ព័ត៌មានអន្ដរជាតិ
លោក ត្រាំ ប្រកាសថាមិនជជែកដេញដោលម្ដងទៀតទេជាមួយលោកស្រី ហារីស
អតីតប្រធានាធិបតី លោក ដូណាល់ ត្រាំ បានប្រកាសកាលពីថ្ងៃព្រហស្បតិ៍ថា លោកនឹងមិនជជែកដេញដោលជាមួយអនុប្រធានាធិបតី លោកស្រី កាម៉ាឡា ហារីស ម្តងទៀតទេ បន្ទាប់ពីការជជែកដេញដោលកាលពីថ្ងៃទី១១ខែកញ្ញារវាងបេក្ខភាពប្រធានាធិបតីទាំង២នៅទីក្រុង Philadelphia នៃរដ្ឋ Pennsylvania។
លោក ត្រាំ បានសរសេរបង្ហោះនៅលើបណ្ដាញសង្គម Truth Social ថា៖ «វានឹងមិនមានការជជែកដេញដោលលើកទីបីទេ»។ ការជជែកដេញដោលប្រធានាធិបតីលើកដំបូងធ្វើឡើងកាលពីខែមិថុនារវាង លោក ត្រាំ និងលោកប្រធានាធិបតី ចូ បៃដិន។
លោក ត្រាំ បានរៀបរាប់ថា លោកបានយកឈ្នះនៅក្នុងការជជែកដេញដោលជាមួយលោកស្រី ហារីស ដោយបន្ថែមថា៖ «ពេលអ្នកប្រកួតចាញ់ការប្រយុទ្ធ ពាក្យដំបូងដែលចេញពីមាត់របស់គេគឺ ខ្ញុំចង់ប្រកួតម្ដងទៀត»។ មួយថ្ងៃបន្ទាប់ពីការជជែកដេញដោល លោក ត្រាំ បានថ្លែងក្នុងយុទ្ធនាការឃោសនារបស់ខ្លួននៅទីក្រុង Tucson រដ្ឋ Arizona ថា៖ «ដោយសារតែពួកយើងបានធ្វើការជជែកដេញដោលចំនួនពីរ ហើយដោយសារតែពួកវាសុទ្ធតែទទួលបានជោគជ័យ នោះវានឹងមិនមានការជជែកដេញដោលលើកទីបីទេ។ យឺតពេលទៅហើយ ការបោះឆ្នោតបានចាប់ផ្តើមរួចហើយ»។
ផ្ទុយពីការអះអាងរបស់លោក ត្រាំ ការស្ទង់មតិបឋមដោយ Reuters , YouGov និង CNN បានបង្ហាញថា ភាគច្រើននៃអ្នកបោះឆ្នោតគិតថា លោកស្រី ហារីស ធ្វើបានប្រសើរជាងលោក ត្រាំ។ អ្នកវិភាគ និងអ្នកសង្កេតការណ៍ភាគច្រើន បានយល់ស្របថា លោកស្រី ហារីស មានប្រៀបជាងនៅក្នុងការជជែកដេញដោល ដោយលោកស្រីមានការវាយប្រហារខ្លាំងជាង ខណៈលោក ត្រាំ វិញបានត្រឹមនិយាយការពារខ្លួន។
ភ្លាមៗបន្ទាប់ពីការប្រកាសរបស់លោក ត្រាំ លោកស្រី ហារីស បានថ្លែងទៅកាន់ក្រុមអ្នកគាំទ្រនៅឯការជួបជុំមួយនៅរដ្ឋ North Carolina ថាលោកស្រីបើកចំហចំពោះការជជែកដេញដោលមួយផ្សេងទៀត។ លោកស្រីនិយាយថា៖ «ខ្ញុំជឿថាយើងនៅជំពាក់អ្នកបោះឆ្នោត គឺការជជែកដេញដោលម្ដងទៀត»៕
ដោយ៖ ឈាង
ចុចអាន៖ តើការជជែកដេញដោលកំណត់វាសនា លោក ត្រាំ និងអ្នកស្រី ហារីស ទៅកាន់សេតវិមានឬ?
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា