ព័ត៌មានជាតិ
រាជរដ្ឋាភិបាលកម្ពុជា ចាត់ទុកប្រជាពលរដ្ឋដូចជាកូនបង្កើត
រាជរដ្ឋាភិបាលកម្ពុជា អាណត្តិទី ៧ ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានចាត់ទុកប្រជាពលរដ្ឋដូចជាកូនបង្កើត ដោយបានបណ្ដុះបណ្ដាលធនធានមនុស្ស ១ លាន ៥ សែននាក់ ជាមួយនឹងការផ្តល់ជាប្រាក់ឧបត្ថម្ភក្នុងការសិក្សារៀនសូត្រនេះ ១ ខែ ២៨ ម៉ឺនរៀល ថែមទៀត មានន័យថា រាជរដ្ឋាភិបាល មិនត្រឹមតែឲ្យត្រីទេ ឲ្យទាំងសន្ទូច បង្ហាញបឹង និងរបៀបស្ទូចយកត្រីថែមទៀត។
នេះជាប្រសាសន៍លើកឡើងរបស់ លោក កើត ឆែ អភិបាលរងរាជធានីតំណាងលោក ឃួង ស្រេង អភិបាល នៃគណៈអភិបាលរាជធានីភ្នំពេញ ខណៈលោក និងលោកគ្រូ ធម្មទានាចារ្យ ចាន់ សេរី អញ្ជើញជាអធិបតីភាព ក្នុងវគ្គបណ្ដុះបណ្ដាល ស្ដីពីការបណ្តុះផ្នត់គំនិត និងឥរិយាបថវិជ្ជមានរបស់បុគ្គលិក ក្នុងការបំពេញការងារ (ត្រៀមខ្លួនដើម្បីក្លាយជាអ្នកដឹកនាំ) កាលពីព្រឹកថ្ងៃទី ២២ សីហា នេះ នៅសាលារាជធានីភ្នំពេញ។
លោក កើត ឆែ លើកឡើងថា វគ្គបណ្ដុះបណ្ដាលនេះ នឹងផ្តល់ចំណេះដឹង ធាតុចូលថ្មីៗ ទៀត ដល់បុគ្គលិក មន្ត្រីរាជការ ដើម្បីពង្រឹងសមត្ថភាពការងារឲ្យកាន់តែល្អប្រសើរ ឆ្លើយតបទៅនឹងការងារបម្រើប្រជាពលរដ្ឋ។ លោក ឃួង ស្រេង អភិបាល នៃគណៈអភិបាលរាជធានីភ្នំពេញ បានយកចិត្តទុកដាក់ណាស់លើការងារបណ្ដុះបណ្ដាល ពង្រឹងសមត្ថភាពរបស់មន្ត្រី ដើម្បីឲ្យមន្ត្រីមានសមត្ថភាពគ្រប់គ្រាន់ ក្នុងការបម្រើសេវាជូនប្រជាពលរដ្ឋកាន់តែល្អ និងទំនើប។
លោក កើត ឆែ បន្តថា ព័ត៌មានសំខាន់ណាស់ អ្វីៗ សុទ្ធតែជាព័ត៌មាន ដូចការរៀបការ ការហូបចុក ការរកស៊ី។ល។និង។ល។ សុទ្ធតែជាព័ត៌មាន នៅពេលយើងទទួលបានព័ត៌មានពិត យើងនឹងទទួលបានជោគជ័យ និងភាពរីកចម្រើន។ តែបើយើងទទួលបានព័ត៌មានមិនពិត នោះយើងនឹងទទួលភាពបរាជ័យ នេះរាប់ទាំងជីវិតគូស្រករ ផង។ ក្រុមជ្រុលនិយម ក្រុមអគតិនៅក្រៅប្រទេស បានបំផុសបំផុលដោយយកព័ត៌មានមិនពិត ពាក់ព័ន្ធនឹងការអភិវឌ្ឍតំបន់ត្រីកោណ CLV DTA ឲ្យប្រជាពលរដ្ឋយល់ច្រឡំប្រឆាំងជាមួយរាជរដ្ឋាភិបាល ហើយអ្នកដែលជាប់គុកគឺអ្នកនៅក្នុងស្រុកនេះហើយ ទោសនេះមិនតិចជាង ១០ ឆ្នាំទេ។ អំពើក្បត់មនសិការ មិនបាច់ចាំជាតិក្រោយទេ។
លោក កើត ឆែ បន្ថែមថា ការឡើងកាន់អំណាចមិនតាមរយៈប្រជាធិបតេយ្យ បោះឆ្នោតត្រឹមត្រូវ មិនយូរទេ ប្រទេសជាតិ នឹងធ្លាក់ក្នុងភ្លក់ភ្លើងសង្គ្រាម សូមឲ្យរួមគ្នារក្សាសន្តិភាពឲ្យបានគង់វង្ស មានសន្តិភាពគឺមានអ្វីៗ ទាំងអស់។
គួរបញ្ជាក់ថា វគ្គបណ្ដុះបណ្ដាលនេះ នឹងធ្វើឲ្យអ្នកសិក្សាយល់នូវវិធីកសាងស្មារតី ម្ចាស់ការ ដើម្បីអានុភាព និងថាមពល តាមរយៈការងារ តួនាទីខ្លួនឯង ក្នុងបច្ចុប្បន្ន និងសម្រាប់អនាគតល្អរបស់ខ្លួន៕
អត្ថបទ ៖ ស្រីរ័ត្ន
-
ព័ត៌មានជាតិ៣ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៧ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ៧ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ សប្តាហ៍ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ៧ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ១ សប្តាហ៍ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
សេដ្ឋកិច្ច៧ ថ្ងៃ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ៣ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ