ចរាចរណ៍
បុរសម្នាក់ ជិះម៉ូតូជ្រុលទៅបុករ៉ឺម៉កដឹកទឹកកកដាក់ទទឹងផ្លូវ បោកក្បាលស្លាប់ភ្លាមៗ
បុរសម្នាក់ ជិះម៉ូតូលឿនជ្រុលទៅបុករ៉ឺម៉កដឹកទឹកកកពេញទំហឹង បណ្ដាលឲ្យបោកក្បាលស្លាប់ ដោយប្រពន្ធស្លាប់មិនទាន់បានមួយឆ្នាំផង ប្ដីក៏ជួបគ្រោះចរាចរណ៍ស្លាប់ទៀត រួចមានជនឆ្លៀតឱកាសយកទូរសព្ទបាត់មួយគ្រឿង។
ហេតុការណ៍នេះកើតឡើងកាលពីវេលាម៉ោង ០១ និង ៣០ នាទី រំលងអធ្រាត្រ ឈានចូលថ្ងៃទី ០៩ ខែកញ្ញា ឆ្នាំ ២០២៤ នៅតាមបណ្ដោយផ្លូវជាតិលេខ ០៥ ចំណុចគីឡូម៉ែត្រលេខ ០៩ ស្ថិតក្នុងសង្កាត់ ច្រាំងចំរេះទី ០២ ខណ្ឌឫស្សីកែវ រាជធានីភ្នំពេញ។
ជនរងគ្រោះឈ្មោះ ឈឹម ចំរើន ភេទប្រុស អាយុ ៣៣ ឆ្នាំ មុខរបរអ្នកបើកបរ មានស្រុកកំណើតនៅស្រុកពញាឮ ខេត្តកណ្តាល។
បើតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូកង់បីមួយគ្រឿងបានមកឈប់ដឹកទឹកកកចតដាក់ទទឹងផ្លូវ បន្ទាប់មកស្រាប់តែឃើញបុរសរងគ្រោះជិះម៉ូតូម៉ាក ADV ពណ៌ប្រផេះ មួយគ្រឿង ពាក់ស្លាកលេខ ភ្នំពេញ 1KQ-1707 ជិះម្នាក់ឯង ធ្វើដំណើរតាមបណ្ដោយផ្លូវជាតិលេខ ០៥ ទិសដៅពីកើតទៅលិច ក្នុងល្បឿនលឿន។ លុះមកដល់ចំណុចកើតហេតុ ក៏ស្រាប់តែជនរងគ្រោះជ្រុលទៅបុកម៉ូតូកង់បីដែលឈប់ដាក់ទឹកកកចំកណ្ដាលពេញទំហឹង បណ្ដាលឲ្យបោកក្បាលឈាមហូរស្លាប់នៅកន្លែងកើតហេតុភ្លាមៗ។ ចំណែកម្ចាស់រ៉ឺម៉កកង់បី បានរត់គេចចេញពីកន្លែងកើតហេតុបាត់ស្រមោល ហើយក៏មានជនឆ្លៀតឱកាសយកទូរសព្ទជនរងគ្រោះបាត់មួយគ្រឿង ម៉ាក (Iphone 14pro max)។
ក្រោយពេលកើតហេតុ សមត្ថកិច្ចមូលដ្ឋាន បានទាក់ទងទៅកាន់សមត្ថកិច្ចជំនាញចរាចរណ៍ ចុះមកវាស់វែងយកម៉ូតូ និងម៉ូតូកង់បី ទៅរក្សាទុក រង់ចាំដោះស្រាយគ្នាពេលក្រោយ។ ចំណែកសពជនរងគ្រោះ សមត្ថកិច្ចធ្វើកំណត់ហេតុប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ ៖ ម៉េង
-
ជីវិតកម្សាន្ដ៦ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ១ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៤ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម២ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៦ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានអន្ដរជាតិ៥ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
ព័ត៌មានអន្ដរជាតិ៥ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
-
ព័ត៌មានជាតិ៧ ថ្ងៃ ago
សាលារៀនគ្រូយើង បើកបវេសនកាល ២០២៤-២០២៥ ដោយនាំយកកម្មវិធីសិក្សាថ្មីៗជាច្រើន