ព័ត៌មានជាតិ
លម្អិតបន្ថែម បង្គោលព្រំដែនកម្ពុជាវៀតណាម មាន ៣ ប្រភេទ បោះខុសគ្នាតាមភូមិសាស្រ្តជាក់ស្តែង
បង្គោលព្រំដែនកម្ពុជាវៀតណាមបែងចែកជា ៣ ប្រភេទ ដែលត្រូវបានបោះនៅលើខ្សែបន្ទាត់ព្រំដែនជាប់គ្នាប្រវែងជាង ១ ២៧០ គីឡូម៉ែត្រ។
នៅក្នុងឱកាសធ្វើបទបង្ហាញស្តីពី “របៀបរបបនៃដំណើរទស្សនកិច្ច និងកម្មវិធីទស្សនកិច្ចនៅខេត្តទិសឦសាន” នារសៀលថ្ងៃទី ០៦ ខែកញ្ញា ឆ្នាំ២០២៤ លោក ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន បានពន្យល់ពីបច្ចេកទេសនៃការបោះបង្គោលព្រំដែនរវាងកម្ពុជានិងវៀតណាម គឺអាស្រ័យទៅតាមភូមិសាស្រ្តតំបន់។
លោកពន្យល់ពីបង្គោលព្រំដែនដែលបោះរវាងកម្ពុជានិងវៀតណាម បែងចែកជា ៣ ប្រភេទ គឺមានប្រភេទបង្គោលមេ បង្គោលបំពេញបន្ថែម និងបង្គោលតម្រុយព្រំដែន។ បង្គោលមេក៏បែងចែកជា ៣ ប្រភេទទៀត មានបង្គោលមេ «ទោល» បង្គោលមេ «ភ្លោះ» និងបង្គោលមេ «ត្រី»។
លោកពន្យល់ថា បង្គោលមេ «ទោល» បោះនៅលើខ្សែព្រំដែន។ បង្គោលមេ «ភ្លោះ» បោះនៅសងខាងខ្សែព្រំដែនដើរតាមផ្លូវទឹកមានដូចជាព្រែក អូរ ស្ទឹង ទន្លេជាដើម និង បង្គោលមេ «ត្រី» បោះនៅចំកន្លែងមុខទឹកបែងជាពីរ។
ពាក់ព័ន្ធបង្គោលមេ «ភ្លោះ» នេះ លោក ឡាំ ជា បញ្ជាក់ថា មិនអាចបោះនៅកណ្ដាលទន្លេ ឬស្ទឹងបាននោះទេ ដោយសារត្រូវចំណាយខ្ពស់ និងក៏ប៉ះពាល់ដល់ការធ្វើនាវាចរណ៍។
បើតាមលោក ឡាំ ជា បង្គោលមេ ក៏បែងចែកមានប្រភេទកម្រិត A, B និង C។ បង្គោលមេកម្រិត A ធ្វើពីថ្មក្រានីតសម្រាប់បោះនៅច្រកទ្វារអន្តរជាតិ។ បង្គោលមេកម្រិត B ធ្វើពីបេតុងអាមេសរសែដែក បោះនៅភូមិសាស្ត្រមិនលិចទឹក និងបង្គោលមេកម្រិត C សម្រាប់បោះនៅភូមិសាស្ត្រលិចទឹក។
ដោយឡែកសម្រាប់បង្គោលបំពេញបន្ថែម គឺមានខ្នាតតូចជាងបង្គោលមេ និងត្រូវបានបោះនៅចន្លោះបង្គោលមេ។ បង្គោលបំពេញបន្ថែមក៏បែងចែកជា ៣ ប្រភេទដែរ មានបង្គោលបំពេញបន្ថែម «ទោល», បង្គោលបំពេញបន្ថែម «ភ្លោះ» និងបង្គោលបំពេញបន្ថែម «ត្រី» សម្រាប់បោះនៅផ្លូវទឹកបែកជាពីរជាបីជាដើម។
សម្រាប់បង្គោលតម្រុយព្រំដែនវិញ មានតែមួយប្រភេទគឺបង្គោលតម្រុយព្រំដែន «ទោល» ដែលបោះនៅលើខ្សែព្រំដែន នៅចំណុចដែលខ្សែព្រំដែនមានការបត់បែន។
បើតាមរដ្ឋមន្ត្រីរដ្ឋលេខាធិការដ្ឋានកិច្ចការព្រំដែន កម្ពុជាមានខ្សែព្រំដែនជាប់ជាមួយប្រទេសវៀតណាមសរុប ១ ២៧០ គីឡូម៉ែត្រ។ ក្នុងនោះខ្សែព្រំដែនដើរតាមផ្លូវទឹកមានប្រវែង ៦០៩ គីឡូម៉ែត្រ និងខ្សែព្រំដែនដើរតាមដីគោកមានប្រវែងប្រមាណ ៦៦១។
ពាក់ព័ន្ធលទ្ធផលសម្រេចបានលើការងារខណ្ឌសីមា និងបោះបង្គោលព្រំដែនគោក កម្ពុជា-វៀតណាម ចាប់ពីឆ្នាំ២០០៦-២០១៩ ភាគីទាំងពីរបានចុះអនុវត្តលើដីជាក់ស្ដែង និងធ្វើការខណ្ឌសីមាបានប្រវែង ១ ០៤៥ គីឡូម៉ែត្រ (ដែលក្នុងនោះខ្សែព្រំដែនដើរតាមដីគោកសម្រេចបានប្រវែង ៤៨៨ គីឡូម៉ែត្រ និងខ្សែព្រំដែនដើរតាមផ្លូវទឹកសម្រេចបានប្រវែង ៥៥៧ គីឡូម៉ែត្រ) ដែលស្មើនឹង ៨៤% នៃប្រវែងខ្សែព្រំដែនសរុប។
ជាមួយគ្នានេះ ភាគីទាំងពីរក៏បានឯកភាពបោះបង្គោលព្រំដែនលើដីជាក់ស្តែងបានចំនួន ២ ០៤៧ បង្គោល (ក្នុងនោះបង្គោលព្រំដែនមេសរុបចំនួន ៣១៥ បង្គោល, បង្គោលព្រំដែនបំពេញបន្ថែមចំនួន ១ ៥១១ បង្គោល និងបង្គោលតម្រុយព្រំដែនចំនួន ២២១ បង្គោល)។
ក្រៅពីការសម្រេចបានការងារខណ្ឌសីមា និងបោះបង្គោលព្រំដែន រាជរដ្ឋាភិបាលក៏បានស្ថាបនាផ្លូវក្រវាត់ព្រំដែនបានប្រវែងជាង ៦៨៥,៣១៤ គីឡូម៉ែត្រ៕
ការបំផ្ទុះគ្រាប់បែកអត្តឃាតនៅស្ថានីយរថភ្លើងបណ្តាលឱ្យស្លាប់និងរបួសជិត១០០នាក់នៅប៉ាគីស្ថាន
អ្នកជំនាញ៖កម្ពុជារំពឹងថាការកាត់បន្ថយអត្រាការប្រាក់គោលរបស់ធនាគារកណ្តាលអាមេរិកទាក់ទាញលំហូវិនិយោគ
កីឡាការិនីខ្មែរ-កាណាដា Melania Joy សោកស្តាយមិនអាចមកជួយក្រុមនារីកម្ពុជា
សារមន្ទីរខេត្តកំពង់ឆ្នាំងបើកទ្វារទទួលភ្ញៀវជាតិ និងអន្តរជាតិ ចូលទស្សនាជារៀងរាល់ថ្ងៃ
អាជ្ញាធរសង្កាត់ច្បារអំពៅ ដាក់របាំងមិនឲ្យរថយន្តធំបើកក្រោមស្ពានព្រោះខ្លាចប៉ះតួស្ពាន
នគរបាលស្រុកស្នួល ប្រកាសស្វែងរកក្រុមគ្រួសារសាច់ញាតិ សពចំនួន ៥នាក់ ជួបគ្រោះថ្នាក់ចរាចកាលពីយប់ម៉ិញនេះ
ជើងខ្លាំងអាមេរិក Jaron Ennis កាន់កំណត់ត្រាឈ្នះ១០០% ក្នុងអាជីព៨ឆ្នាំចុង
លោក Elon Musk ថា សង្គ្រាមនៅអ៊ុយក្រែននឹងបញ្ចប់ក្នុងពេលឆាប់ៗ
គម្រោងសាងសង់សួនឧស្សាហកម្មវាយនភណ្ឌបៃតងកម្ពុជា មានផ្ទៃដីជាង ៥០០ ហិកតា បង្កើតការងារជាង ៥ ម៉ឺនកន្លែង
អង្ករសែនក្រអូបកម្ពុជា ឈ្នះជើងឯកពានរង្វាន់មាសជាថ្មី
-
ព័ត៌មានជាតិ២ ថ្ងៃ agoជង្ហុកជាច្រើនកន្លែងលើកំណាត់ផ្លូវ ៦០៨ បង្កគ្រោះថ្នាក់ដល់អ្នកដំណើរជារឿយៗ
-
ជីវិតកម្សាន្ដ៣ ថ្ងៃ agoលោក អ៊ិន សុភិន ចេញមុខអះអាងថា ខ្លួនមិនពាក់ព័ន្ធទេ ក្រោយផ្ទុះរឿងទិញសិទ្ធិ Miss Grand 2025
-
ជីវិតកម្សាន្ដ៣ ថ្ងៃ agoបវរកញ្ញាមីយ៉ាន់ម៉ា បង្ហាញខ្លួនលើកដំបូង ក្រោយបាត់បង់តំណែងលេខ២ MGI
-
ជីវិតកម្សាន្ដ១ ថ្ងៃ agoធ្លាយវីដេអូរសើប Selena ក្នុងពិធីជប់លៀងរបស់ Diddy ពី Weibo ចិន
-
ព័ត៌មានជាតិ៥ ថ្ងៃ agoកម្ពុជា រងឥទ្ធិពលរបបខ្យល់មូសុងឦសានខ្លាំងដល់ថ្ងៃទី៦វិច្ឆិកា
-
ព័ត៌មានជាតិ៤ ថ្ងៃ agoព្យុះទី២២ ឈ្មោះ ឃីនស៊ីង នឹងជះឥទ្ធិពលលើកម្ពុជា ចាប់ពីថ្ងៃនេះដល់ថ្ងៃទី៧វិច្ឆិកា
-
ជីវិតកម្សាន្ដ៣ ថ្ងៃ agoអ្នកស្រី អ៊ឹម សុគន្ធា បញ្ជាក់ថា ព្រោះតែងរឿងចង់ចាញ់ឈ្នះ មានអ្នកខ្លះចង់ទិញសិទ្ធិ Miss Grand 2025
-
ព័ត៌មានអន្ដរជាតិ២ ថ្ងៃ agoព្យុះ យីនស៊ីង ដ៏ខ្លាំង នឹងហោះទៅវាយប្រហារវៀតណាម ចុងសប្តាហ៍នេះ