ព័ត៌មានជាតិ

សុគន្ធ និសា បន្ដតាមដានសុខភាព ទោះមិនបានប៉ះពាល់ដោយផ្ទាល់ និងប្រយោលពី អ្នកនាង កែវ ច័ន្ទនិមល

បានផុស

៤ years មុន

នៅ

ថ្ងៃអង្គារ ៩ មីនា ២០២១

ដោយ

តារាចម្រៀងអ្នកនាង សុគន្ធ និសា បាននិងកំពុងតែតាមដានសុខភាពរបស់ខ្លួនបន្ដទៀត បើទោះជាអ្នកនាងមិនបានប៉ះពាល់ដោយផ្ទាល់ និងដោយប្រយោលពី អ្នកនាង កែវ ច័ន្ទនិមល ដែលមានជំងឺកូវីដ១៩ និងក្រុមគ្រួសារក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមការបង្ហោះរបស់អ្នកនាង សុគន្ធ និសា នៅលើហ្វេសប៊ុកផេកផ្ទាល់ថា ជំរាបសួពុកម៉ែបងប្អូន អរគុណច្រើនសម្រាប់ការបារម្ភសួសុខទុក្ខមកលើរូបខ្ញុំនិងក្រុមគ្រួសារ កន្លងមកនេះខ្ញុំមិនបានជួបជាមួយនិមលទេ ហើយក៏មិនបានដើរទៅកន្លែងមុខសញ្ញា ដែលមានកើតកូវីដ១៩ ដែរ ប៉ុន្ដែជំងឺនេះវាអាចជាប់ពាក់ព័ន្ធតតគ្នាដូចសម្លកំពឹសចឹង ខ្ញុំនឹងបន្តសង្កេតខ្លួនឯងទៀត ចាំមើលលទ្ធផល អ្នកដែលយើងជួបជាប្រយោលតតគ្នា បើយ៉ាងណាៗខ្ញុំនឹងទាក់ទងដើម្បីតេស្ដឲ្យប្រាកដ។ ពេលដែលដឹងព័ត៌មានយប់មិញនេះហើយខាងផ្ទះខ្ញុំនេះ ក៏បានហាមខ្លួនឯងនិងអ្នកផ្ទះមិនឲ្យចេញទៅក្រៅឡើយ ចំណែកខាងផ្ទះម្តាយខ្ញុំ មិនមានការពាក់ព័ន្ធអ្វីទេ ព្រោះខ្ញុំមិនបានចេញចូលផ្ទះម៉ាក់ខ្ញុំប្រហែលពីរអាទិត្យហើយ។ សូមទោសបងប្អូន ដែលខ្ញុំមិនបានតបសារផងណា ហើយសូមជូនពរនិមលនិងក្រុមគ្រួសារអោយឆាប់ជា ចំណែកខ្ញុំក៏ជាជនសង្ស័យ តែមិនទាន់អី ល្ងាចនេះខ្ញុំនឹងចាំដំណឹងពីគេដែរ បើអ្នកដែលខ្ញុំបានជួបដោយប្រយោលមាន ខ្ញុំនឹង ធ្វើតេស្ដ។ សូមជូនពរបងប្អូនឲ្យសុខសប្បាយ (រឿងហេតុមានជាស្រេច បើវាត្រូវកើត វានឹងកើត គ្មានអ្នកណាអាចហាមឃាត់បានឡើយ បើគេឲ្យហើយទទួលវាទៅ ) អរគុណច្រើនបងប្អូនដែលបារម្ភយ៉ាងណាៗ ខ្ញុំនឹងផ្តល់ព័ត៌មានជូនបងប្អូនទៀត៕