ព័ត៌មានអន្ដរជាតិ
ចិនបង្កើនការទិញឧបករណ៍ផលិតបន្ទះឈីបទ្រង់ទ្រាយធំ ចំពេលលោកខាងលិចរឹតត្បឹតពាណិជ្ជកម្ម
ប្រទេសចិនបានបង្កើនការទិញឧបករណ៍ផលិតបន្ទះឈីបទ្រង់ទ្រាយធំក្នុងឆមាសទី១នៃឆ្នាំនេះ ដោយច្រើនជាងការចំណាយរបស់កូរ៉េខាងត្បូង តៃវ៉ាន់ និងសហរដ្ឋអាមេរិកបូកចូលគ្នា ដើម្បីជំរុញការផ្គត់ផ្គង់បន្ទះឈីបក្នុងស្រុក និងកាត់បន្ថយហានិភ័យពីការរឹតត្បឹតពាណិជ្ជកម្មបច្ចេកវិទ្យាពីលោកខាងលិច។ នេះបើយោងតាមសមាគមឧស្សាហកម្មបន្ទះឈីបសកល SEMI ។
ការសែត Nikkei Asia បានផ្សាយកាលពីថ្ងៃចន្ទថា ទិន្នន័យរបស់ SEMI បានបង្ហាញថា ប្រទេសចិន ដែលជាទីផ្សារឧបករណ៍ផលិតបន្ទះឈីបដ៏ធំបំផុតរបស់ពិភពលោក បានចំណាយប្រាក់ក្នុងកម្រិតកំណត់ត្រាប្រមាណ ២៥ ប៊ីលានដុល្លារ លើឧបករណ៍ផលិតបន្ទះឈីបក្នុងរយៈពេល ៦ ខែដំបូងនៃឆ្នាំ ២០២៤។ បន្តមកដល់ខែកក្កដា ទិន្នន័យបង្ហាញថា ចិននៅតែរក្សាការចំណាយដ៏រឹងមាំលើផលិតផលដដែល ដែលធ្វើឱ្យចំនួនសរុបប្រចាំឆ្នាំអាចឈានដល់កម្រិតកំណត់ត្រាដូចគ្នា។
ការវិនិយោគលើឧបករណ៍ផលិតបន្ទះឈីប គឺជាសូចនាករសំខាន់នៃតម្រូវការទីផ្សារនាពេលអនាគត និងជារង្វាស់នៃទស្សនវិស័យឧស្សាហកម្មនេះ ខណៈចិនត្រូវបានគេរំពឹងថានឹងក្លាយជាអ្នកវិនិយោគដ៏ធំបំផុត ក្នុងការសាងសង់រោងចក្រផលិតបន្ទះឈីបថ្មីៗ រួមបញ្ចូលទាំងការទិញឧបករណ៍ ដោយធ្វើឱ្យការចំណាយសរុបរំពឹងថានឹងកើនឡើងដល់ ៥០ ប៊ីលានដុល្លារពេញ១ឆ្នាំ។
ជាមួយគ្នានេះផងដែរ SEMI រំពឹងថា នឹងមានកំណើនចំណាយប្រចាំឆ្នាំយ៉ាងសំខាន់ក្នុងតំបន់អាស៊ីអាគ្នេយ៍ អាមេរិក អឺរ៉ុប និងជប៉ុននៅឆ្នាំ ២០២៧ ដោយសារនិន្នាការនៃផលិតកម្មបន្ទះឈីបកំពុងកើនឡើង។
នាយកជាន់ខ្ពស់ផ្នែកស៊ើបការណ៍ទីផ្សាររបស់ SEMI លោក Clark Tseng បាននិយាយថា៖ «យើងកំពុងឃើញថា ប្រទេសចិនបន្តទិញឧបករណ៍ទាំងអស់ដែលពួកគេអាចទិញបាន សម្រាប់ដាក់នៅកន្លែងផលិតបន្ទះឈីបថ្មីៗរបស់ខ្លួន។ ការព្រួយបារម្ភដ៏ធំអំពីការរឹតត្បឹតការនាំចេញបន្ថែមទៀត (របស់លោកខាងលិច) ជំរុញឱ្យពួកគេ(ចិន)ត្រូវធានាឧបករណ៍ដែលអាចទិញទុកមុនបាន»។
គួរគូសបញ្ជាក់ថា សហរដ្ឋអាមេរិក និងសម្ព័ន្ធមិត្តលោកខាងលិចរបស់ខ្លួន បានដាក់ការរឹតត្បឹតលើការនាំចេញឧបករណ៍ផលិតបន្ទះឈីប និងបន្ទះឈីបទំនើបៗមួយចំនួនទៅកាន់ចិន ដើម្បីទប់ទល់កុំឱ្យប្រទេសនេះធ្វើទំនើបកម្មយោធារបស់ខ្លួន ដោយប្រើបច្ចេកវិទ្យាដ៏ជឿនលឿនរបស់ខ្លួន។
ក្នុងបរិបទនេះ ចិនគឺជាប្រទេសតែមួយគត់ដែលបន្តបង្កើនការចំណាយលើឧបករណ៍ផលិតបន្ទះឈីបក្នុងឆមាសទី១នៃឆ្នាំនេះ ចំពេលមានការធ្លាក់ចុះនៃសេដ្ឋកិច្ចពិភពលោក។ តៃវ៉ាន់ កូរ៉េខាងត្បូង និងអាមេរិកខាងជើង បានចំណាយតិចលើឧបករណ៍ផលិតបន្ទះឈីបក្នុងឆមាសដដែល បើធៀបនឹងរយៈពេលដូចគ្នាកាលពីឆ្នាំមុន។
បើតាម SEMI ការបង្កើនការចំណាយរបស់ចិន បានរួមចំណែកសំខាន់ដល់ចំណូលរបស់ក្រុមហ៊ុនផលិតឧបករណ៍ផលិតបន្ទះឈីបមួយចំនួននៅអាមេរិក (ក្រុមហ៊ុន Applied Materials, Lam Research និងក្រុមហ៊ុន KLA) ជប៉ុន (ក្រុមហ៊ុន Tokyo Electron) និងហូឡង់ (ក្រុមហ៊ុន ASML) ជាដើម៕
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា