អ្នកគាំទ្រ IU ចោទប្រកាន់រដ្ឋាភិបាលសេអ៊ូលថា យកលេសបញ្ហាស្មៅ មកហាមឃាត់កន្លែងប្រគំតន្ត្រី

អ្នកគាំទ្ររបស់តារាចម្រៀង IU បានចោទប្រកាន់រដ្ឋាភិបាលទីក្រុងសេអ៊ូលថា​ បានបំភាន់សាធារណជនដោយលើកឡើងថាការដកកន្លែងលក់កៅអីនៅកីឡដ្ឋាន World Cup នៅឆ្នាំក្រោយ គឺដោយសារតែការប្រគំតន្ត្រីរបស់ IU កៀកមកដល់ហើយបញ្ហាស្មៅកាន់តែអាក្រក់។

កាលពីថ្ងៃទី ១៤ ខែកញ្ញា សហគមន៍អ្នកគាំទ្រអនឡាញរបស់ IU គឺ IU Gallery បានចេញសេចក្តីថ្លែងការណ៍ដ៏វែងមួយដើម្បីឆ្លើយតបទៅនឹងជំហររបស់ទីក្រុងចំពោះការប្រគំតន្ត្រីនាពេលខាងមុខរបស់នាង។ អ្នក​គាំទ្រ​បាន​សម្ដែង​ការ​មិន​សប្បាយ​ចិត្ត​ជា​ពិសេស​ចំពោះ​ការ​ព្យាយាម​របស់​ទីក្រុង​ក្នុង​ការ​ផ្លាស់​ប្តូរ​ទីតាំងកៅអីមួយចំនួនធំ។

នៅក្នុងសេចក្តីថ្លែងការណ៍របស់ពួកគេបានប្រកាសថា យើងមានការខឹងសម្បារចំពោះការប៉ុនប៉ងរបស់ទីក្រុងសេអ៊ូលក្នុងការគេចចេញពីការទទួលខុសត្រូវចំពោះបញ្ហាស្ថានភាពស្មៅ ។​ ក្នុងពេលដែលអ្នកគាំទ្រមានការធូរស្រាលដែលការប្រគំតន្ត្រីរបស់ IU នៅកីឡដ្ឋាន Seoul World Cup នៅសប្តាហ៍ក្រោយ នឹងដំណើរការទៅតាមការគ្រោងទុក យើងមិនអាចមើលរំលងភាពអសមត្ថភាពរបស់រដ្ឋបាលទីក្រុងសេអ៊ូលបានទេ ។

អ្នកគាំទ្របានប្រកែកបន្ថែមទៀតថា បញ្ហាស្ថានភាពស្មៅនៅកីឡដ្ឋាន World Cup កើតឡើងទាំងស្រុងដោយសារការគ្រប់គ្រងមិនល្អរបស់សាជីវកម្ម Seoul Facilities ។ រដ្ឋាភិបាលទីក្រុងសេអ៊ូល ដែលគ្រប់គ្រងសាជីវកម្មគួរតែទទួលខុសត្រូវទាំងស្រុងចំពោះបញ្ហានេះ ហើយសុំទោសជាសាធារណៈជំនួសវិញ។ ពួកគេ​កំពុង​បំភាន់​សាធារណជន​ដោយ​បញ្ជាក់​ថា ការ​ហាម​មិន​ឲ្យ​អង្គុយ​នៅ​ដី​នៅ​ឆ្នាំ​ក្រោយ ​គឺ​ជា​លទ្ធផល​នៃ​ការ​ប្រគំ​តន្ត្រី​របស់ IU។

ពួកគេក៏បានចង្អុលបង្ហាញថា កាលពីដើមឆ្នាំនេះ សិល្បករពីររូបផ្សេងទៀតបានធ្វើការប្រគំតន្ត្រីនៅឯកីឡដ្ឋាន Seoul World Cup មុនពេល IU ។ សាជីវកម្ម Seoul Facilities ត្រូវបានគេរំពឹងថានឹងបង្កើតបានជាង ៣.៦ ពាន់លានវ៉ុនជាថ្លៃការប្រគំតន្ត្រីនៅឆ្នាំ ២០២៤ ។ ទំនួលខុសត្រូវសំខាន់ក្នុងការគ្រប់គ្រងស្មៅឲ្យបានត្រឹមត្រូវ។

ទោះជាយ៉ាងណាក៏ដោយ នៅថ្ងៃដដែលនេះ រដ្ឋាភិបាលទីក្រុងសេអ៊ូលបានប្រកាសថាចាប់ពីឆ្នាំ២០២៥ តទៅ ការលក់កន្លែងអង្គុយសម្រាប់ការប្រគំតន្ត្រី និងព្រឹត្តិការណ៍វប្បធម៌ផ្សេងទៀតនៅកីឡដ្ឋាន Seoul World Cup ក្នុងទីក្រុង Mapo-gu នឹងត្រូវបានរឹតបន្តឹង។ ការសម្រេចចិត្តនេះ ត្រូវបានគេរាយការណ៍ថា ធ្វើឡើងដើម្បីឆ្លើយតបទៅនឹងបញ្ហាលក្ខខណ្ឌស្មៅដែលបានលើកឡើង បន្ទាប់ពីការប្រកួតជម្រុះប្រចាំតំបន់នៃ World Cup 2026 រវាងក្រុមបាល់ទាត់ជម្រើសជាតិកូរ៉េខាងត្បូង និងប៉ាឡេស្ទីន នៅថ្ងៃទី ០៥ ខែតុលា៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖សុខៗ Kim Go Eun កាត់សក់ខ្លីដូចមនុស្សប្រុស ពេលបង្ហាញ​ខ្លួនក្នុង​មហោស្រព​ភាពយន្ត​អន្តរជាតិ Toronto