ព័ត៌មានជាតិ
ឯកឧត្តម ហ៊ុន ម៉ានិត អញ្ជើញសម្ពោធដាក់ឱ្យប្រើប្រាស់ជាផ្លូវការអគារសិក្សា នៅស្រុកព្រៃឈរ
ឯកឧត្តមឧត្តមសេនីយ៍ឯក ហ៊ុន ម៉ានិត តំណាងសម្តេចបវរធិបតី បានអញ្ជើញសម្ពោធដាក់ឱ្យប្រើប្រាស់ជាផ្លូវការនូវអគារសិក្សា ១ខ្នង ២ជាន់ ១០បន្ទប់ នៅវិទ្យាល័យល្វា ស្រុកព្រៃឈរ ខេត្តកំពង់ចាម ដែលបានរៀបចំឡើងនារសៀលថ្ងៃទី២៤ ខែសីហា ឆ្នាំ២០២៤។ អគារសិក្សាថ្មីនេះ ជាអំណោយរបស់សម្តេចធិបតី ហ៊ុន ម៉ាណែត និងលោកជំទាវបណ្ឌិត។
តាមរបាយការណ៍របស់លោក អ៊ុន ចាន់ដា អភិបាលខេត្តកំពង់ចាម បានគូសបញ្ជាក់ថា ដោយសារកត្តាសុខសន្តិភាព និងការអភិវឌ្ឍរីកចំរើនរបស់ជាតិ គួបផ្សំនឹងការយកចិត្តទុកដាក់ពីសំណាក់រាជរដ្ឋាភិបាលក្នុងការអភិវឌ្ឍធនធានមនុស្ស វិស័យអប់រំនៅក្នុងខេត្តកំពង់ចាមបច្ចុប្បន្ន មានការរីកចម្រើនគួរឱ្យកត់សម្គាល់។ ក្នុងនោះ ខេត្តកំពង់ចាមមានគ្រឹះស្ថានសិក្សាចំនួន៥៤២កន្លែង ឃុំ-សង្កាត់មួយ មានអនុវិទ្យាល័យ១កន្លែង មានចំនួន១០៨ឃុំ-សង្កាត់ លើក១០៩ឃុំសង្កាត់ ស្មើនឹង៩៩% ។
លោក អ៊ុន ចាន់ដា បានបន្តថា ខេត្តកំពង់ចាមមានបុគ្គលិកសិក្សាចំនួន៧ ៦៣៥នាក់ ស្រី៤ ២១៧នាក់ មានអគារសិក្សា សរុបចំនួន១ ២២៩ខ្នង ស្មើនឹង៧ ០៣៦បន្ទប់។ ក្នុងនោះ អគារសិក្សា ទីចាត់ការ និងអគារស្នាក់នៅដែលជាអំណោយរបស់សម្តចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត មានចំនួន៣៨៤ខ្នង ស្មើនឹង២ ៤៣១បន្ទប់ អគារកម្ពស់៣ជាន់ មានចំនួន១៦អគារ) រួមនឹងទីចាត់ការ២៣ខ្នង អគារកាត់ដេរចំនួន១២ខ្នង។ ដោយឡែក នៅស្រុកព្រៃឈរ មានសាលារៀនចំនួន៧៨កន្លែង ក្នុងនោះបឋមសិក្សាចំនួន៥៩កន្លែង អនុវិទ្យាល័យ មាន១២កន្លែង វិទ្យាល័យ៥កន្លែង និងមត្តេយ្យសិក្សាសាធារណៈចំនួន២កន្លែង។ អគារសិក្សាមានចំនួន២១៤ខ្នង ស្មើនឹងចំនួន ៩៧៩បន្ទប់។
ថ្លែងក្នុងឱកាសនោះ ឯកឧត្តមឧត្តមសេនីយ៍ឯក ហ៊ុន ម៉ានិត បានពាំនាំនូវប្រសាសន៍ផ្តាំផ្ញេីសាកសួរសុខទុកពីសំណាក់សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា និងសម្តេចកិត្តិព្រឹទ្ធបណ្ឌិត ក៏ដូចជាសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ជូនចំពោះប្រជាពលរដ្ឋ ដែលបានមកចូលរួមសម្ពោធសមិទ្ធផលថ្មីនេះ។
ឯកឧត្តមឧត្តមសេនីយ៍ឯក ក៏បានថ្លែងនូវការកោតសរសើរចំពោះអាជ្ញាធរខេត្តកំពង់ចាម ដែលបានរួមគ្នាអភិវឌ្ឍន៍លើគ្រប់វិស័យក្នុងខេត្តឱ្យមានការរីកចម្រើនយ៉ាងឆាប់រហ័ស។ ជាក់ស្ដែងការចូលរួមកសាងនូវអគារសិក្សា ១ខ្នង កម្ពស់ ២ជាន់ មានចំនួន ១០បន្ទប់ ដើម្បីបំពេញសេចក្តីត្រូវការរបស់សិស្សានុសិស្សវិទ្យាល័យល្វា ស្រុកព្រៃឈរ និងសមិទ្ធផលមួយចំនួនទៀត ព្រមទាំងបានលើកទឹកចិត្តដល់សិស្សានុសិស្សឱ្យពុះពារខិតខំប្រឹងប្រែងសិក្សារៀនសូត្រ ដេីម្បីទទួលបានជោគជ័យក្នុងឆាកជីវិតទៅថ្ងៃអនាគតផងដែរ៕
-
ព័ត៌មានជាតិ៧ ថ្ងៃ ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សេដ្ឋកិច្ច២ ថ្ងៃ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ៣ ថ្ងៃ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ៣ ថ្ងៃ ago
ក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
ព័ត៌មានជាតិ២ ថ្ងៃ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
ព័ត៌មានជាតិ៥ ថ្ងៃ ago
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ
-
សន្តិសុខសង្គម៧ ថ្ងៃ ago
ឃាត់ខ្លួនក្រុមបាតុករ៣នាក់ដែលធ្វើដំណើរចូលមកភ្នំពេញធ្វើបាតុកម្ម(វីដេអូ)
-
ព័ត៌មានអន្ដរជាតិ៣ ថ្ងៃ ago
រកឃើញសពមហាសេដ្ឋីអង់គ្លេស ដែលជួបសោកនាដកម្ម លិចទូកទេសចរណ៍