ភ្ញាក់ផ្អើល! ក្រោយអនុស្សាវរីយ៍ ចេញសារសុំទោសប្រពន្ធ និងនិយាយលាអ្នកគាំទ្រ

តារាចម្រៀងប្រុសលោក យឿន សូតអនុស្សាវរីយ៍ ម្ចាស់បទ “ឆ្នាំងណាគ្រប់ហ្នឹង” បានធ្វើឲ្យមហាជនអ្នកគាំទ្រមានការភ្ញាក់ផ្អើលគ្រប់គ្នា បន្ទាប់ពីឃើញលោកបង្ហោះសារសុំទោសប្រពន្ធ និងលាអ្នកគាំទ្ររបស់ខ្លួនកាលពីយប់មិញនេះ។

តាមរយៈសារភ្ជាប់ជាមួយនឹងរូបភាពចែករំលែកមរណទុក្ខមួយសន្លឹក លោក យឿន សូតអនុស្សាវរីយ៍ បានរៀបរាប់ថា “ប្តីមានកំហុស ប្តីសុំទោសប្រពន្ធសម្លាញ់ប្តីនៅឆ្ងាយហើយតែប្តីនៅតែស្រលាញ់ពន្ធណាស់លាហើយបងប្អូន”។

យ៉ាងណាមិញ ចាប់តាំងពីការបញ្ចេញសារនេះជាសារធាណៈប្រមាណ ៨ម៉ោងមុននេះ មិនទាន់ទទួលបានដំណឹងថា សុខទុក្ខរបស់តារាចម្រៀងប្រុសរូបនេះ យ៉ាងណាទៅហើយដែរនោះទេ។ ប៉ុន្តែក្នុងនោះក៏នៅមានអ្នកគាំទ្រមួយចំនួន នៅតែបន្តបញ្ចេញមតិលើកទឹកចិត្តដល់លោក បើទោះបីជាមិនទាន់ដឹងស្ថានភាពលោកនៅពេលនេះក៏ដោយ។

គួរជម្រាបថា មួយរយ:ចុងក្រោយនេះ កត់សម្គាល់ឃើញថា យីអ៊ុនរបស់តារាប្រុសរូបនេះហាក់មានរាសីមិនសូវល្អឡើយ ពោលគឺជួបនូវរឿងរ៉ាវនិងវិបត្តិផ្លូវចិត្តផ្ទួនៗ ខណៈតារាប្រុសរូបនេះ ក៏ទើបតែបានបញ្ជាក់នូវបញ្ហាផ្លូវចិត្ត ក្រោយភរិយានិងកូន បានចាកចោលមួយរយ:ទៅហើយ ធ្វើឲ្យលោករស់នៅដោយក្តីឈឺចាប់។

ទន្ទឹមនឹងការចាកចេញរបស់ភរិយា និងកូន លោកតែងបញ្ចេញសារលើបណ្តាញទំនាក់ទំនង ដង្ហើយរកប្រពន្ធនិងកូនឲ្យវិលត្រឡប់វិញ ជាមួយនឹងការសុំទោសនិងដឹងកំហុសខ្លួនជារឿយៗ មុននឹងបញ្ចេញសារហាក់គិតខ្លីនេះ៕
អត្ថបទ៖ ចាន់រ៉ា