វប្បធម៌ ជំនឿ

ចង់ដឹងថាផ្ទះមានលាភសំណាងឬអត់? មើលតែ ៣ ចំណុចប៉ុណ្ណោះ

បានផុស

៦ ខែ មុន

នៅ

ថ្ងៃពុធ ៤ កញ្ញា ២០២៤

ដោយ

យោងទៅតាមគោលការណ៍ហុងស៊ុយជាយូរយារណាស់មកហើយ គេជឿថាផ្ទះដែលមានលក្ខណៈទាំងនេះ គឺជាសញ្ញាល្អមួយសម្រាប់គោលការណ៍នាំលាភនាំសំណាង។ ក្នុងនោះគេទស្សន៍ទាយថា ម្ចាស់ផ្ទះនឹងទទួលបានលាភសំណាងធំក្នុងជីវិត ឲ្យតែក្នុងផ្ទះពួកគេមាន៣ចំណុចដូចបានរៀបរាប់ខាងក្រោម។

១ ផ្ទះមានខ្យល់អាកាស បើកចំហ និងមានពន្លឺ

កត្តាសំខាន់មួយនៃហុងស៊ុយផ្ទះគឺភ្លើង ផ្ទះដែលមានភ្លើងបំភ្លឺល្អ នឹងជួយធ្វើឲ្យបន្ទប់មានខ្យល់អាកាស បើកទូលាយ មានផាសុខភាព ល្អសម្រាប់សុខភាព និងជួយឲ្យមានតុល្យភាពរវាង Yin និងYang។ ផ្ទុយទៅវិញ ផ្ទះងងឹតឬមានសភាពស៊ុបទ្រប និងកង្វះពន្លឺធម្មជាតិ វាបង្កើតអារម្មណ៍ងងឹតនិងមិនស្រួល ដែលមិនល្អសម្រាប់សុខភាព និងផ្លូវចិត្តរបស់អ្នករស់នៅក្នុងផ្ទះឡើយ។ ការរស់នៅក្នុងផ្ទះបែបនេះ នឹងធ្វើឲ្យសំណាងរបស់អ្នកធ្លាក់ចុះ និងប៉ះពាល់ដល់អាជីពការងារផងដែរ ។

២ ដើមឈើបៃតង

នៅក្នុងគោលការណ៍ហុងស៊ុយ ដើមឈើតំណាងឲ្យកម្លាំងជីវិត។ បន្ថែមពីលើការធ្វើឲ្យផ្ទះខៀវស្រងាត់និងបៃតង និងជួយបន្សុទ្ធខ្យល់ ដើមឈើក៏នាំមកនូវភាពរឹងមាំ និងសំណាងល្អដល់ម្ចាស់ផ្ទះផងដែរ។ ផ្ទះដែលមានដើមឈើច្រើន និងខ្យល់អាកាសបរិសុទ្ធ ជួយបង្កើតតុល្យភាពនៃ yin និង yang ដែលមិនប៉ះពាល់ម្ចាស់ផ្ទះ ហើយធ្វើឲ្យម្ចាស់មានសុខភាពល្អ និងមានសំណាងល្អ នៅពេលដើមឈើបៃតងបង្កើតផល នេះវាត្រូវបានចាត់ទុកថាជារឿងល្អ។ ផ្ទុយទៅវិញ ប្រសិនបើដើមឈើក្រៀមស្វិត រលួយ អ្នកគួរតែប្រញាប់រកដំណោះស្រាយ ដើម្បីចៀសវាងផលប៉ះពាល់អវិជ្ជមានលើហុងស៊ុយ។

៣ ទ្វារខាងមុខ ជញ្ជាំងផ្ទះរឹងមាំ

ទ្វារខាងមុខមិនត្រឹមតែជាមុខផ្ទះប៉ុណ្ណោះទេ។ ប៉ុន្តែវាក៏ជាកន្លែងដែលខ្យល់បក់មករកលាភសំណាងផងដែរ ។ វាជាកន្លែងដែលអ្វីៗមានអន្តរកម្មឬបញ្ចេញសកម្មភាព ដូច្នេះទ្វារខាងមុខដ៏រឹងមាំគឺជាសញ្ញាច្បាស់លាស់ថា ផ្ទះមានវាលថាមពលវិជ្ជមាន។ រស់នៅក្នុងផ្ទះបែបនេះ ម្ចាស់ផ្ទះងាយជួបមនុស្សល្អ និងប្រកបរបររកស៊ីជួញដូរដោយរលូន៕