ព័ត៌មានអន្ដរជាតិ
វៀតណាម៖ ការនាំចេញក្នុងវិស័យកសិ-រុក្ខាប្រមាញ់-នេសាទ ហក់ឡើងខ្លាំង បង្កើតអតិរេកពាណិជ្ជកម្មជាង ១០ ប៊ីលានដុល្លារ
ស្ថិតិរបស់ក្រសួងកសិកម្ម និងអភិវឌ្ឍន៍ជនបទរបស់ប្រទេសវៀតណាម បានបង្ហាញថា ក្នុងរយៈពេលដំបូងដើមឆ្នាំ ២០២៤ ការនាំចេញរបស់វៀតណាមក្នុងវិស័យកសិ-រុក្ខាប្រមាញ់-នេសាទ បានហក់ឡើងខ្លាំង ដែលបង្កើតបានជាអតិរេកពាណិជ្ជកម្មចំនួន ១១,៨ ប៊ីលានដុល្លារ ពោលគឺកើនឡើងប្រមាណ ៦៨,៤ ភាគរយ ធៀបនឹងរយៈពេលដូចគ្នាកាលពីឆ្នាំមុន។ នេះបើតាមការចុះផ្សាយរបស់កាសែត Viet Nam News កាលពីថ្ងៃអាទិត្យ។
ការនាំចេញលើផលិតផលកសិកម្មភាគច្រើន មានការកើនឡើងចន្លោះពីខែមករា ដល់ខែសីហា ដែលនាំឱ្យតម្លៃនាំចេញសរុបឈានដល់ ៤០,០៨ ប៊ីលានដុល្លារ កើនឡើង ១៨,៦ ភាគរយ ក្នុងអត្រាប្រចាំឆ្នាំ។ ផលិតផលនាំចេញសំខាន់ៗ ដែលទំហំនាំចេញមានលើសពី ១ ប៊ីលានដុល្លារ រួមមាន ផលិតផលឈើ (១០,២៤ ប៊ីលានដុល្លារ) កាហ្វេ (៤,០៣ ប៊ីលានដុល្លារ) អង្ករ (៣,៨៥ ប៊ីលានដុល្លារ) គ្រាប់ស្វាយចន្ទី (២,៧៧ ប៊ីលានដុល្លារ) ផ្លែឈើ និងបន្លែ (៤,៦៣ ប៊ីលានដុល្លារ) បង្គា (២,៤១ ប៊ីលានដុល្លារ) និងត្រីប្រា (១,២ ប៊ីលានដុល្លារ)។
ស្ថិតិរបស់ក្រសួងកសិកម្មវៀតណាមបានបន្ថែមថា តម្លៃនាំចេញជាមធ្យមនៃផលិតផលកសិកម្មជាច្រើន(គិតក្នុង១តោនៗ) ក៏បានកើនឡើងគួរឱ្យកត់សម្គាល់ផងដែរ ហើយមានតែគ្រាប់ស្វាយចន្ទីប៉ុណ្ណោះ ដែលតម្លៃធ្លាក់ចុះប្រមាណ ១ ភាគរយ ដោយលក់ត្រឹម ៥ ៧០១ ដុល្លារ/តោន។
សហរដ្ឋអាមេរិក ចិន និងជប៉ុន គឺជាទីផ្សារសំខាន់សម្រាប់ផលិតផលកសិ-រុក្ខាប្រមាញ់-នេសាទរបស់វៀតណាម ដោយអាមេរិកនាំមុខគេលើការនាំចូល ហើយបន្ទាប់មកគឺចិន និងជប៉ុន។
ទន្ទឹមនឹងការនាំចេញមានកំណើនខ្លាំងនេះ ក្រសួងកសិកម្មវៀតណាមនៅតែនិយាយថា រដ្ឋាភិបាលនឹងផ្តោតខ្លាំងលើការពន្លឿនការប្រើប្រាស់ក្នុងស្រុក និងការលើកកម្ពស់ការនាំចេញនៅប៉ុន្មានខែចុងក្រោយនៃឆ្នាំ ២០២៤ ដោយទាញយកអត្ថប្រយោជន៍ពីកិច្ចព្រមព្រៀងពាណិជ្ជកម្ម និងបង្កើនការចរចាសម្រាប់ការនាំចេញជាផ្លូវការទ្វេភាគី ទៅកាន់ប្រទេសចិន សហរដ្ឋអាមេរិក និងសហភាពអឺរ៉ុប។ ក្រសួងក៏លើកឡើងផងដែរថា រដ្ឋាភិបាលនឹងប្រឹងប្រែង ដើម្បីពង្រឹង និងពង្រីកទីផ្សារសក្តានុពល ដូចជាតាមបណ្ដាប្រទេសមូស្លីមផ្សេងៗ រួមទាំងនៅមជ្ឈិមបូព៌ា និងអាហ្វ្រិក៕
ថ្ងៃទី២ធ្នូ គណៈកម្មាធិការអចិន្ត្រៃយ៍ព្រឹទ្ធសភា នឹងពិនិត្យលើច្បាប់ហិរញ្ញវត្ថុឆ្នាំ២០២៥
លោក សុះ ម៉ាច លះបង់ងារជាឯកឧត្តម ព្រោះមនសិការស្រលាញ់ការពារថែរក្សាសិល្ប:
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលស្ទើរតែអស់របស់ខ្លួន
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
កងទ័ពជើងទឹកមីយ៉ាន់ម៉ា បាញ់ទូកនេសាទថៃ បណ្ដាលឲ្យស្លាប់ម្នាក់ និងចាប់ឃាត់ខ្លួន៣១នាក់
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលស្ទើរតែអស់របស់ខ្លួន
មហាជនរិះគន់ Jung Woo Sung ចាត់ទុក Blue Dragon Film Awards លាងរឿងអាស្រូវផ្ទាល់ខ្លួន
-
ព័ត៌មានអន្ដរជាតិ១ សប្តាហ៍ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»