ក្រុមហ៊ុនចិន ចាប់អារម្មណ៍សក្ដានុពលវិនិយោគនៅកម្ពុជា

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅព្រឹកថ្ងៃទី ២០ ខែសីហា ឆ្នាំ ២០២៤ បានអនុញ្ញាតឱ្យប្រតិភូក្រុមហ៊ុនវិនិយោគចិន តំណាងដោយ លោក Zhao Yudong ប្រធាន​ក្រុម​ហ៊ុន Everbright Group Everbright Sunshine Asset Management Co.,Ltd ចូល​ជួប​សម្ដែងការគួសម និងពិភាក្សាការងារនៅវិមានសន្តិភាព។

ប្រតិភូក្រុមហ៊ុនវិនិយោគចិនបាននឹងកំពុងចាប់អារម្មណ៍ចំពោះសក្តានុពល និងបរិយាកាសវិនិ​យោគ​​​​លើវិស័យសំខាន់ៗមួយចំនួននៅកម្ពុជា ជាពិសេសលើវិស័យហេដ្ឋារចនាសម្ព័ន្ធ ឧស្សា​ហ​កម្ម ហិរញ្ញវត្ថុ និងថាមពល ស្របពេលដែលកម្ពុជាបានត្រៀមខ្លួនរួច​ជាស្រេច​សម្រាប់​ទទួល​ការ​វិនិយោគ ធ្វើពាណិជ្ជកម្ម ដែលជាដង្ហើមដ៏ចាំបាច់បំផុត សម្រាប់ជំរុញ​ខឿន​សេដ្ឋកិច្ចជាតិ៕