ព័ត៌មានជាតិ

មន្ត្រីជលផល សង្គ្រោះសត្វផ្សោត ១ ក្បាល ក្រោយជាប់ឫសដើមកោងកាងជិត ២ ម៉ោង

បានផុស

៤ ខែ មុន

នៅ

ថ្ងៃអង្គារ ២៧ សីហា ២០២៤

ដោយ

មន្ត្រីសង្កាត់រដ្ឋបាលជលផលស្មាច់មានជ័យ និងប្រជាសហគមន៍នេសាទពាមក្រសោប បានជួយសង្គ្រោះសត្វផ្សោត ១ ក្បាល ក្រោយវាហែលទឹកលេង ហើយជាប់ឫសដើមកោងកាងក្រោយផ្ទះប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផៃ សាវិន នាយសង្កាត់រដ្ឋបាលជលផលស្មាច់មានជ័យ បានឱ្យដឹងនៅថ្ងៃទី ២៧ ខែសីហា ឆ្នាំ ២០២៤ នេះថា សត្វផ្សោត ១ ក្បាល ជាប្រភេទ Risso’s Dolphin មានប្រវែង ២,៤០ ម៉ែត្រ ទម្ងន់ប្រមាណ ១២០ គីឡូក្រាម។ នៅចំណុចលើក្បាលវាមានស្នាមមុតនឹងសំបកខ្យង និងឫសដើមកោងកាង អំឡុងទឹកជោរវាបានហែលលេងនៅក្រោយផ្ទះពលរដ្ឋ លុះដល់ទឹកនាចគោករាក់ក៏ជាប់នឹងឫសដើមកោងកាងជិត ២ ម៉ោង។

បើតាម លោក ផៃ សាវិន បន្ទាប់ទទួលព័ត៌មានរាយការណ៍ដោយពលរដ្ឋ លោក និងពលរដ្ឋក្នុងសហគមន៍ពាមក្រសោប ក៏ប្រញាប់នាំគ្នាជួយសង្គ្រោះដឹកទៅលែងនៅតំបន់ទឹកជ្រៅស្ថិតក្នុងឃុំពាមក្រសោប ស្រុកមណ្ឌលសីមា ខេត្តកោះកុង។ រដ្ឋបាលសង្កាត់រដ្ឋបាលស្មាច់មានជ័យ នឹងបន្តតាមដានសកម្មភាពសត្វផ្សោត ១ ក្បាល នេះបន្ថែមទៀត ដើម្បីដឹងពីសុវត្ថិភាពរបស់វា និងវាធ្វើចលនាហែលទៅតំបន់ផ្សេង។

មន្ត្រីសង្កាត់រដ្ឋបាលជលផលស្មាច់មានជ័យ ក៏បានផ្សព្វផ្សាយណែនាំដល់ប្រជាពលរដ្ឋ បន្តចូលរួមការពារអភិរក្សថែរក្សាប្រភេទសត្វកម្រ។ ករណីពលរដ្ឋនេសាទមកបរិភោគ ច្បាស់ជាមានទោសទណ្ឌមិនខាន៕

អត្ថបទ ៖ សិរីវឌ្ឍនៈ