ព័ត៌មានជាតិ

នគរបាលស្រុកសំរោងទងឃាត់ខ្លួនមុខសញ្ញាគប់កញ្ចក់រថយន្ដម្នាក់

បានផុស

៤ years មុន

នៅ

ថ្ងៃសុក្រ ៥ មីនា ២០២១

ដោយ

កម្លាំងនគរបាលផ្នែកព្រហ្មទណ្ឌ ស្រុកសំរោងទង ខេត្តកំបង់ស្ពឺ នៅថៃ្ងទី០៥ ខែមិនា ឆ្នាំ២០២១នេះ បានធ្វើការស្រាវជ្រាវរហូតឈានដល់ឃាត់ខ្លួនមុខសញ្ញាសង្ស័យម្នាក់ ពាក់ព័ន្ធករណីគប់កញ្ចក់ រថយន្តរួចគេចខ្លួន កាលពីថ្ងៃអាទិត្យទី២៨ ខែកុម្ភៈ ឆ្នាំ២០២១ វេលាម៉ោង១៩និង០០នាទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្ដដែលត្រូវជនសង្ស័យគប់បណ្ដាលឲ្យបែកកញ្ចក់ ជាកម្មសិទ្ធិរបស់ឈ្មោះ លឹម ម៉េង ភេទប្រុស អាយុ៥៥ឆ្នាំ រស់នៅភូមិវល្លិសរ ឃុំវល្លិស ស្រុកសំរោងទង ខេត្តកំពង់ស្ពឺ ម៉ាកហាយលែនឌ័រ ពណ៌ទឹកប្រាក់ សេរីឆ្នាំ២០០៣ ពាក់ផ្លាកលេខភ្នំពេញ 1AM.3290 ។ ដែលករណីនេះជនសង្ស័យបានធ្វើសកម្មភាពនៅចំណុចមុខផ្ទះខ្លួនឯងតែម្ដង។

ជនសង្ស័យ មានឈ្មោះ សេង ឆេង ក្រោយពេលសាកសួរ បានឆ្លើយសារភាពទទួលស្គាល់ថាខ្លួនពិតជាបានយកដំថ្មគប់ទៅលើរថយន្តរបស់ជនរងគ្រោះពិតប្រាកដមែន។

បច្ចុប្បន្នសមត្ថកិច្ច បានកសាងសំណុំរឿងបញ្ជូនជនសង្ស័យ ទៅការិយាល័យជំនាញដើម្បីកសាងសំណុំរឿងបន្តនីតិវិធីតាមផ្លូវច្បាប់៕

អត្ថបទ ៖ សុខុម