ព័ត៌មានជាតិ

អ្នកពាក់ព័ន្ធនឹងពិធីមង្គលការនៅខេត្តកំពង់ចាមជាង២០០នាក់ ទទួលបានលទ្ធផលតេស្តអវិជ្ជមានកូវីដ១៩ជាលើកទី២

បានផុស

៤ years មុន

នៅ

ថ្ងៃអាទិត្យ ៧ មីនា ២០២១

ដោយ

លោកវេជ្ជបណ្ឌិត គឹម សួរភីរុណ ប្រធានមន្ទីរសុខាភិបាលខេត្តកំពង់ចាម បានឲ្យដឹងនៅថ្ងៃនេះថា អ្នកពាក់ព័ន្ធនឹងពិធីមង្គលការនៅភូមិកោះតូច ឃុំពាមជីកង ស្រុកកងមាស ខេត្តកំពង់ចាមចំនួន២២៣នាក់ត្រូវបានអនុញ្ញាតឲ្យវិលត្រឡប់ទៅផ្ទះវិញហើយបន្ទាប់ពីទទួលបានលទ្ធផលតេស្តអវិជ្ជមានកូវីដ១៩ជាលើកទី២រួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ទោះបីជាអវិជ្ជមានវីរុសកូវីដ១៩ក៏ដោយក៏ពួកគេត្រូវបន្តអនុវត្តនូវវិធានការរបស់ក្រសួងសុខាភិបាល គឺពាក់ម៉ាសរក្សាគម្លាតសុវត្ថិភាពបុគ្គលនិងលាងដៃជាមួយសាប៊ូ ជែលនិងអាល់កុល ដើម្បីការពារទប់ស្កាត់ជំងឺកូវីដ១៩។ លោកបានរំលឹកថា បន្ទាប់ពីទទួលបានព័ត៌មានពីក្រសួងសុខាភិបាលកាលពីព្រឹកថ្ងៃទី២៦ ខែកុម្ភៈ ឆ្នាំ២០២១ បានរកឃើញបុរសម្នាក់ ដែលបានមកចូលរួមក្នុងពិធីមង្គលការ នៅភូមិកោះតូច ឃុំពាមជីកង ស្រុកកងមាសកាលពីថ្ងៃទី២១ខែកុម្ភៈឆ្នាំ២០២១ មានផ្ទុកជំងឺកូវីដ-១៩ នៅថ្ងៃទី២៧ខែកុម្ភៈ មន្ទីរសុខាភិបាលខេត្តកំពង់ចាម បានចុះស្រាវជ្រាវយកសំណាកអ្នកពាក់ព័ន្ធចំនួន២២៣សំណាកក្នុងនោះមានអ្នកប៉ះពាល់ដោយផ្ទាល់ចំនួន២១នាក់ ត្រូវបានបញ្ជួនទៅធ្វើចត្តាឡីសក័នៅសណ្ឋាគារមេគង្គនិង២០២នាក់ទៀតធ្វើចត្តាឡីស័កនៅតាមផ្ទះ៕