ព័ត៌មានជាតិ
អភិបាលខេត្តកោះកុង ប្រាប់អភិបាលថ្មីក្រុងខេមរភូមិន្ទ ធ្វើទំនើបកម្មស្ថាប័នរដ្ឋដើម្បីជំរុញល្បឿននៃការអភិវឌ្ឍមូលដ្ឋាន
លោកស្រី មិថុនា ភូថង អភិបាលខេត្តកោះកុង បានលើកទឹកចិត្តដល់អភិបាលថ្មីក្រុងខេមរភូមិន្ទ ចូលរួមធ្វើអភិបាលកិច្ចល្អ និងទំនើបកម្មក្នុងស្ថាប័នរដ្ឋប្រកបដោយសមត្ថភាព ខ្លាំង វៃឆ្លាត និងស្អាតស្អំ ដើម្បីជំរុញល្បឿននៃការអភិវឌ្ឍន៍មូលដ្ឋានកាន់តែជឿនលឿន។ ការលើកទឹកចិត្តនេះ ធ្វើឡើងក្នុងពិធីប្រកាសឡើងកាន់តែមុខតំណែងរបស់លោក ភូថង សេរីវុឌ្ឍី ជាអភិបាលថ្មីក្រុងខេមរភូមិន្ទ នៅរសៀលថ្ងៃទី៦ ខែកញ្ញា ឆ្នាំ២០២៤ សាលាប្រជុំក្រុង។
លោកស្រីអភិបាលខេត្ត បានលើកឡើងថា ដើម្បីឆ្លើយតបនឹងគោលនយោបាយរបស់រាជរដ្ឋាភិបាល អាណត្តិទី៧ លើការសម្រេចបាននូវចក្ខុវិស័យ កម្ពុជាជាប្រទេសមានប្រាក់ចំណូលមធ្យមកម្រិតខ្ពស់ឆ្នាំ២០៣០ ថ្នាក់ដឹកនាំ និងមន្រ្តីរាជការក្រុងខេមរភូមិន្ទ គប្បីយកចិត្តទុកដាក់ខ្ពស់លើការថែរក្សាសន្តិភាព ស្ថេរភាពនយោបាយ ពង្រឹងសន្តិសុខសណ្តាប់ធ្នាប់សាធារណៈ និងសុវត្ថិភាពសង្គមជូនពលរដ្ឋ។
លោកស្រី អះអាងថា មូលហេតុដែលតម្រូវការឱ្យរួមគ្នាការពារសន្តិភាព សន្តិសុខសណ្តាប់ធ្នាប់ និងសុវត្ថិភាពសង្គម គឺជាបុរេលក្ខខណ្ឌលើការធានាឱ្យបាននូវការអភិវឌ្ឍ ក៏ដូចជាអនុវត្តគោលនយោបាយសេដ្ឋកិច្ចបើកចំហ ការលើកកម្ពស់វិស័យឯកជន ពង្រឹងភាពជាម្ចាស់ និងដៃគូ សម្រាប់កិច្ចសហការកៀរគរសេដ្ឋកិច្ចហិរញ្ញវត្ថុ សម្ភារៈ ព្រមទាំងចំណេះដឹងបម្រើដល់ការអភិវឌ្ឍន៍សង្គមជាតិ។
ទន្ទឹមនោះដែរ លោកស្រីអភិបាលខេត្ត ក៏បានប្រាប់ដល់អភិបាលថ្មីក្រុងខេមរភូមិន្ទ ត្រូវបន្តទប់ស្កាត់ និងបង្រ្កាបរាល់សកម្មភាពរបស់ក្រុមជ្រុលនិយមដែលចង់បំផ្លាញសុខសន្តិភាព ស្ថេរភាពនយោបាយ និងការអភិវឌ្ឍន៍កំពុងមានសព្វថ្ងៃ ដោយមិនឱ្យក្រុម ឬជនណាមួយមកបំផ្លាញបាននោះទេ។ លោកស្រីថា ក្រុមជ្រុលនិយមទាំងនោះ កំពុងតែញុះញុង់ក្លែងព័ត៌មានផ្ទុយពីការពិត ដោយយកលេសពីបញ្ហតំបន់អភិវឌ្ឍន៍ត្រីកោណ កម្ពុជា ឡាវ និងវៀតណាម ចង់ធ្វើបដិវត្តន៍ផ្តួលរំលំរាជរដ្ឋាភិបាលស្របច្បាប់។
ចំណែក លោក ភូថង សេរីវុឌ្ឍី អភិបាលថ្មីនៃក្រុងខេមរភូមិន្ទ ដែលត្រូវជាប្អូនប្រុសរបស់លោកស្រីអភិបាលខេត្តផងនោះ បានប្តេជ្ញាចិត្តថា នឹងខិតខំជំរុញការអនុវត្តគោលនយោបាយភូមិឃុំ-សង្កាត់ មានសុវត្ថិភាពឱ្យកាន់តែមានប្រសិទ្ធភាព និងបង្ការទប់ស្កាត់ បង្រ្កាបបទល្មើសនានាក្នុងមូលដ្ឋានផងដែរ។
លោកអភិបាលថ្មីក្រុងខេមរភូមិន្ទ បន្តទៀតថា លោកទទួលយករាល់មតិយោបល់នានា ដើម្បីមកពិចារណាកែលម្អឱ្យប្រសើរ ដើម្បីមានជាមូលដ្ឋានបន្ថែមក្នុងការដឹកនាំ ចាត់ចែងការងារដោះស្រាយអោយបានទាន់ពេលវេលា តបតាមតម្រូវការរបស់ប្រជាពលរដ្ឋ។ មិនតែប៉ុណ្ណោះទេ លោកប្តេជ្ញាការពារដាច់ខាននូវការថែរក្សាសុខសន្តិភាព ស្ថេរភាព និងការអភិវឌ្ឍបច្ចុប្បន្ន តាមអ្វីដែលជាការណែនាំរបស់លោកស្រីអភិបាលខេត្ត៕
អត្តបទ៖សិរីវឌ្ឍនៈ
-
ជីវិតកម្សាន្ដ៤ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍២ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សេចក្ដីជូនដំណឹង៤ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ១ សប្តាហ៍ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៣ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម១ សប្តាហ៍ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ៣ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
-
ព័ត៌មានជាតិ៥ ថ្ងៃ ago
សាលារៀនគ្រូយើង បើកបវេសនកាល ២០២៤-២០២៥ ដោយនាំយកកម្មវិធីសិក្សាថ្មីៗជាច្រើន