ព័ត៌មានជាតិ
ឆ្នាំនេះ មណ្ឌលភ្នំពេញ មានបេក្ខជនដាក់ពាក្យប្រឡងបាក់ឌុប ជាង ២ ម៉ឺននាក់ កើនជាងឆ្នាំមុន
លោក ហែម ស៊ី ណារ៉េត ប្រធានមន្ទីរអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ០៩ កញ្ញា នេះថា ការប្រឡងសញ្ញាបត្រមធ្យមសិក្សាទុតិយភូមិ ឬ បាក់ឌុប នៅឆ្នាំនេះ នៅមណ្ឌលប្រឡងរាជធានីភ្នំពេញមានបេក្ខជនចុះឈ្មោះប្រឡងសរុប ២៥ ៧៣៩ នាក់ ស្រី ១២ ៤៦២ នាក់ ក្នុងនោះបេក្ខជន ថ្នាក់វិទ្យាសាស្ត្រ សរុបចំនួន ៩ ៤២២ នាក់ និងបេក្ខជនថ្នាក់វិទ្យាសាស្ត្រសង្គម សរុប ចំនួន ១៦ ៣១៧ នាក់។
លោកប្រធានមន្ទីរបានបន្តថា ករណីនេះធ្វើឱ្យមណ្ឌលប្រឡងកើនឡើងដល់ចំនួន ៣២ មណ្ឌលសំណេរ ត្រូវជា ១ ០៣៧ បន្ទប់ ក្នុងនោះ ថ្នាក់វិទ្យាសាស្ត្រ ចំនួន ១៣ មណ្ឌល ស្មើនឹង ៣៨១ បន្ទប់ មានបេក្ខជន ៩ ៩ ៤២២ នាក់ ស្រី ៥ ០៩៨ នាក់ ថ្នាក់វិទ្យាសាស្ត្រសង្គម ចំនួន នួន ១៩ មណ្ឌល ស្មើនឹង ៦៥៦ បន្ទប់ មានបេក្ខជន ១៦ ៣១៧ នាក់ ស្រី ៧ ៣៦៤ នាក់។
លោកប្រធានមន្ទីរអប់រំ បានបន្តថា ដោយសារចំនួនបេក្ខជនកើនឡើងទើបមន្ទីរបានធ្វើសំណើសុំទៅ លោកបណ្ឌិតសភាពចារ្យ ហង់ ជួនណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា បើកមណ្ឌលប្រឡងបន្ថែម ដើម្បីសម្រួលដល់ដំណើរការប្រឡង។
លោកប្រធានមន្ទីរ បានបន្តទៀតថា ចំនួនបេក្ខជនដាក់ពាក្យប្រឡងនៅឆ្នាំនេះ មានការកើនឡើងបើធៀបទៅនឹងឆ្នាំមុនដែលមានបេក្ខជនដាក់ពាក្យប្រឡងចំនួន ២៥ ៦៩៥ នាក់ មាន ៣១ មណ្ឌល ចែកជា ១ ០៤២ បន្ទប់ ក្នុងនោះមានបេក្ខជនប្រឡងជាប់ចំនួន ១៦ ០៦៩ នាក់ ស្មើនឹង ៦៤,២៧% ស្រី ៨ ៥៥១ នាក់ នៃបេក្ខជនមកប្រឡង ២៥ ០០៣ នាក់ ស្រី ១២ ១៨៨ នាក់។
លោកប្រធានមន្ទីរ បានបន្ថែមថា ក្នុងចំណោមបេក្ខជនប្រឡងជាប់ ១៦ ០៦៩ នាក់ ក្នុងនោះ ជាប់និទ្ទេស A មានចំនួន ៥៤៧ នាក់ ស្រី ២៩៦ នាក់ កើនឡើងទ្វេដង និទ្ទេស B ១ ៤៩៥ នាក់ ស្រី ៨៥៦ នាក់ និទ្ទេស C ២៨៤៦ នាក់ ស្រី ១ ៦៧២ នាក់ និទ្ទេស D ៤ ៩៩៤ នាក់ ស្រី ២ ៧៥០ និង និទ្ទេស E ៦ ១៨៧ នាក់ ស្រី ២ ៩៧៧ នាក់។
គួរបញ្ជាក់ថា ឆ្នាំ ២០២៣ នៅទូទាំងប្រទេសមានបេក្ខជនប្រឡងជាប់បាក់ឌុបសរុប ៩៨ ៤៦០ នាក់ ត្រូវជា ៧២,៨៩ ភាគរយ នៃចំនួនបេក្ខជនមកប្រឡងចំនួន ១៣៥ ០៨៤ នាក់ ស្រី ៧២ ៣៤៤ នាក់ក្នុងចំណោមបេក្ខជនចុះឈ្មោះប្រឡងសរុបចំនួន ១៣៧ ៤១២ នាក់ ស្រី ៧៣ ២៧៨ នាក់។
ក្នុងនោះ បេក្ខជនជាប់និទ្ទេស A ចំនួន ១ ៦៧៣ នាក់, និទ្ទេស B ចំនួន ៦៩៦៤ នាក់ និទ្ទេស C ចំនួន ១៨ ៣០៨ នាក់, និទ្ទេស D ចំនួន ៣៤ ២៤៦ នាក់, និងនិទ្ទេស E ចំនួន ៣៧ ២៦៩ នាក់៕
អត្ថបទ ៖ សំអឿន
រដ្ឋមន្ត្រីអប់រំ ណែនាំក្រុមការងារជំនាញឱ្យចុះជួយគាំទ្រ សាលារៀនគំរូ ដោយផ្ទាល់
ខេត្តមណ្ឌលគិរី ដាក់គោលដៅទាក់ទាញទេសចរអ្នកមាន និងប្រែក្លាយជាខេត្តអេកូទេសចរណ៍លំដាប់ពិភពលោក
មន្ត្រីឥណ្ឌូណេស៊ី៖ ឧស្សាហកម្មស្បែកជើង អាចរួមចំណែកជំរុញសេដ្ឋកិច្ចរបស់ប្រទេស
កម្ពុជាបានចំណាយជាង១,៦៦៣ ពាន់លានដុល្លារលើការនាំចូលប្រេងឥន្ធនៈ និងប្រេងម៉ាស៊ូតក្នុងរយៈពេល៨ខែឆ្នាំនេះ
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
៦ខេត្តរបស់ថៃ នៅតែរងគ្រោះ ដោយទឹកជំនន់
វត្តព្រះពុទ្ធសាសនានៅថៃត្រូវគ្រូបរទេសបង្រៀនអង់គ្លេស ប្រែក្លាយជាការបង្រៀនទ្រឹស្តីសាសនាផ្សេង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
ឡើងកម្តៅ! អ៊ីស្រាអែល សម្លាប់មនុស្សជិត ៥០០នាក់នៅលីបង់ ខណៈអាមេរិក បញ្ជូនទ័ពបន្ថែមទៅ មជ្ឈិមបូព៌ា
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៨ ម៉ោង agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ