៦០០០០ នាក់។ ចំណែកផ្លូវដែកជប៉ុន Central Japan Railway នឹងលុបចោលសេវាកម្មរថភ្លើងShinkansenទាំងអស់រវាងទីក្រុងតូក្យូ និងតំបន់ឧស្សាហកម្មកណ្តាលនៃទីក្រុងNagoyaរបស់ប្រទេសជប៉ុននៅថ្ងៃសុក្រ៕
អត្ថបទ៖ ប៊ុន សុភាព
-
វប្បធម៌ ជំនឿ៤ ថ្ងៃ ago
ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ
-
ព័ត៌មានជាតិ១ សប្តាហ៍ ago
អាកាសធាតុអំណោយផល ចំណោតដែលរអិលផុងខ្លាំងផ្លូវជាតិលេខ ៤៨ ត្រូវកែសម្រួលល្អឡើងវិញ
-
ព័ត៌មានអន្ដរជាតិ៣ ថ្ងៃ ago
រោងចក្រនុយក្លេអ៊ែរធំបំផុតនៅអឺរ៉ុប ត្រូវអគ្គិភ័យឆាបឆេះ
-
ព័ត៌មានជាតិ៣ ថ្ងៃ ago
ខេត្តភាគឦសានមណ្ឌលគិរី ពលរដ្ឋមានចំណូលខ្ពស់ឈរនៅលំដាប់ទី ៤ ទូទាំងប្រទេស
-
ព័ត៌មានជាតិ២៣ ម៉ោង ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
សន្តិសុខសង្គម៦ ថ្ងៃ ago
សាលាដំបូងរាជធានី បំភ្លឺជុំវិញការចាប់ខ្លួនលោក សាន អឿន
-
ព័ត៌មានជាតិ៣ ថ្ងៃ ago
សម្តេចតេជោ៖ ខ្ញុំមិនទាន់អស់អំណាចទេ ខ្ញុំត្រូវការពារប្រជាជនរបស់ខ្ញុំ និងទឹកដីដ៏កម្សត់
-
ព័ត៌មានអន្ដរជាតិ៤ ថ្ងៃ ago
ទើបផុតរញ្ជួយដី ពេលនេះជប៉ុន ត្រូវជួបគ្រោះធម្មជាតិធំមួយទៀត