ព័ត៌មានអន្ដរជាតិ
ក្រុងហូជីមិញ ប្រកាសពីការផ្ទុះឡើងនៃជំងឺកញ្ជ្រឹល ក្រោយមានមនុស្សស្លាប់៣នាក់
ទីក្រុងហូជីមិញនៅក្នុងប្រទេសវៀតណាម បានប្រកាសពីការផ្ទុះឡើងនៃជំងឺកញ្ជ្រឹលចំពេលមានករណីឆ្លងកើនឡើង និងមានមនុស្សស្លាប់ចំនួន៣នាក់។ នេះគឺជាការប្រកាសលើកដំបូងហើយអំពីការសាយភាយនៃជំងឺកញ្ជ្រឹលនៅក្នុងទីក្រុងហូជីមិញ។
ទីភ្នាក់ងារសារព័ត៌មានវៀតណាម VnExpress បានរាយការណ៍ថា ក្រុងហូជីមិញនឹងចាប់ផ្តើមយុទ្ធនាការមួយ ដើម្បីបន្ថែមការចាក់វ៉ាក់សាំងជំងឺកញ្ជ្រឹលដល់កុមារទាំងអស់ដែលមានអាយុពី១ឆ្នាំដល់៥ឆ្នាំ ដោយមិនគិតពីកំណត់ត្រានៃការចាក់វ៉ាក់សាំងពីមុននោះឡើយ។ មួយវិញទៀត អាយុកុមារដែលទទួលការចាក់វ៉ាក់សាំង អាចនឹងត្រូវដំឡើងខ្ពស់ជាងនេះ ដោយអាស្រ័យលើការវិវត្តនៃការផ្ទុះឡើងនៃជំងឺកញ្ជ្រឹល។
ករណីមានអាការៈគ្រុនក្តៅកន្ទួលដែលសង្ស័យថាជាជំងឺកញ្ជ្រឹល នឹងត្រូវនាំយកទៅធ្វើតេស្តក្នុងរយៈពេល២៤ម៉ោងនៅតាមទីតាំងសុខាភិបាលដែលរដ្ឋបានរៀបចំ។
បើយោងតាមមជ្ឈមណ្ឌលគ្រប់គ្រងជំងឺក្រុងហូជីមិញ គិតចាប់ពីដើមឆ្នាំ២០២៤រហូតដល់ថ្ងៃទី២២ខែសីហា ទីក្រុងហូជីមិញបានរកឃើញជំងឺកញ្ជ្រឹលចំនួន៣៥៣ករណី។ ដោយឡែកចាប់ពីឆ្នាំ២០២១ដល់ឆ្នាំ២០២៣ មានករណីវិជ្ជមានជំងឺកញ្ជ្រឹលតែ១គត់ប៉ុណ្ណោះ។
អាការៈគ្រុនក្តៅហើយកន្ទួលចំនួន៨៥ករណី ត្រូវបានរាយការណ៍កាលពីសប្តាហ៍មុន ហើយក្នុងនោះមាន២០ករណីត្រូវបានបញ្ជាក់ថាជាជំងឺកញ្ជ្រឹល។ កញ្ជ្រឹល ជាជំងឺផ្លូវដង្ហើមដែលងាយឆ្លងខ្លាំង ហើយរោគសញ្ញាចាប់ផ្ដើមចេញក្នុងចន្លោះពី៧ទៅ២១ថ្ងៃ។
អ្នកជំនាញផ្នែកវេជ្ជសាស្ត្រ បានព្រមានថា ជំងឺនេះអាចនាំឲ្យមានផលវិបាកធ្ងន់ធ្ងរ រួមទាំងជំងឺរលាកសួត រលាកខួរក្បាល រលាកត្រចៀក រលាកភ្នាសភ្នែក រាក និងខ្លះឈានដល់ស្លាប់។
ជំងឺកញ្ជ្រឹលអាចគ្រប់គ្រងបានយ៉ាងមានប្រសិទ្ធភាពលុះត្រាតែអត្រាភាពស៊ាំសហគមន៍ឈានដល់ ៩៥ភាគរយ ហើយបុគ្គលម្នាក់ៗបានទទួលវ៉ាក់សាំងចំនួន២ដូស៕
ដោយ៖ ឈាង
អធិរាជ ឈានឡុង មានព្រះជន្មយឺនយូរ ដោយសារសោយស្រាថ្នាំចិន
ពេញ១ខែមករា មន្ទីរពេទ្យគន្ធបុប្ផា ពិនិត្យ និងព្យាបាលជំងឺដល់កុមារជាង ១០ម៉ឺននាក់
អ៊ីស្រាអែល កោះហៅទ័ពបម្រុងប្រមូលផ្ដុំគ្នា ត្រៀមខ្លួនពេលបទឈប់បាញ់ត្រូវរំសាយ
តំណាងសម្ដេចធិបតី ជំរុញឱ្យក្រសួងកិច្ចការនារីបន្តលើកកម្ពស់សីលធម៌សង្គម តម្លៃស្រ្តី និងទប់ស្កាត់អំពើហិង្សា
គិតត្រឹមខែកុម្ភៈ មានអ្នកចុះឈ្មោះក្នុងសេដ្ឋកិច្ចក្រៅប្រព័ន្ធសរុបជាង ១ ម៉ឺន
កវីនិពន្ធល្បីខាងកំណាព្យ បណ្ឌិត ជ័យ ចាប ធ្លាក់ខ្លួនឈឺធ្ងន់ចូលសង្គ្រោះបន្ទាន់
ស្ពានឆ្លងកាត់ទន្លេមេគង្គ ភ្ជាប់ទៅផ្លូវល្បឿនលឿនភ្នំពេញ-បាវិត វឌ្ឍនភាពសម្រេចបានជាង ៥%
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
ត្រាំ ប្រាប់ភ្នាក់ងាររដ្ឋាភិបាលថា «មុនរើសបុគ្គលិកម្នាក់ ត្រូវបញ្ឈប់៤នាក់សិន»
ដាណឺម៉ាក ព្រមានថា ៥ឆ្នាំទៀត រុស្ស៊ី អាចបញ្ឆេះសង្គ្រាមធំនៅអឺរ៉ុប
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ៣ ថ្ងៃ agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ