ព័ត៌មានអន្ដរជាតិ
រថយន្តអគ្គិសនីចិន គ្របដណ្ដប់ផ្ដាច់មុខលើទីផ្សារឥណ្ឌូណេស៊ី
សមាគមឧស្សាហកម្មរថយន្តឥណ្ឌូណេស៊ី (Gaikindo) បានឱ្យដឹងកាលពីពេលថ្មីៗនេះថា ម៉ាករថយន្តអគ្គិសនីរបស់ចិន បាន និងកំពុងវាតទីគ្រប់គ្រងលើទីផ្សារលក់របស់ឥណ្ឌូណេស៊ីចាប់តាំងពីដើមឆ្នាំនេះមក ដោយគ្របដណ្ដប់ប្រមាណ ៨០ ភាគរយ នៃចំណែកទីផ្សារ។ នេះបើតាមការចុះផ្សាយរបស់កាសែត Jakarta Globe។
Gaikindo បានឱ្យដឹងជាលម្អិតថា នៅចន្លោះខែមករា និងខែកក្កដា ឥណ្ឌូណេស៊ីបានកត់ត្រាពីការលក់រថយន្តអគ្គិសនីចំនួន ១៧ ៨០០ គ្រឿង ដោយច្រើនជាងទ្វេដង បើធៀបនឹងរយៈពេលដូចគ្នាកាលពីឆ្នាំមុន។
យ៉ាងណាមិញ ៤ ក្នុងចំណោមរថយន្តអគ្គិសនី៥គ្រឿង ដែលលក់បាន គឺជារថយន្តអគ្គិសនីមានម៉ាកយីហោចិន រួមមានម៉ាក Wuling, BYD, Chery និង Neta។
ក្នុងអំឡុងពេល៧ខែដដែល ក្រុមហ៊ុន BYD ដែលបានចាប់ផ្តើមប្រតិបត្តិការនៅឥណ្ឌូណេស៊ីនាពេលថ្មីៗនេះ បានលក់រថយន្តអគ្គិសនីប្រមាណ ៣ ០០០ គ្រឿង ក្រុមហ៊ុន Chery លក់បានជាង ៣ ០០០ គ្រឿង។ ក្រុមហ៊ុន Morris Garage ដែលបច្ចុប្បន្នគ្រប់គ្រងដោយក្រុមហ៊ុនចិន SAIC Motor លក់រថយន្តបានប្រមាណ ១ ៩០០ គ្រឿង។
គួរគូសបញ្ជាក់ថា ចិនកំពុងឆ្ពោះទៅរកការគ្របដណ្ដប់ផ្ដាច់មុខលើទីផ្សាររថយន្តអគ្គិសនីធំៗនៅអាស៊ីអាគ្នេយ៍ ដោយបច្ចុប្បន្ន ក្រៅពីឥណ្ឌូណេស៊ី រថយន្តអគ្គិសនីចិនកំពុងឈរឈ្មោះលើកំពូលតារានៃចំណែកទីផ្សារនៅថៃរួចហើយ។ គេមើលឃើញថា ចិនកំពុងធ្វើពិពិធកម្មទីផ្សារខ្សែចង្វាក់ផ្គត់ផ្អង់រថយន្តរបស់ខ្លួនដើម្បីកាត់បន្ថយផលប៉ះពាល់ពីបញ្ហាពាណិជ្ជកម្មជាមួយលោកលិច ខណៈអាស៊ីអាគ្នេយ៍ ដែលមានប្រជាជនច្រើន និងកាន់តែធូរធា ក្លាយជាទីផ្សារគោលដៅសំខាន់មួយ៕
-
ព័ត៌មានជាតិ២ ថ្ងៃ ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សន្តិសុខសង្គម៤ ថ្ងៃ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
ព័ត៌មានអន្ដរជាតិ៥ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៦ ថ្ងៃ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
សន្តិសុខសង្គម៤ ថ្ងៃ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
-
ព័ត៌មានជាតិ១ សប្តាហ៍ ago
សម្តេចតេជោ៖ ខ្ញុំមិនទាន់អស់អំណាចទេ ខ្ញុំត្រូវការពារប្រជាជនរបស់ខ្ញុំ និងទឹកដីដ៏កម្សត់
-
សន្តិសុខសង្គម២ ថ្ងៃ ago
ឃាត់ខ្លួនក្រុមបាតុករ៣នាក់ដែលធ្វើដំណើរចូលមកភ្នំពេញធ្វើបាតុកម្ម(វីដេអូ)
-
ព័ត៌មានជាតិ៨ ម៉ោង ago
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ