ព័ត៌មានជាតិ
ឯកឧត្តម ហ៊ុន ម៉ានិត អំពាវនាវពលរដ្ឋខ្មែររួមគ្នាបរិច្ចាគថវិកាកសាងហេដ្ឋារចនាសម្ព័ន្ធតាមព្រំដែន
ឯកឧត្តម ហ៊ុន ម៉ានិត អំពាវនាវដល់ប្រជាពលរដ្ឋដែលស្រឡាញ់ជាតិរួមគ្នាជាចលនាជាតិក្នុងការបរិច្ចាគថវិកាជាមួយមូលនិធិរបស់រាជរដ្ឋាភិបាល ដើម្បីយកទៅកសាងហេដ្ឋារចនាសម្ព័ន្ធតាមព្រំដែន ពិសេសការកសាងផ្លូវក្រវាត់ព្រំដែនរបស់កម្ពុជា ទោះតិចក្តី ច្រើនក្តី។
ឯកឧត្តមឧត្តមសេនីយ៍ឯក ហ៊ុន ម៉ានិត មេបញ្ជាការរងកងទ័ពជើងគោក និងជាអគ្គនាយកអគ្គនាយកដ្ឋានស្រាវជ្រាវចារកិច្ច នៃក្រសួងការពារជាតិ បានលើកឡើងនៅលើបណ្ដាញសង្គមហ្វេសប៊ុក នៅថ្ងៃទី២៦ ខែសីហា ឆ្នាំ២០២៤នេះ ថារាជរដ្ឋាភិបាល បានបង្កើត «មូលនិធិកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណងដើម្បីកៀរគរថវិកាបន្ថែមសម្រាប់កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ព្រមទាំងដើម្បីផ្តល់ឱកាសឱ្យប្រជាពលរដ្ឋខ្មែរគ្រប់មជ្ឈដ្ឋានក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជរដ្ឋាភិបាល ក្នុងបុព្វហេតុការពារ និងអភិវឌ្ឍជាតិ ក្នុងស្មារតីមហាសាមគ្គីជាតិខ្មែរ សំដៅថែរក្សាសន្តិភាព អធិបតេយ្យ និងបូរណភាពទឹកដី ក៏ដូចជាការជំរុញការអភិវឌ្ឍនៅតាមតំបន់ព្រំដែនឱ្យកាន់តែរឹងមាំ និងប្រកបដោយចីរភាព។
ដើម្បីចូលរួមជាមួយរាជរដ្ឋាភិបាល ក៏ដូចជាបំពេញករណីយកិច្ចជាពលរដ្ឋខ្មែរដែលត្រូវស្រឡាញ់ ការពារ និងអភិវឌ្ឍជាតិមាតុភូមិ ឯកឧត្តម ហ៊ុន ម៉ានិត បានអំពាវនាវចំពោះប្រជាពលរដ្ឋទាំងអស់ ទាំងក្នុង និងក្រៅប្រទេស សូមចូលរួមបរិច្ចាគវិភាគទានទាំងអស់គ្នាដោយស្ម័គ្រចិត្ត ទោះតិចក្តី ច្រើនក្តី ឱ្យក្លាយទៅជាចលនាជាតិទាំងមូល ដើម្បីចូលរួមក្នុងបុព្វហេតុកសាង ការពារ និងអភិវឌ្ឍជាតិ។ ឯកឧត្តម ហ៊ុន ម៉ានិត ក៏ស្នើសុំប្រជាពលរដ្ឋទាំងអស់ជួយអំពាវនាវគ្នាបន្តដើម្បីចូលរួមក្នុងមូលនិធិនេះផងដែរ។
ឯកឧត្តម បានអរគុណទុកជាមុនចំពោះទឹកចិត្តខ្មែរស្រឡាញ់ខ្មែរ ខ្មែរស្រឡាញ់ទឹកដី ហើយឯកឧត្តម សង្កត់ធ្ងន់ថា ខ្មែររួបរួមគ្នា សាមគ្គីគ្នា និងឯកភាពគ្នា ខ្មែររុងរឿង ខ្មែរខ្លាំង។
គួរជម្រាបថា នៅថ្ងៃទី២៦ ខែសីហា ឆ្នាំ២០២៤ ខុទ្ទកាល័យសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញសេចក្តីជូនដំណឹងមួយ ដោយប្រកាសលេខទូរស័ព្ទ និងបង្ហាញគណនីធនាគារចំនួន៦ ដើម្បីផ្តល់ភាពងាយស្រួលដល់សាធារណជនចូលរួមបរិច្ចាគថវិកាដល់មូលនិធិកសាងហេដ្ឋារចនាសម្ព័ន្ធតាមព្រំដែន។ ដោយឡែកសម្រាប់ការចូលរួមជាសាច់ប្រាក់ផ្ទាល់ អាចទាក់ទងលោក សេង ទៀង នាយករងខុទ្ទកាល័យសម្តេចធិបតី តាមរយៈលេខ ០១២ ៩៦១ ៩៧១ ទីតាំងនៅទីស្តីការគណៈរដ្ឋមន្ត្រី អគារជាប់ផ្លូវកម្ពុជាក្រោម បន្ទប់លេខ ២០៦ ជាន់ទី២៕
-
សេដ្ឋកិច្ច៣ ថ្ងៃ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ៤ ថ្ងៃ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ៤ ថ្ងៃ ago
ក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
ព័ត៌មានជាតិ៣ ថ្ងៃ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
ព័ត៌មានជាតិ៦ ថ្ងៃ ago
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ
-
សន្តិសុខសង្គម២១ ម៉ោង ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
សន្តិសុខសង្គម១ សប្តាហ៍ ago
ឃាត់ខ្លួនក្រុមបាតុករ៣នាក់ដែលធ្វើដំណើរចូលមកភ្នំពេញធ្វើបាតុកម្ម(វីដេអូ)
-
ព័ត៌មានអន្ដរជាតិ៤ ថ្ងៃ ago
រកឃើញសពមហាសេដ្ឋីអង់គ្លេស ដែលជួបសោកនាដកម្ម លិចទូកទេសចរណ៍