ព័ត៌មានអន្ដរជាតិ
កូរ៉េខាងជើង បញ្ជូនកម្មករ៥០០នាក់ទៅរុស្ស៊ី ឲ្យជួយសង់ស្ថានីយបាញ់បង្ហោះយានអវកាស
យោងតាមការចុះផ្សាយរបស់សារព័ត៌មាន Daily NK នៅថ្ងៃទី២៣ខែសីហា កូរ៉េខាងជើង គ្រោងនឹងបញ្ជូនកម្មករប្រហែល ៥០០នាក់ទៅកាន់ទីក្រុង Svobodny ប្រទេសរុស្ស៊ី នៅខែកញ្ញាខាងមុខ ក្នុងគោលបំណងជួយជាកម្លាំងកសាងស្ថានីយបាញ់បង្ហោះយានអវកាសថ្មី។
បច្ចុប្បន្ន កម្មកររុស្ស៊ីចំនួន៣ម៉ឺននាក់កំពុងសាងសង់ស្ថានីយបាញ់បង្ហោះយានអវកាសថ្មីនៅទីក្រុង Svobodny តែកម្លាំងការងារពេលនេះមិនគ្រប់គ្រាន់ឡើយសម្រាប់បញ្ចប់គម្រោងមុនដំណាច់ឆ្នាំ២០២៤ បើទោះជាប្រទេសអ៊ូសបេគីស្ថាន និងសមាជិកដទៃទៀតនៃរដ្ឋឯករាជ្យ Commonwealth បានបញ្ជូនកម្មករទៅជួយប្រហែល១ម៉ឺននាក់បន្ថែមក៏ដោយ។ ហេតុដូច្នេះហើយទើបរុស្ស៊ីក៏ស្នើឲ្យកូរ៉េខាងជើងបញ្ជូនកម្មករទៅបង្គ្រប់កម្លាំងបន្ថែមទៀត។
រុស្ស៊ីត្រូវបានគេរាយការណ៍ថាមានការលំបាកក្នុងការជ្រើសរើសកម្មករក្នុងស្រុក ឬពីបរទេស។
ទីក្រុង Svobodny គឺជាកន្លែងដែលមេដឹកនាំកូរ៉េខាងជើងលោក គីម ជុងអ៊ុន (Kim Jong Un) និងប្រធានាធិបតីរុស្ស៊ីលោក វ៉្លាឌឺមៀរ ពូទីន (Vladimir Putin) បានរៀបចំកិច្ចប្រជុំកំពូលកាលពីឆ្នាំ២០២៣។ មិនយូរប៉ុន្មានក្រោយពីកិច្ចប្រជុំកាលណោះ កូរ៉េខាងជើងបានបញ្ជូនក្រុមកម្មករមានគ្នា៥០នាក់ទៅកាន់ប្រទេសរុស្ស៊ីឲ្យជួយសាងសង់អគារមួយចំនួននៅស្ថានីយអវកាស Vostochy Cosmodrome ដែលនៅក្បែរទីក្រុង Svobodny។
បើតាម Daily NK កម្មករសំណង់កូរ៉េខាងជើងនៅទីក្រុង Svobodny រកបានប្រហែល ១៥៧០ដុល្លារក្នុង១ខែ ស្រដៀងនឹងប្រាក់ឈ្នួលនៅក្នុងតំបន់ផ្សេងឯទៀតនៃប្រទេសរុស្ស៊ីផងដែរ។ ទោះយ៉ាងណាក៏ដោយ បន្ទាប់ពីការកាត់ថ្លៃចំណាយនេះនោះ ក្រុមកម្មករទទួលបានត្រឹមតែ ១៦០ដុល្លារប៉ុណ្ណោះក្នុង១ខែ។
ខណៈទំនាក់ទំនងរវាងកូរ៉េខាងជើង និងរុស្ស៊ីកាន់តែមានភាពប្រសើរឡើង ចំនួនកម្មករកូរ៉េខាងជើងនៅក្នុងប្រទេសរុស្ស៊ីត្រូវបានគេរំពឹងថានឹងកើនឡើងយ៉ាងខ្លាំងគួរឲ្យកត់សម្គាល់។ តួយ៉ាងដូចជានៅព្រលានយន្តហោះ Vladivostok ត្រូវគេប្រទះឃើញមានក្រុមកម្មករជាជនជាតិកូរ៉េខាងជើងកំពុងធ្វើការនៅទីនោះចំនួន ៦០០នាក់ឯណោះ៕
ដោយ៖ ឈាង
អ្នកតវ៉ាជិត៩០នាក់ត្រូវឃុំខ្លួន ខណៈលោក Yoon យល់ព្រមចូលសវនាតុលាការធម្មនុញ្ញ
ក្រសួងអប់រំ ណែនាំ៣ចំណុចឲ្យ សហព័ន្ធគុនខ្មែរបោះឆ្នោតជ្រើសរើសប្រធានថ្មី
មិត្តស្រីមហាសេដ្ឋី Bezos ស្លៀកពាក់មិនសមរម្យនៅក្នុងពិធីស្បថឡើងកាន់តំណែងរបស់លោក ត្រាំ
BYD គ្រោងបញ្ចប់ការសាងសងរោងចក្រផលិតរថយន្តអគ្គិសនី ១ ប៊ីលានដុល្លារ នៅឥណ្ឌូណេស៊ី ចុងឆ្នាំនេះ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច
មនុស្សរងរបួស២៧នាក់ ព្រោះរញ្ជួយដីកម្រិត ៦,៤រ៉ិចទ័រនៅតៃវ៉ាន់
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២៣ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍២ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់