ព័ត៌មានអន្ដរជាតិ
វិស័យឯកជនថៃជឿថា នាយករដ្ឋមន្រ្តីថៃថ្មី លោកស្រី ផែតងតាន នឹងបន្តគោលនយោបាយសេដ្ឋកិច្ចដែលមានស្រាប់
វិស័យឯកជនថៃជឿជាក់ថា លោកស្រី ផែតងតាន ស៊ីណាវ៉ាត្រា (Paetongtarn Shinawatra) ដែលជាមេដឹកនាំគណបក្សកាន់អំណាចភឿថៃ អាចបន្តគោលនយោបាយសេដ្ឋកិច្ចរបស់រដ្ឋាភិបាលផ្សេងៗដោយរលូន ពេលលោកស្រីក្លាយជានាយករដ្ឋមន្ត្រីថ្មី។ នេះតាមការចុះផ្សាយរបស់កាសែត The Nation មុនពេលលោកស្រីត្រូវបានបោះឆ្នោតក្លាយជានាយករដ្ឋមន្រ្តីថៃទី ៣១ នាថ្ងៃសុក្រនេះ ដោយទទួលបានសម្លេងគាំទ្រច្រើនលើសលុបនៅក្នុងសភា ហើយនឹងបន្តវេនពីលោក សេដ្ឋា ថាវីស៊ីន ដែលតុលាការធម្មនុញ្ញដកតំណែងកាលពីថ្ងៃពុធ។
ប្រធានសហព័ន្ធឧស្សាហកម្មថៃ (FTI) លោក Kriengkrai Thiennukul បាននិយាយកាលពីថ្ងៃព្រហស្បតិ៍ថា លោកស្រី ផែតងតាន មានភាពថ្មីស្រឡាងផ្នែកនយោបាយ ធៀបនឹងលោក Chaikasem Nitisiri ដែលជាបេក្ខភាពនយោបាយសំខាន់មួយរូបទៀត ប៉ុន្តែភាពជាអ្នកជំនាន់ថ្មីគឺជាកម្លាំង មិនមែនជាឧបសគ្គទេ។
លោកស្រី ផែតងតាន ដែលបច្ចុប្បន្នមានវ័យ ៣៧ ឆ្នាំ និងជាកូនស្រីរបស់អតីតនាយករដ្ឋមន្រ្តី តាក់ស៊ីន ស៊ីណាវ៉ាត្រា បានចូលប្រឡូកក្នុងឆាកនយោបាយជាង១ឆ្នាំមុន ក្នុងនាមជាបេក្ខជននាយករដ្ឋមន្ត្រីម្នាក់របស់គណបក្សភឿថៃ។ លោក Kriengkrai លើកឡើងថា FTI ជឿជាក់ថា ក្រោមការដឹកនាំរបស់លោកស្រី ផែតងតាន គោលនយោបាយភាគច្រើនដែលដាក់ចេញដោយរដ្ឋាភិបាលដឹកនាំដោយគណបក្សភឿថៃ នឹងបន្តដូចការគ្រោងទុក ប៉ុន្តែប្រហែលជាមិនមែនទាំងអស់នោះទេ ដោយសារស្ថានភាពនយោបាយ និងការផ្លាស់ប្ដូរនៃសេដ្ឋកិច្ច។
ចំណែកឯ ប្រធានសភាពាណិជ្ជកម្មថៃ (TCC) លោក Sanan Angubolkul វិញ បាននិយាយថា ក្រោយការបោះឆ្នោតនាយករដ្ឋមន្ត្រីថ្មីនៅថ្ងៃសុក្រនេះ រដ្ឋាភិបាលដឹកនាំដោយគណបក្សភឿថៃទំនងជានឹងបន្តគោលនយោបាយសេដ្ឋកិច្ចរបស់ខ្លួនភាគច្រើន ដើម្បីស្តារទំនុកចិត្តឡើងវិញក្នុងចំណោមវិនិយោគិនថៃ និងបរទេស។
លោកក៏សង្ឃឹមផងដែរថា រដ្ឋាភិបាលថ្មីនឹងបន្តជំរុញការប្រកួតប្រជែងរបស់ប្រទេសថៃក្នុងកម្រិតអន្តរជាតិ និងចរចារកិច្ចព្រមព្រៀងពាណិជ្ជកម្មសេរីជាមួយដៃគូបន្ថែមទៀត ដើម្បីជំរុញវិស័យនាំចេញ។
ភ្លាមៗក្រោយការជាប់ឆ្នោត គេមិនទាន់ដឹងថាលោកស្រី ផែតងតាន នឹងបន្ត ឬដកគោលនយោបាយសេដ្ឋកិច្ចណាមួយ ដែលបន្សល់ពីលោក សេដ្ឋា នោះទេ។ ប៉ុន្តែអ្នកវិភាគនយោបាយ និងសេដ្ឋកិច្ច មើលឃើញថា លោកស្រីនឹងបន្តគោលនយោបាយលើវិស័យទេសចរណ៍ ខណៈមានការទាមទារឱ្យរដ្ឋាភិបាលពន្លឿនគោលនយោបាយសេដ្ឋកិច្ចផ្សេងៗ ដូចជាការបញ្ចេញថវិកាជាតិជាដើម។
យ៉ាងណាមិញ គម្រោង «កាបូបឌីជីថល» ដែលគ្រោងអនុវត្តនៅត្រីមាសចុងក្រោយឆ្នាំនេះ កំពុងស្ថិតនៅក្នុងភាពស្រពិចស្រពិល ក្រោយមានសេចក្ដីរាយការណ៍ថា លោក តាក់ស៊ីន បញ្ជាឱ្យលោកស្រី ផែតងតាន ទម្លាក់វាចោល ដោយសំអាងថាសេដ្ឋកិច្ចរបស់ប្រទេសកំពុងស្ថិតនៅក្នុងភាពទន់ខ្សោយ។ គម្រោងដ៏ចម្រូងចម្រាស់ ហើយត្រូវចំណាយប្រាក់ប្រមាណជាង ១២ ប៊ីលានដុល្លារមួយនេះ ត្រូវបានក្រសួងហិរញ្ញវត្ថុថៃព្យាករថា នឹងជួយជំរុញអត្រាកំណើនសេដ្ឋកិច្ចចន្លោះពី ១,២ ដល់ ១,៨ ភាគរយ បន្ថែមទៀតពីលើការព្យាករ ២,៧ ភាគរយ សម្រាប់ឆ្នាំ ២០២៤៕
បំណែកវត្ថុបុរាណជាច្រើន ត្រូវបានអ្នកជំនាញអភិរក្សជួសជុលឱ្យរឹងមាំឡើងវិញ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
ស្លាប់១២នាក់ និងជម្លៀសខ្លួនរាប់ម៉ឺននាក់ ព្រោះទឹកជំនន់នៅថៃ និងម៉ាឡេស៊ី
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៦ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល