ព័ត៌មានអន្ដរជាតិ
ក្មេងប្រុសអាយុ១៤ឆ្នាំ បាញ់សម្លាប់សិស្ស២នាក់ និងគ្រូ២នាក់ នៅវិទ្យាល័យ សហរដ្ឋអាមេរិក
តាមសេចក្តីរាយការណ៍របស់ BBC នៅថ្ងៃព្រហស្បតិ៍ទី៥ខែកញ្ញាឆ្នាំ២០២៤ ក្មេងប្រុសអាយុ១៤ឆ្នាំម្នាក់ បានបាញ់សម្លាប់សិស្សចំនួន២នាក់ និងគ្រូ២នាក់ នៅឯវិទ្យាល័យ Apalachee ក្នុងទីក្រុង Winder នៃរដ្ឋ Georgia។
ក្រៅពីអ្នកស្លាប់, មនុស្សចំនួន៩នាក់ផ្សេងទៀត ក៏ត្រូវរបួសផងដែរ ក្នុងហេតុការណ៍នេះ។
ការវាយប្រហារកើតឡើងនៅម៉ោង ១០:២០នាទីព្រឹក ហើយភ្លាមៗនោះ មន្ត្រីបានចាប់ខ្លួនជនសង្ស័យឈ្មោះ Colt Gray នៅនឹងកន្លែង។ រូបគេនឹងត្រូវចោទប្រកាន់ពីបទមនុស្សឃាត ខណៈការស៊ើបអង្កេតនឹងធ្វើឡើង។
មកទល់ពេលនេះ គេមិនទាន់ដឹងច្បាស់ឡើយថាតើមូលហេតុអ្វីទើបក្មេងប្រុសអាយុ១៤ឆ្នាំម្នាក់នេះ បើកការបាញ់ប្រហារនៅសាលារៀន ចំពេលមានសេចក្តីរាយការណ៍ថា ក្រុមមន្ត្រីមិនមែនជាគោលដៅនៃអំពើនេះឡើយ។
ត្បិតតែមិនផ្តល់ព័ត៌មានលម្អិត ប៉ុន្តែមន្ត្រីម្នាក់បានប្រាប់ទៅ CNN ថា អាវុធដែលប្រើក្នុងការបាញ់ គឺជាកាំភ្លើងប្រភេទ AR-15 ហើយគេមិនដឹងឡើយថាតើ ជនសង្ស័យបានអាវុធនេះមកពីណា។
សូមបញ្ជាក់ថា ក្នុងឆ្នាំ២០២៤នេះគិតត្រឹមតែកញ្ញា, សហរដ្ឋអាមេរិក កើតមានការបាញ់ប្រហារទ្រង់ទ្រាយធំ៣៨៥លើក ពោលបើគិតជាមធ្យម មានការបាញ់ប្រហារទ្រង់ទ្រាយធំជាង ១.៥លើកជារៀងរាល់ថ្ងៃ៕
អត្ថបទ៖ សុខ សុវណ្ណ
ចុចអាន៖ បាញ់ប្រហារអំឡុងក្បួនដង្ហែ Super Bowl នៅអាមេរិក ស្លាប់និងរបួសមនុស្សច្រើននាក់
-
ព័ត៌មានជាតិ៥ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ៥ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានអន្ដរជាតិ១ សប្តាហ៍ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ១ សប្តាហ៍ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៦ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ៥ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ៦ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត