ជីវិតកម្សាន្ដ

ម៉ា ដូណា បញ្ជាក់ស្ថានភាពជំងឺម្តាយ ក្រោយបញ្ជូនទៅសង្គ្រោះនៅវៀតណាម

បានផុស

១ ខែ មុន

នៅ

ថ្ងៃសុក្រ ២៣ សីហា ២០២៤

ដោយ

តារាភេទទី ៣ ពហុជំនាញ ម៉ា ដូណា ថ្មីៗ នេះ បានជួបរឿងមិនសប្បាយចិត្ត ខណៈអ្នកម្តាយជាទីស្រលាញ់បានធ្លាក់ខ្លួនឈឺធ្ងន់រហូតត្រូវបញ្ជូនបន្តទៅសង្គ្រោះនៅឯប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងចូលចិត្តកំប្លុកកំប្លែងលោក ម៉ា ដូណា បានបញ្ជាក់ថា ម្តាយរបស់លោក កាលថ្មីៗ កន្លងមកនេះ ជួបបញ្ហាសរសៃឈាមខួរក្បាលធ្ងន់ធ្ងរ និងត្រូវបានបញ្ជូនចូលសង្គ្រោះបន្ទាន់នៅមន្ទីរពេទ្យកាល់ម៉ែត ប៉ុន្តែដោយក្តីព្រួយបារម្ភ លោកក៏សម្រេចបញ្ជូនទៅសង្គ្រោះបន្តនៅមន្ទីរពេទ្យមួយកន្លែងនៅប្រទេសវៀតណាម។

លោក ម៉ា ដូណា និយាយទៀតថា បន្ទាប់មកដល់មន្ទីរពេទ្យប្រទេសវៀតណាម ម្តាយលោកគឺទទួលបានការសង្គ្រោះ និងព្យាបាលយ៉ាងយកចិត្តទុកដាក់បំផុត ខណៈពេលនេះលោកក៏សប្បាយចិត្តដែលគាត់អាចស្គាល់កូនចៅទាំងអស់ និងនិយាយបានទៀត។ លោកថា ម្តាយរបស់លោក នឹងបានចេញពីមន្ទីរពេទ្យក្នុងពេលឆាប់ៗ នេះ។

តារាកំប្លែង លោក ម៉ា ដូណា បានបញ្ជាក់ឲ្យដឹងតាមរយៈបណ្ដាញសង្គម កាលពីថ្ងៃទី ២១ ខែសីហា ឆ្នាំ ២០២៤ ថា ម្តាយលោកបានធូរស្រាលច្រើនហើយ ថ្ងៃនេះគឺត្រូវដូរមកបន្ទប់ដំណាក់កាលទី ៣ ត្រឹម ១០ ថ្ងៃទៀត អាចបានចេញហើយ។

ជាមួយគ្នានេះដែរ ក៏មានអ្នកគាំទ្រ ព្រមទាំងមិត្តភ័ក្ដិរួមអាជីពសិល្បៈមួយចំនួន បានជូនពរម្តាយរបស់លោក ម៉ា ដូណា ឆាប់ជាសះស្បើយពីជំងឺបានត្រឡប់មកផ្ទះវិញផងដែរ៕

អត្ថបទ ៖ ចាន់រ៉ា