ព័ត៌មានអន្ដរជាតិ
មេដឹកនាំអ៊ុយក្រែន ត្រៀមបង្ហាញគម្រោងបញ្ចប់សង្គ្រាមជាមួយរុស្ស៊ីឲ្យលោក បៃដិន បានដឹង
លោក Volodymyr Zelenskiy មេដឹកនាំអ៊ុយក្រែន បាននិយាយកាលពីថ្ងៃអង្គារថា សង្គ្រាមជាមួយរុស្ស៊ីនឹងបញ្ចប់តាមរយៈកិច្ចសន្ទនា ប៉ុន្តែទីក្រុងកៀវត្រូវតែស្ថិតក្នុងជំហររឹងមាំ ហើយថាលោកនឹងបង្ហាញផែនការមួយដល់ប្រធានាធិបតីអាមេរិក លោក ចូ បៃដិន (Joe Biden) និងបេក្ខភាពប្រធានាធិបតីចំនួន២រូបទៀត។
ប្រធានាធិបតីអ៊ុយក្រែន បានថ្លែងក្នុងសន្និសីទសារព័ត៌មានមួយថា ការលុកលុយរយៈពេល៣សប្តាហ៍របស់ទីក្រុងកៀវចូលទៅក្នុងតំបន់ Kursk របស់រុស្ស៊ី គឺជាផ្នែកមួយនៃផែនការនោះ ប៉ុន្តែវាក៏រួមបញ្ចូលនូវជំហានផ្សេងទៀតលើផ្នែកសេដ្ឋកិច្ច និងការទូតផងដែរ។
លោក Zelenskiy បានរៀបរាប់ថា៖ «ចំណុចសំខាន់នៃផែនការនេះគឺបង្ខំឲ្យរុស្ស៊ីបញ្ចប់សង្រ្គាម។ ហើយខ្ញុំចង់បានវាខ្លាំងណាស់។ វានឹងមានយុត្តិធម៌សម្រាប់អ៊ុយក្រែន»។ លោក Zelenskiy មិនបានលម្អិតបន្ថែមអំពីជំហានបន្ទាប់នៃផែនការនោះឡើយ តែលោកបានបង្ហើបថា លោកក៏នឹងពិភាក្សារឿងនេះជាមួយអនុប្រធានាធិបតីបក្សប្រជាធិបតេយ្យ លោកស្រី កាម៉ាឡា ហារីស (Kamala Harris) និងប្រហែលជាអាចពិភាក្សាជាមួយលោក ដូណាល់ ត្រាំ (Donald Trump) ដែលមកពីគណបក្សសាធារណរដ្ឋផងដែរ ដោយបុគ្គលនយោបាយទាំង២រូបសុទ្ធតែជាបេក្ខភាពប្រធានាធិបតីសម្រាប់ការបោះឆ្នោតនៅសហរដ្ឋអាមេរិកនាខែវិច្ឆិកាខាងមុខ។
លោក Zelenskiy បានបង្ហាញក្ដីសង្ឃឹមថានឹងអាចទៅសហរដ្ឋអាមេរិកក្នុងខែកញ្ញា ដើម្បីចូលរួមមហាសន្និបាតអង្គការសហប្រជាជាតិនៅទីក្រុងញូវយ៉ក ដោយលោកកំពុងត្រៀមរៀបចំជួបជាមួយលោក ចូ បៃដិន នៅទីនោះ។
ផែនការរបស់លោក Zelenskiy ទំនងជាសំដៅទៅលើការរៀបចំកិច្ចប្រជុំកំពូលសន្តិភាពលើកទី២ ដែលអ៊ុយក្រែនចង់ឲ្យរុស្ស៊ីចាត់អ្នកតំណាងរបស់ខ្លួនចូលរួម ខណៈកិច្ចប្រជុំកំពូលលើកដំបូង ដែលធ្វើឡើងនៅប្រទេសស្វីសកាលពីខែមិថុនា ពុំមានវត្តមានរបស់រុស្ស៊ីនោះឡើយ។ កិច្ចប្រជុំបន្ទាប់ខាងមុខ គឺអ៊ុយក្រែនចង់កៀរគរសម្លេងគាំទ្រពីសកលលោកខាងត្បូង (Global South) ដែលក្នុងនោះក៏មានទាំងមហាយក្សចិនផងដែរ។
គួររំឭកថា រដ្ឋមន្ត្រីការបរទេសរុស្ស៊ីលោក Sergei Lavrov ធ្លាប់បាននិយាយកាលពីថ្ងៃទី១៩ខែសីហាថា កិច្ចចរចានឹងគ្មានទៀតឡើយ បន្ទាប់ពីអ៊ុយក្រែនបានបើកការលុកលុយឆ្លងព្រំដែនដ៏ធំមួយចូលទៅក្នុងតំបន់ Kursk របស់រុស្ស៊ីកាលពីថ្ងៃទី៦ខែសីហា៕
ដោយ៖ ឈាង
ក្រសួងបរិស្ថាន និងរាជបណ្ឌិត្យសភាចាប់ដៃគ្នាបណ្តុះការអនុវត្តភាពបៃតងឈានឆ្ពោះទៅជាប្រទេសអព្យាក្រឹតកាបូននៅឆ្នាំ២០៥០
កម្មករនិយោជិតប្តេជ្ញាចិត្តចូលរួមយុទ្ធនាការផ្សព្វផ្សាយ ដើម្បីទប់ស្កាត់ជំងឺមិនឆ្លងជូនដល់បងប្អូនកម្មករនិយោជិតនៅតាមសហគ្រាស គ្រឹះស្ថាន
បុរសម្នាក់យកកាំភ្លើង AK បាញ់សម្លាប់ឪក្មេក និងម៉ែក្មេក រួចបាញ់សម្លាប់ខ្លួនឯង
អភិបាលរាជធានី ៖ ផ្លូវថ្មើជើង(Walk street) ជំហររបស់រដ្ឋបាលរាជធានី គឺបន្តធ្វើឱ្យកាន់តែល្អ ដើម្បីទាក់ទាញភ្ញៀវជាតិ-អន្តរជាតិកាន់តែច្រើន
ស្នងការនគរបាលខេត្ត ផ្តាំផ្ញើឱ្យកងកម្លាំងឈរជើងការពារតាមខ្សែបន្ទាត់ព្រំដែន បង្កើនការយកចិត្តទុកដាក់ដើរល្បាតឱ្យបានជាប្រចាំ
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
របួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
យន្តហោះឈ្លបយកការណ៍របស់អាមេរិកធ្លាក់នៅភាគខាងត្បូងហ្វីលីពីន
យន្តហោះដឹកអ្នកដំណើរអាមេរិកមួយគ្រឿង បាត់ចេញពីរ៉ាដា មិនដឹងជោគវាសនាទៅជាយ៉ាងណា
-
សន្តិសុខសង្គម៦ ម៉ោង agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?