ព័ត៌មានអន្ដរជាតិ
ហ្វីលីពីន ថា ចិនជាអ្នករារាំងសន្តិភាពខ្លាំងជាងគេនៅអាស៊ីអាគ្នេយ៍
លោក Gilberto Teodoro រដ្ឋមន្ត្រីការពារជាតិហ្វីលីពីន បាននិយាយនៅថ្ងៃទី២៧ខែសីហានេះថា ប្រទេសចិនគឺជា «អ្នកបង្អាក់សន្តិភាពដ៏ធំបំផុត» នៅក្នុងតំបន់អាស៊ីអាគ្នេយ៍ ខណៈដែលភាពតានតឹងរវាងទីក្រុងម៉ានីល និងទីក្រុងប៉េកាំង ជុំវិញជម្លោះថ្មប៉ប្រះទឹក និងដែនទឹកនៅសមុទ្រចិនខាងត្បូងកាន់តែកើនឡើងក្នុងរយៈពេលជាង១២ខែចុងក្រោយនេះ។
ទីក្រុងប៉េកាំងទាមទារស្ទើរតែទាំងស្រុងនៃអធិបតេយ្យភាពដែនសមុទ្រ ដោយបានច្រានចោលការអះអាងរបស់ប្រទេសផ្សេងទៀត រួមមានទាំងហ្វីលីពីន និងសេចក្តីសម្រេចអន្តរជាតិ ថាមិនមានមូលដ្ឋានច្បាប់។
ការទាមទាររបស់ចិនរួមមានតំបន់ថ្មប៉ប្រះទឹក និងដែនទឹកនៅខាងក្នុងតំបន់សេដ្ឋកិច្ចផ្តាច់មុខរបស់ប្រទេសហ្វីលីពីន ដែលលាតសន្ធឹងប្រហែល ៣៧០គីឡូម៉ែត្រពីដែនទឹកឆ្នេរសមុទ្រ។
លោក Teodoro បានលើកឡើងដោយសំដៅដល់សមាគមប្រជាជាតិអាស៊ីអាគ្នេយ៍ថា ប្រទេសចិនគឺជាអ្នករំខានដ៏ធំបំផុតនៃសន្តិភាពអន្តរជាតិនៅក្នុងតំបន់អាស៊ាន។ លោកបានអំពាវនាវឲ្យបណ្ដាប្រទេសផ្សេងទៀតចាត់វិធានការលើ «សកម្មភាពខុសច្បាប់» របស់ចិន ក៏ដូចជាដាក់សម្ពាធឲ្យក្រុងប៉េកាំងបញ្ឈប់នូវរាល់សកម្មភាពទាំងនោះរបស់ខ្លួន។
ចិនបានដាក់ពង្រាយទូកល្បាតលើផ្លូវទឹកដ៏មមាញឹក និងបានសាងសង់កោះសិប្បនិម្មិតដែលខ្លួនបានបង្កើតជាកម្លាំងយោធានៅទីនោះ ដើម្បីពង្រឹងការទាមទាររបស់ខ្លួន។
លោក Teodoro បាននិយាយថា៖ «យើងត្រូវការការមូលមតិគ្នា និងការអំពាវនាវដ៏ខ្លាំងក្លាប្រឆាំងនឹងប្រទេសចិន។ យើងកំពុងតស៊ូប្រឆាំងនឹងសត្រូវដែលមានឥទ្ធិពលជាង»។
ការលើកឡើងរបស់រដ្ឋមន្ត្រីការពារជាតិហ្វីលីពីន ធ្វើឡើង១ថ្ងៃបន្ទាប់ពីចិនបានប្រកាសថា ខ្លួនបានចាត់ «វិធានការគ្រប់គ្រង» ប្រឆាំងនឹងនាវាឆ្មាំសមុទ្រហ្វីលីពីន២គ្រឿង ដែលបានចូលដែនទឹកនៅជិតតំបន់ Sabina Shoal ក្នុងប្រជុំកោះ Spratly។ នាវាទាំង២គ្រឿងរបស់ឆ្មាំសមុទ្រហ្វីលីពីន ត្រូវបានបញ្ជូនឲ្យទៅផ្គត់ផ្គង់ជាស្បៀងអាហារ និងសម្ភារៈដល់កប៉ាល់ហ្វីលីពីន ដែលនៅប្រចាំការក្នុងតំបន់ថ្មប៉ប្រះទឹក។
នាវាទាំង២គ្រឿងនោះ ត្រូវបានបង្ខំឲ្យបោះបង់ចោលបេសកកម្មរបស់ខ្លួន ដោយសារតែការដាក់ពង្រាយកប៉ាល់ «ដ៏ច្រើនហួសហេតុ» របស់ចិន និងស្ថានភាពសមុទ្រមិនអំណោយផល។
ការប្រឈមមុខដាក់គ្នាជាច្រើនដង បានកើតឡើងក្នុងប៉ុន្មានថ្ងៃថ្មីៗនេះជុំវិញតំបន់ Sabina Shoal ដែលស្ថិតនៅចម្ងាយ ១៤០គីឡូម៉ែត្រពីភាគខាងលិចនៃកោះ Palawan របស់ហ្វីលីពីន និងប្រហែល ១២០០គីឡូម៉ែត្រពីកោះ Hainan ដែលជាតំបន់ដីគោកដ៏សំខាន់បំផុតរបស់ចិន។
ភាគីទាំងសងខាងបានដាក់ពង្រាយនាវាឆ្មាំនៅច្រាំងសមុទ្ររៀងៗខ្លួនក្នុងរយៈពេលប៉ុន្មានខែចុងក្រោយ។ ក្រុងម៉ានីលបានបង្ហាញក្ដីព្រួយបារម្ភខ្លាំងពាក់ព័ន្ធនឹងគម្រោងចង់សាងសង់កោះសិប្បនិម្មិតថ្មីមួយទៀតរបស់ក្រុងប៉េកាំង។
ទំនាក់ទំនងរវាងប្រទេសទាំង២បានល្អក់កករ ខណៈរដ្ឋបាលរបស់ប្រធានាធិបតីហ្វីលីពីនបច្ចុប្បន្នគឺលោក Ferdinand Marcos បានប្រកាន់ជំហរប្រឆាំងនឹងសកម្មភាពរបស់ចិនក្នុងដែនទឹកដែលមានជម្លោះ។
កាលពីខែមិថុនា យោធាហ្វីលីពីន បានឲ្យដឹងថា នាវិកម្នាក់ក្នុងចំណោមនាវិករបស់ខ្លួន បានបាត់បង់មេដៃក្នុងការប្រឈមមុខដាក់គ្នានៅជិតតំបន់ប្រជុំកោះ Spratlys ហើយឆ្មាំសមុទ្រក្រុងប៉េកាំងក៏បានរឹបអូស ឬបំផ្លាញសម្ភារៈរបស់ហ្វីលីពីន រួមទាំងកាំភ្លើងខ្លីផងដែរ៕
ដោយ៖ ឈាង
-
សេដ្ឋកិច្ច៤ ថ្ងៃ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ៥ ថ្ងៃ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ៥ ថ្ងៃ ago
ក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
ព័ត៌មានជាតិ៤ ថ្ងៃ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
ព័ត៌មានជាតិ១ សប្តាហ៍ ago
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ
-
សន្តិសុខសង្គម២ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ២ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ
-
ព័ត៌មានអន្ដរជាតិ៥ ថ្ងៃ ago
រកឃើញសពមហាសេដ្ឋីអង់គ្លេស ដែលជួបសោកនាដកម្ម លិចទូកទេសចរណ៍