ព័ត៌មានអន្ដរជាតិ
ការវិនិយោគរបស់វៀតណាមនៅឡាវ កើនដល់ជាង ៥,៥ ប៊ីលានដុល្លារ
ទំហំនៃការវិនិយោគរបស់វៀតណាមនៅក្នុងប្រទេសឡាវ បានកើនឡើងដល់ ៥,៥ ប៊ីលានដុល្លារ ក្នុងគម្រោងចំនួន២៥៦។ នេះបើតាមទិន្នន័យ ដែលចេញផ្សាយកាលពីថ្ងៃអាទិត្យក្នុងកិច្ចប្រជុំមួយនៅវៀតណាម ដែលប្រទេសទាំង២បានត្រួតពិនិត្យវឌ្ឍនភាពនៃផែនការសហប្រតិបត្តិការវៀតណាម-ឡាវ ឆ្នាំ ២០២៤ និងបានកំណត់ទិសដៅយុទ្ធសាស្ត្រសម្រាប់កិច្ចព្រមព្រៀងសហប្រតិបត្តិការទ្វេភាគីឆ្នាំ ២០២១-២០២៥។
កាសែត Laotian Times ចុះផ្សាយកាលពីថ្ងៃចន្ទថា ចាប់តាំងពីឆ្នាំ ២០២១ មក ប្រទេសឡាវបានផ្តល់អាជ្ញាប័ណ្ណវិនិយោគសម្រាប់គម្រោងវៀតណាម សរុបចំនួន ៨៦៩,៩ លានដុល្លារ។ ក្នុងឆមាសទី១នៃឆ្នាំ ២០២៤ ឡាវបានអនុម័តគម្រោងថ្មីរបស់វៀតណាមចំនួន ៦ ដែលមានទំហំទឹកប្រាក់ចំនួន ៣៣៩ លានដុល្លារ។ យោងតាមរដ្ឋមន្ត្រីក្រសួងផែនការ និងវិនិយោគឡាវ និងជាប្រធានគណៈកម្មាធិការសហប្រតិបត្តិការឡាវ-វៀតណាម លោក Phet Phomphiphak គម្រោងទាំងនេះគ្របដណ្ដប់លើវិស័យជាច្រើនដូចជា ការជីកយករ៉ែ អគ្គិសនី និងសុខាភិបាល។
ប្រទេសទាំង២ កំពុងបន្តយ៉ាងសកម្មលើគម្រោងសហប្រតិបត្តិការថ្មីៗ រួមទាំងផ្លូវល្បឿនលឿនវៀងចន្ទន៍-ហាណូយ និងផ្លូវរថភ្លើង Vientiane-Tha Khek-Tan Ap-Vung Ang ខណៈក៏កំពុងផ្តោតលើការអភិវឌ្ឍកំពង់ផែ Vung Ang ទី១ ទី២ និងទី៣ ក្នុងប្រទេសវៀតណាម ដើម្បីសម្រួលពាណិជ្ជកម្មឡាវ ដែលជាប្រទេសគ្មានដែនសមុទ្រ។
លោក Phet Phomphiphak បានលើកឡើងពីសារៈសំខាន់នៃកិច្ចសហប្រតិបត្តិការរវាងក្រសួងវៀតណាម និងឡាវ ដើម្បីគ្រប់គ្រងការវិនិយោគ ដោះស្រាយបញ្ហា និងត្រួតពិនិត្យការបណ្តាក់ទុនរួមគ្នា។ អនុរដ្ឋមន្ត្រីក្រសួងផែនការ និងវិនិយោគវៀតណាម លោក Tran Quoc Phuong ក៏បានលើកឡើងផងដែរ ពីការសម្របសម្រួលយ៉ាងសកម្មរវាងប្រទេសទាំង២ ទោះបីមានបញ្ហាប្រឈមជាសាកលក៏ដោយ។
សម្លឹងឆ្ពោះទៅមុខ វៀតណាម និងឡាវ គ្រោងនឹងផ្តោតលើការអនុវត្តកិច្ចព្រមព្រៀងកម្រិតខ្ពស់ និងការជំរុញគម្រោងហេដ្ឋារចនាសម្ព័ន្ធ ដោយសង្កត់ធ្ងន់យ៉ាងខ្លាំងលើការអភិវឌ្ឍធនធានមនុស្ស និងការបង្កើតថ្មីក្នុងវិស័យផលិតកម្មបច្ចេកវិទ្យាខ្ពស់ ការជីកយករ៉ែ និងពាណិជ្ជកម្មអេឡិចត្រូនិក៕
-
ព័ត៌មានជាតិ២ ថ្ងៃ ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សន្តិសុខសង្គម៤ ថ្ងៃ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
ព័ត៌មានអន្ដរជាតិ៥ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៦ ថ្ងៃ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
សន្តិសុខសង្គម៤ ថ្ងៃ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
-
ព័ត៌មានជាតិ១ សប្តាហ៍ ago
សម្តេចតេជោ៖ ខ្ញុំមិនទាន់អស់អំណាចទេ ខ្ញុំត្រូវការពារប្រជាជនរបស់ខ្ញុំ និងទឹកដីដ៏កម្សត់
-
សន្តិសុខសង្គម២ ថ្ងៃ ago
ឃាត់ខ្លួនក្រុមបាតុករ៣នាក់ដែលធ្វើដំណើរចូលមកភ្នំពេញធ្វើបាតុកម្ម(វីដេអូ)
-
ព័ត៌មានជាតិ៨ ម៉ោង ago
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ