ព័ត៌មានអន្ដរជាតិ
ជាលើកដំបូង! កូរ៉េខាងជើងបង្ហាញរូបភាពពីទីតាំងរោងចក្រចម្រាញ់សារធាតុអ៊ុយរ៉ានីញ៉ូម
កូរ៉េខាងជើង នៅថ្ងៃទី១៣ខែកញ្ញានេះ បានបង្ហាញរូបភាពជាលើកដំបូងនៃម៉ាស៊ីន centrifuge ដែលប្រើផលិតឥន្ធនៈសម្រាប់គ្រាប់បែកនុយក្លេអ៊ែររបស់ខ្លួន ខណៈដែលលោក គីម ជុងអ៊ុន បានទៅទស្សនារោងចក្រចម្រាញ់សារធាតុអ៊ុយរ៉ានីញ៉ូម និងបានអំពាវនាវឲ្យមានការអភិវឌ្ឍកម្រិតសព្វាវុធរបស់ខ្លួនបន្ថែមទៀត។
ប្រព័ន្ធផ្សព្វផ្សាយរដ្ឋ KCNA បានរាយការណ៍អំពីដំណើរទស្សនកិច្ចរបស់លោក គីម ទៅកាន់រោងចក្រអាវុធនុយក្លេអ៊ែរ និងមូលដ្ឋានផលិតកម្មសម្រាប់អាវុធនុយក្លេអ៊ែរ។ KCNA ក៏បានបង្ហាញផងដែរពីរូបថតដ៏កម្រនិងជាដំបូងបង្អស់នៃម៉ាស៊ីន centrifuge របស់កូរ៉េខាងជើង សម្រាប់កម្មវិធីនុយក្លេអ៊ែរដែលត្រូវបានហាមឃាត់ក្រោមសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។
រូបថតបានបង្ហាញថា លោក គីម ដើរនៅចន្លោះជួរដ៏វែងនៃម៉ាស៊ីន centrifuge ដែលជាម៉ាស៊ីនចម្រាញ់សារធាតុអ៊ុយរ៉ានីញ៉ូម។ យ៉ាងណា របាយការណ៍របស់ KCNA មិនបានបញ្ជាក់ច្បាស់ថាដំណើរទស្សនកិច្ចនេះកើតឡើងនៅពេលណា ឬទីតាំងរបស់រោងចក្រនៅឯណានោះទេ។
មេដឹកនាំកូរ៉េខាងជើង បានជំរុញឲ្យកម្មករផលិតសារធាតុអ៊ុយរ៉ានីញ៉ូមបន្ថែមទៀតសម្រាប់បង្កើនការផលិតអាវុធនុយក្លេអ៊ែររបស់ខ្លួន ដោយនិយាយថា ឃ្លាំងអាវុធនុយក្លេអ៊ែររបស់ប្រទេសគឺមានសារៈសំខាន់សម្រាប់ការប្រឈមមុខនឹងការគំរាមកំហែងពីសហរដ្ឋអាមេរិក និងសម្ព័ន្ធមិត្តរបស់អាមេរិក។
លោក គីម បាននិយាយថា អាវុធគឺចាំបាច់សម្រាប់ «ការការពារខ្លួន និងសមត្ថភាពសម្រាប់ការវាយប្រហារទុកជាមុន»។
យោងតាមរបាយការណ៍ KCNA មេដឹកនាំកូរ៉េខាងជើងបានប្រកាសថា «ការគំរាមកំហែងនុយក្លេអ៊ែរប្រឆាំងកូរ៉េខាងជើង» ពី «កងកម្លាំងដែលដឹកនាំដោយចក្រពត្តិនិយមអាមេរិក» បានឆ្លងកាត់បន្ទាត់ក្រហមហើយ។
ក្រសួងបង្រួបបង្រួមរបស់កូរ៉េខាងត្បូង បានថ្កោលទោសចំពោះការដាក់បង្ហាញទីតាំងរោងចក្ររបស់កូរ៉េខាងជើងនេះ ដោយបន្ថែមថា ខ្លួននឹងមិនទទួលយកបានឡើយនូវការកាន់កាប់អាវុធនុយក្លេអ៊ែររបស់ទីក្រុងព្យុងយ៉ាង។
សូមបញ្ជាក់ថា កូរ៉េខាងជើង ត្រូវបានគេជឿជាក់ថាមានទីតាំងជាច្រើនសម្រាប់ចម្រាញ់សារធាតុអ៊ុយរ៉ានីញ៉ូម។ ក្រុមអ្នកវិភាគនិយាយថា រូបភាពផ្កាយរណបពាណិជ្ជកម្ម បានបង្ហាញពីការសាងសង់មជ្ឈមណ្ឌលស្រាវជ្រាវវិទ្យាសាស្ត្រនុយក្លេអ៊ែរ Yongbyon នារយៈពេលប៉ុន្មានឆ្នាំថ្មីៗនេះ រួមទាំងរោងចក្រចម្រាញ់សារធាតុអ៊ុយរ៉ានីញ៉ូម ដែលទំនងនឹងអាចត្រូវពង្រីកឲ្យកាន់តែធំថែមទៀត៕
ដោយ៖ ឈាង
ក្រុមសហជីពធំៗនៅកម្ពុជាថា របបសន្តិសុខសង្គមផ្នែកថែទាំសុខភាពបានចូលរួមយ៉ាងសំខាន់ក្នុងការលើកកម្ពស់សុខមាលភាព និងជីវភាពរបស់កម្មករនិយោជិត
បែកធ្លាយសារសំឡេងចៅសង្កាត់ចោមចៅទី២ ចចារលុយកាក់ជាមួយអ្នកពាក់ព័ន្ធគ្រឿងញៀន
សម្ដេចនាយករដ្ឋមន្ត្រីឱ្យរៀបចំគោលការណ៍ លើកលែងពន្ធ សម្រាប់អ្នកទិញលំនៅឋានលើកទី១ តម្លៃក្រោម ២១ ម៉ឺនដុល្លារ
អាជ្ញាធរស្រុកជល់គិរី ប្រគល់វត្ថុសិល្បៈ ជូនសារមន្ទីរខេត្តកំពង់ឆ្នាំង ដើម្បីបន្តការអភិរក្សថែរក្សា សិក្សាស្រាវជ្រាវសម្រាប់ជាប្រយោជន៍ប្រវត្តិសាស្ត្រ
ព្រឹត្តិការណ៍ជើងឯកគ្រុឌគុនខ្មែរ កម្ពុជា-ក្រិក នៅប្រទេសក្រិក ទទួលបានការយកចិត្តទុកដាក់ពីថ្នាក់ដឹកនាំកម្ពុជា
អស្ចារ្យណាស់! ចាប៉ីខ្មែរជាង100ចាប៉ី ផ្ដុំគ្នាប្រគំភ្លេង បុរាណលាយសម័យក្នុងបទ(សែកមន្ត) ដើម្បីអបអរសាទរគម្រប់ខួប8ឆ្នាំនៃការចុះបញ្ជីបេតិកភណ្ឌវប្បធម៌អរូបីនៃមនុស្សជាតិនៅថ្ងៃទី៣០ ខែវិច្ឆិកា ឆ្នាំ២០២៤ ខាងមុខនេះ
កាន់តែក្តៅ! អឺរ៉ុប ៥ប្រទេស ប្រកាសរួមដៃគ្នាសម្រុកផ្តល់ជំនួយយោធាដល់ អ៊ុយក្រែន
លោក ត្រាំ គំរាមដំឡើងពន្ធលើប្រទេសចំនួន៣ ពេលឡើងកាន់តំណែង
ភ្នាក់ងារឆ្លើយតបនឹងជម្លោះរឹបអូសផ្ទះវីឡា របស់តារាចម្រៀង Psy
អាជ្ញាធរសម្រុកស៊ើបអង្កេតនាយក Icon ២ រូប លួចបាញ់លុយឲ្យម្ដាយអ្នកនយោបាយថៃ
-
ព័ត៌មានជាតិ៦ ថ្ងៃ agoគម្រោងផ្លូវល្បឿនលឿន ១៧ ខ្សែ ដាក់ក្នុងផែនការមេអភិវឌ្ឍរបស់រដ្ឋាភិបាលកម្ពុជា
-
ព័ត៌មានអន្ដរជាតិ៣ ថ្ងៃ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
សន្តិសុខសង្គម៤ ថ្ងៃ agoទូកទេសចរណ៍មួយគ្រឿងលិចបាត់ទាំងស្រុងក្នុងសមុទ្រកោះរ៉ុង
-
ព័ត៌មានជាតិ៥ ថ្ងៃ agoស្ពានខ្ពស់ជាងគេនៅស្រុកខ្មែរ នឹងដាក់ឱ្យប្រើប្រាស់សាកល្បងមុនចូលឆ្នាំខ្មែរខាងមុខនេះ
-
ជីវិតកម្សាន្ដ១ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
សន្តិសុខសង្គម១ សប្តាហ៍ agoUpdate៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់
-
ជីវិតកម្សាន្ដ១ សប្តាហ៍ agoបេក្ខជនប្រកួតកម្មវិធីចម្រៀងរ៉េបម្នាក់ ចេញមុខសុំទោសក្រោយចម្លងប៉ារ៉ូលពីបទម្ចាស់ដើម Zedes (មានវីដេអូ)
-
សន្តិសុខសង្គម១ សប្តាហ៍ agoUpdate៖ ករណីប្រទះឃើញសពស្ត្រីម្នាក់នៅឃុំចំបក់ សមត្ថកិច្ចសន្និដ្ឋានថាអាចមកពីប្រតិកម្មថ្នាំ ខណៈឃាត់ខ្លួនម្ចាស់គ្លីនិកមួយកន្លែងមកសួរនាំ