ចរាចរណ៍

ផឹកស្រវឹងបើករថយន្ដខុសផ្លូវបុកគល់ឈើគៀបជាប់ស្លាប់ម្នាក់របួសម្នាក់

បានផុស

៤ years មុន

នៅ

ថ្ងៃសុក្រ ៥ មីនា ២០២១

ដោយ

ជនរងគ្រោះ២នាក់ក្នុងនោះមានអតីតៈមេឃុំម្នាក់ ក្រោយពីផឹកស្រវឹងបើករថយន្ដបំណងត្រឡប់ទៅផ្ទះវិញ ជ្រុលបុកគល់ដើមអំពិលទឹកបណ្ដាលឲ្យស្លាប់ម្នាក់និងរបួសធ្ងន់១នាក់ កាលពីវេលាម៉ោង១២និង១៥នាទី រំលងអាធ្រាត្រចូលថ្ងៃទី៥ ខែមីនាឆ្នាំ២០២១ នៅចំណុចចន្លោះបង្គោលគីឡូលេខ១០.១១ ផ្លូវជាតិលេខ៥៨ដេ ភូមិស្នួលទ្រេត ឃុំអូរបីជាន់ ស្រុក អូរជ្រៅ ខេត្តបន្ទាយមានជ័យ ។

លោក នង សំរាំង មេប៉ុស្តិ៍រដ្ឋបាលឃុំអូរបីជាន់បានឲ្យដឹងថា ជនរងគ្រោះស្លាប់មាន ឈ្មោះសួង មឿន ភេទប្រុសអាយុ៦៧ឆ្នាំ ជាអតីតមេឃុំអូរបីជាន់ មានលំនៅភូមិបន្ទាយថ្មីឃុំអូរបីជាន់ ស្រុកអូរជ្រៅ ខេត្ដបន្ទាយមានជ័យ។ និងអ្នកបើករថយន្តមានឈ្មោះ សួន វី ភេទប្រុសអាយុ៥២ឆ្នាំ មានលំនៅភូមិអូរបីជាន់ ឃុំអូរបីជាន់ ស្រុកអូរជ្រៅ ខេត្ដបន្ទាយមានជ័យ របួសធ្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នង សំរាំង បានបញ្ជាក់ឲ្យដឹងបន្តទៀតថា នៅពេលកើតហេតុនោះជនរងគ្រោះទាំង២នាក់បានជិះរថយន្តតូចម៉ាកតូយ៉ូតាកាមរីចង្កូតស្តាំពាក់ស្លាកលេខភ្នំពេញ២E ៤០២៣ ក្រោយពីបានផឹកសុីហូកចុកនៅក្នុងសាលាឃុំ ហើយនៅពេលល្ងាចបានបន្តទៅរាំកំសាន្តនៅក្រុងសិរីសោភ័ណទីរួមខេត្តបន្តក្រោយពីរាំសប្បាយអស់ចិត្តលុះដល់យប់ជ្រៅ ពួកគាត់បានជិះរថយន្តវិលត្រឡប់ទៅផ្ទះវិញលុះបើកមកដល់ត្រង់ផ្លូវកោង ខាងត្បូងវត្តស្នួលទ្រេត រថយន្តក្នុងល្បឿនលឿន មិនបានបត់តាមលំនាំផ្លូវទេ គឺបានទៅត្រង់ហើយក៏បើកទៅបុកគល់អំពិលទឹកបណ្តាលឲ្យរថយន្តរួញនិងគៀបជនរងគ្រោះទាំង២នាក់ជាបើក្នុងរថយន្ត ។

ក្រោយពីកើតហេតុ ប្រជាបឡរដ្ឋបាននាំគ្នាគាស់រថយន្តសង្គ្រោះជនរងគ្រោះចេញពីរថយន្តដឹកជនរងគ្រោះទៅមន្ទីរពេទ្យខេត្តមិត្តភាពកម្ពុជា ជប៉ុន មង្គលបូរី ចំណែកលោកអតីតមេឃុំអូរបីជាន់បានស្លាប់ភ្លាមៗនៅនិងកន្លែង សពត្រូវបានសមត្ថកិច្ចប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ វ៉ាន់ ណាង