ព័ត៌មានជាតិ
មន្ត្រីយោធាកម្ពុជា-បង់ក្លាដែស ជំរុញការបណ្តុះបណ្តាល និងផ្លាស់ប្ដូរទស្សនកិច្ចយោធារវាងប្រទេសទាំងពីរ
មន្ត្រីយោធាបង់ក្លាដែស នៅតែបង្ហាញឆន្ទៈក្នុងការជំរុញទំនាក់ទំនង និងកិច្ចសហប្រតិបត្តិការជាមួយកម្ពុជា ជាពិសេសលើការបណ្ដុះបណ្ដាល និងការផ្លាស់ប្ដូរព័ត៌មានជុំវិញបទល្មើសឆ្លងដែន បើទោះបីជាប្រទេសបង់ក្លាដែសកំពុងជួបបញ្ហាផ្ទៃក្នុងក៏ដោយ។
ឧត្តមសេនីយ៍ត្រី អឹមឌី អាហ្វតាប ហូសេន អនុព័ន្ធយោធាបង់ក្លាដែសប្រចាំកម្ពុជា បានបញ្ជាក់ថា សម្រាប់វិស័យយោធា កម្ពុជា និងបង់ក្លាដែសមានផ្នែកជាច្រើនដែលអាចសហការជាមួយគ្នាបាន ដោយលោក សង្ឃឹមថា អនាគតប្រទេសទាំងពីរ នឹងបន្តពង្រឹងពង្រីកទំនាក់ទំនងនេះឱ្យកាន់តែល្អប្រសើរថែមទៀត។ ការលើកឡើងរបស់អនុព័ន្ធយោធាបង់ក្លាដែស បានធ្វើឡើងនៅចំពោះមុខនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ក្នុងជំនួបនាព្រឹកថ្ងៃទី១១ ខែកញ្ញា ឆ្នាំ២០២៤ នៅអគ្គបញ្ជាការ។ ជំនួបនេះ ក៏មានវត្តមានលោកវរសេនីយ៍ឯក ណាមូស សាដាត ប្រធានប្រតិភូមហាវិទ្យាល័យបញ្ជាការសេនាធិការបង់ក្លាដែសដែរ។
លោកនាយឧត្តមសេនីយ៍ វង្ស ពិសេន បានគូសរំលេចអំពីទំនាក់ទំនងរវាងកម្ពុជា និងបង់ក្លាដែស ដែលបានភ្ជាប់ចំណងការទូតជាមួយគ្នាតាំងពី១៩៧៣ ហើយទំនាក់ទំនង និងកិច្ចសហប្រតិបត្តិការនេះត្រូវបានបន្តពង្រឹងពង្រីក និងលើកកម្ពស់ជាច្រើនវិស័យ ដូចជា សេដ្ឋកិច្ច ពាណិជ្ជកម្ម សន្តិសុខស្បៀងអាហារ ពិសេសការនាំចេញអង្ករពីកម្ពុជាទៅបង់ក្លាដែស។
លើវិស័យយោធា នាយឧត្តមសេនីយ៍ វង្ស ពិសេន បានគូសបញ្ជាក់ថា ប្រទេសទាំងពីរមានទំនាក់ទំនង និងកិច្ចសហប្រតិបត្តិការល្អជាមួយគ្នាជាលំដាប់ ដោយក្រុមការងាររបស់ក្រសួងការពារជាតិនៃប្រទេសនីមួយៗ កំពុងពិភាក្សា និងរៀបចំសេចក្តីព្រាងអនុស្សរណៈយោគយល់ស្តីពីកិច្ចសហប្រតិបត្តិការការពារជាតិ។ លោកនាយឧត្តមសេនីយ៍ បន្តថា កន្លងមកកងទ័ពទាំងពីរ បានផ្លាស់ប្ដូរកាសិក្សា និងហ្វឹកហ្វឺនទៅវិញទៅមក ដែលក្នុងនោះ បង់ក្លាដែសធ្លាប់បានបញ្ជូនសិក្ខាកាមមកចូលរួមវគ្គហ្វឹកហ្វឺនគ្រូបង្គោលបច្ចេកទេសដោះមីននៅកម្ពុជា ខណៈបង់ក្លាដេសបានទទួលយកសិក្ខាកាមកម្ពុជាទៅសិក្សាវគ្គបញ្ជាការសេនាធិការនៅប្រទេសបង់ក្លាដែស។
នាយឧត្តមសេនីយ៍ អគ្គមេបញ្ជាការ បានជំរុញឱ្យកងទ័ពប្រទេសទាំងពីរបន្តពង្រឹងពង្រីកសហប្រតិបត្តិការជាមួយគ្នា ជាពិសេសការពង្រឹងការងារបណ្ដុះបណ្ដាលធនធានមនុស្ស ការផ្លាស់ប្ដូរទស្សនកិច្ច និងផ្លាស់ប្ដូរពត៌មានឧក្រិដ្ឋកម្មឆ្លងដែន ភេរវកម្ម ការជួញដូរមនុស្ស ជួញដូរអាវុធ ជួញដូរគ្រឿងញៀន ជាដើម។ ក្នុងនោះ លោក មានបំណងចង់ឱ្យវិទ្យាស្ថានបញ្ជាការសេនាធិការរបស់កម្ពុជា បានទៅធ្វើទស្សនកិច្ចនៅបង់ក្លាដែស សំដៅដកបទពិសោធន៍គ្នាទៅវិញទៅមក៕
-
ព័ត៌មានអន្ដរជាតិ៣ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ១២ ម៉ោង ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៣ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ៤ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ព័ត៌មានអន្ដរជាតិ១១ ម៉ោង ago
ថៃ ព្រមានឲ្យខេត្តចំនួន៤៨ រួមទាំងរាជធានីបាងកក ត្រូវប្រយ័ត្នគ្រោះទឹកជំនន់
-
ចរាចរណ៍៧ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម៤ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានអន្ដរជាតិ២០ ម៉ោង ago
ហាណូយ ប្រកាសអាសន្នថែមមួយកម្រិតទៀត ដែលជាកម្រិតធ្ងន់ ព្រោះទឹកជំនន់