ព័ត៌មានជាតិ

ឃាតកសម្លាប់យុវតីម្នាក់ នៅប៉ោយប៉ែត ត្រូវបញ្ចូនទៅតុលាកាហើយ

បានផុស

៤ years មុន

នៅ

ថ្ងៃសុក្រ ៥ មីនា ២០២១

ដោយ

ឃាតក សម្លាប់យុវតីម្នាក់ជាបុក្គលិកកាស៊ីណូនៅក្រុងប៉ោយប៉ែត ខេត្តបន្ទាយមានជ័យត្រូវបានបញ្ចូនទៅកាន់តុលាការខេត្តបន្ទាយមានជ័យហើយនៅថ្ងៃទី៥ ខែមីនា ២០២១។ នេះបើយោងតាមប្រភពពីសមត្ថកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យមានឈ្មោះ រឿន ធារិន ភេទប្រុស អាយុ ៣៨ឆ្នាំ មុខរបរ មិនពិតប្រាកដរស់នៅភូមិដីថ្មី សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ក្នុងករណីឃាតកម្មគិតទុក (រំលោភសម្លាប់) លើជនរងគ្រោះឈ្មោះ ហួន ស្រី ភេទស្រី អាយុ ២៣ឆ្នាំ មុខរបរៈបុគ្គលិកកាស៊ីណូ កាលពីវេលាម៉ោង២០:០០នាទី ថ្ងៃទី០២ខែមីនា២០២១ នៅចំណុចបន្ទប់ជួល ស្ថិតនៅភូមិក្បាលស្ពាន១ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។

ជនសង្ស័យជាឃាតកត្រូវបានសមត្ថកិច្ចចាប់ខ្លួន នៅវេម៉ោង២១ និង៤០នាទី ថ្ងៃទី០៤ ខែមីនា២០២១ នៅចំណុចបន្ទប់ផ្ទះសំណាក់មួយ ស្ថិតនៅភូមិទ្រាំង សង្កាត់ស្លក្រាម ក្រុង.ខេត្តសៀមរាប និងបានសាកសួរចម្លើយ បន្ទាប់មកបានបញ្ជូនទៅដល់តុលាការខេត្តបន្ទាយមានជ័យនៅថ្ងៃទី៥ ខែមីនា ឆ្នាំ២០២១នេះ។

នារីវ័យ ២២ឆ្នាំម្នាក់ ជាបុគ្គលិកបម្រើការងារនៅកាស៊ីណូក្នុងក្រុងប៉ោយប៉ែត ត្រូវឃាតកសម្លាប់ក្នុងបន្ទប់ជួលយ៉ាងសាវហាវព្រៃផ្សៃ បង្កការភ្ញាក់ផ្អើលកាលពីវេលាម៉ោង ៨ យប់ថ្ងៃទី ២ ខែមីនា ឆ្នាំ ២០២១ ក្នុងបន្ទប់ជួលក្បែរមន្ទីរពេទ្យ នាគទិព្វ២ ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

នារីរងគ្រោះមានឈ្មោះ ហួន ស្រី អាយុ២២ឆ្នាំ ជាបុគ្គលិកបម្រើការងារក្នុងកាស៊ីណូមួយម្តុំនាគទិព្វ២ ផ្នែក SlotSuper Machine៕