ព័ត៌មានអន្ដរជាតិ

ចិនត្រៀមលុយជាង៥០ពាន់លានដុល្លារ ផ្ដល់ហិរញ្ញប្បទានសម្រាប់ទ្វីបអាហ្វ្រិក

បានផុស

៤ សប្តាហ៍ មុន

នៅ

ថ្ងៃព្រហស្បតិ៍ ៥ កញ្ញា ២០២៤

ដោយ

Chheang

មេដឹកនាំចិនលោក ស៊ី ជីនពីង បានសន្យាផ្តល់ហិរញ្ញប្បទានជាង ៥០ពាន់លានដុល្លារសម្រាប់ទ្វីបអាហ្រ្វិកក្នុងរយៈពេល ៣ឆ្នាំខាងមុខ ហើយបានសន្យាថានឹងជួយបង្កើតការងារ១លានកន្លែងនៅទីនោះ។

លោក ស៊ី ជីនពីង ប្រធានាធិបតីចិន (រូបភាព៖ Xinhua)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ី បានប្រាប់មេដឹកនាំអាហ្វ្រិកនៅទីក្រុងប៉េកាំងនៅថ្ងៃទី៥ខែកញ្ញាថា៖ «ក្នុងរយៈពេល៣ឆ្នាំខាងមុខ រដ្ឋាភិបាលចិនមានឆន្ទៈក្នុងការផ្តល់ជំនួយផ្នែកហិរញ្ញវត្ថុចំនួន ៣៦០ពាន់លានយន់ (៥០,៧ពាន់លានដុល្លារ)»។

យោងតាមប្រព័ន្ធផ្សព្វផ្សាយរដ្ឋចិន បានឲ្យដឹងថា មេដឹកនាំអាហ្វ្រិកជាង៥០នាក់ និងប្រធានអង្គការសហប្រជាជាតិលោក Antonio Guterres កំពុងចូលរួមវេទិកាចិន-អាហ្រ្វិកនៅសប្តាហ៍នេះ។

មេដឹកនាំអាហ្រ្វិក បានធានាបាននូវការសន្យាជាច្រើនសម្រាប់កិច្ចសហប្រតិបត្តិការកាន់តែស៊ីជម្រៅជាមួយចិននៅក្នុងវិស័យហេដ្ឋារចនាសម្ព័ន្ធ កសិកម្ម ការរុករករ៉ែ ពាណិជ្ជកម្ម និងថាមពល។

ថ្លែងទៅកាន់មេដឹកនាំនៅក្នុងពិធីបើកវេទិកានៅវិមានប្រជាជនដ៏ប្រណិតរបស់ទីក្រុងប៉េកាំង លោក ស៊ី បានសាទរចំពោះទំនាក់ទំនងជាមួយទ្វីបអាហ្វ្រិក ដោយថាវាជា «រយៈពេលដ៏ល្អបំផុតក្នុងប្រវត្តិសាស្ត្រ» របស់ពួកគេ។

លោកបានបន្តថា៖ «ប្រទេសចិនបានត្រៀមខ្លួនជាស្រេចក្នុងការពង្រឹងកិច្ចសហប្រតិបត្តិការជាមួយប្រទេសក្នុងទ្វីបអាហ្វ្រិកក្នុងវិស័យឧស្សាហកម្ម កសិកម្ម ហេដ្ឋារចនាសម្ព័ន្ធ ពាណិជ្ជកម្ម និងការវិនិយោគ»៕

ដោយ៖ ឈាង

Related Topics:ប្រទេសចិន