ព័ត៌មានអន្ដរជាតិ
រុស្ស៊ី ទម្លាក់គ្រាប់បែកនៅទីក្រុង Kharkiv សម្លាប់មនុស្សម្នាក់ និងរបួស៤២នាក់
គ្រាប់បែករបស់រុស្ស៊ី បានវាយប្រហារអគារអាផាតមិនមួយកន្លែងកាលពីថ្ងៃអាទិត្យនៅទីក្រុង Kharkiv ដែលជាទីក្រុងធំទីពីររបស់អ៊ុយក្រែន ដោយបង្កឲ្យមានអគ្គិភ័យ ព្រមទាំងសម្លាប់មនុស្សម្នាក់និងរបួស៤២នាក់។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី១៦ខែកញ្ញា។
លោកប្រធានាធិបតី Volodymyr Zelenskiy បាននិយាយថា ការវាយប្រហារចុងក្រោយនេះ បានគូសបញ្ជាក់ពីតម្រូវការរបស់អ៊ុយក្រែនចំពោះការផ្គត់ផ្គង់សព្វាវុធពីដៃគូលោកខាងលិច ក៏ដូចជាខែលការពារដែនអាកាស ព្រមទាំងការអនុញ្ញាតឲ្យអ៊ុយក្រែនប្រើប្រាស់សព្វាវុធរយៈចម្ងាយឆ្ងាយវាយប្រហារលើគោលដៅចូលជ្រៅក្នុងប្រទេសរុស្ស៊ី ដើម្បីជួយសង្គ្រោះជីវិតមនុស្ស។
រដ្ឋអាជ្ញាក្នុងតំបន់ Kharkiv នៅភាគឦសានប្រទេសអ៊ុយក្រែន បានប្រកាសនៅលើបណ្ដាញទំនាក់ទំនង Telegram ថា សាកសពស្ត្រីអាយុ៩៤ឆ្នាំម្នាក់ត្រូវបានគេរកឃើញពីជាន់ទី៩នៃអគារ។
ចំណែកឯអភិបាលក្រុង Kharkiv លោក Ihor Terekhov បានរៀបរាប់ថា ភ្លើងដែលឆាបឆេះដោយគ្រាប់បែកត្រូវបានពន្លត់រួចហើយ។ លោកបានឲ្យដឹងថា ចំនួនអ្នករបួសមាន៤២នាក់ ក្នុងនោះមានកុមារ៣នាក់។ ដោយឡែកលោកអភិបាលតំបន់ Oleh Syniehubov បាននិយាយថាអាចនៅមានមនុស្សស្ថិតនៅក្រោមគំនរបាក់បែកនៅឡើយ។
ប្រធានាធិបតីអ៊ុយក្រែន បានបញ្ជាក់ថា គ្រាប់បែកកំណត់គោលដៅចំនួន៣គ្រាប់ផ្សេងទៀតបានវាយប្រហារភូមិមួយចំនួនក្នុងតំបន់ Kharkiv ដែលជាមជ្ឈមណ្ឌលពោរពេញដោយប្រជាជនរស់នៅ ហើយក៏ជាគោលដៅរងការវាយប្រហារជាញឹកញាប់ពីភាគីរុស្ស៊ីដែលនៅជិតព្រំដែន។
រុស្ស៊ីមិនបានឆ្លើយតបភ្លាមៗចំពោះសំណើសុំការអត្ថាធិប្បាយលើឧប្បត្តិហេតុទម្លាក់គ្រាប់បែកលើអគារស្នាក់នៅនោះទេ ប៉ុន្តែរុស្ស៊ីកន្លងមកតែងបដិសេធនូវចេតនាវាយប្រហារទៅលើជនស៊ីវិល ទោះបីជាខ្លួនបានសម្លាប់ប្រជាជនមិនដឹងអីអស់រាប់ពាន់នាក់ក៏ដោយ ចាប់តាំងពីការឈ្លានពានអ៊ុយក្រែនក្នុងឆ្នាំ២០២២។
លោក Zelenskiy បានអំពាវនាវឲ្យសម្ព័ន្ធមិត្តរបស់ខ្លួនសម្រេចចិត្តឲ្យបានយ៉ាងឆាប់រហ័ស ដើម្បីបើកដៃឲ្យអ៊ុយក្រែនអាចវាយប្រហាររយៈចម្ងាយឆ្ងាយក្នុងគោលបំណងបំផ្លាញមូលដ្ឋានយោធាអាកាសរបស់រុស្ស៊ី។ លោកបានបន្ថែមថា៖ «រាល់ការវាយប្រហាររបស់រុស្ស៊ីរបៀបនេះ រាល់ករណីនៃភេរវកម្មរបស់រុស្ស៊ី ដូចជាថ្ងៃនេះនៅទីក្រុង Kharkiv…នេះបង្ហាញថា (អ៊ុយក្រែន) ត្រូវតែមានសមត្ថភាពរយៈចម្ងាយឆ្ងាយ»។
លោក Zelenskiy បានប្រាប់ថា អ៊ុយក្រែនបានទុកក្ដីរំពឹងរង់ចាំការសម្រេចចិត្តដ៏សមស្របពីសហរដ្ឋអាមេរិក បារាំង អាល្លឺម៉ង់ និងអ៊ីតាលី ដែលការសម្រេចចិត្តរបស់ពួកគេអាចជួយសង្រ្គោះជីវិតបាន។
សូមបញ្ជាក់ថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីសប្តាហ៍មុនថា លោកខាងលិចនឹងផ្ទុះសង្គ្រាមដោយផ្ទាល់ជាមួយរុស្ស៊ី ប្រសិនបើអនុញ្ញាតឲ្យអ៊ុយក្រែនវាយប្រហារទឹកដីរុស្ស៊ីជាមួយនឹងមីស៊ីលរយៈចម្ងាយឆ្ងាយដែលផលិតដោយលោកខាងលិច៕
ដោយ៖ ឈាង
អតិថិជនជាង៤០ម៉ឺននាក់ស្មើនឹងជិត៤៣៤លានដុល្លារគិតត្រឹមខែកញ្ញា
រដ្ឋបាលរាជធានី សម្រុកជួសជុលផ្លាស់ប្តូរថ្មីសម្ភារៈនិងកែលម្អសួនកុមារវត្តភ្នំ និងសួនមុខវត្តបុទុមវតី ដើម្បីទទួលបុណ្យអុំទូក
អតិផរណាឡាវ ធ្លាក់ចុះមកត្រឹម ២០,៧ ភាគរយ នៅខែតុលា
តម្លៃប្រេងឡើងពេលបញ្ចប់ការជួញដូរ ប៉ុន្តែធ្លាក់ចុះក្នុងអត្រាប្រចាំសប្ដាហ៍
កម្ពុជាស្នើដល់ ADB បន្តពង្រឹងកិច្ចសហការដើម្បីពន្លឿនវឌ្ឍនភាពវិស័យទឹកស្អាត និងអនាម័យ
ស្រាបៀរខារ៉ាបាវដែលលោកអ្នកទន្ទឹងរង់ចាំ បានមកដល់កម្ពុជាហើយ!
សំណើររបស់ Diddy ទៅកាន់មនុស្សស្រីដែលចូលរួមក្នុងពិធីជប់លៀង បង្កឲ្យមានកំហឹងពីមហាជន
គម្រោងផ្លូវជាតិលេខ ៦០បេ (ក្រុងក្រចេះ-កំពង់ថ្ម ខេត្តកំពង់ធំ) លើកយកពិភាក្សាលម្អិត ជំរុញការសាងសង់ឱ្យល្អប្រសើរ
Fan Bingbing វិះនឹងបាត់បង់តួនាទីសម្ដែងក្នុងភាពយន្ត ព្រោះមានសម្រស់ស្អាតពេក
កូរ៉េខាងជើង ប្រកាសឈរប្រកៀកស្មារុស្ស៊ី រហូតដល់ទីក្រុងមូស្គូឈ្នះ
-
ជីវិតកម្សាន្ដ៣ ថ្ងៃ agoMiss Grand មីយ៉ាន់ម៉ា លេចធ្លោ និងឈ្នះមកុដធំៗចំនួន ៥ ទោះអាយុទើប១៨ឆ្នាំក្ដី
-
ព័ត៌មានជាតិ២ ថ្ងៃ agoម៉ាស៊ីនស្វ័យប្រវត្តិ ថតបានភស្តុងតាងសត្វកម្រ ១០៨ ប្រភេទ ក៏មានហ្វូងសត្វឆ្កែព្រៃចុងក្រោយបង្អស់នៅកម្ពុជា
-
ព័ត៌មានអន្ដរជាតិ២ ថ្ងៃ agoបាតុភូត ផែនដីមានព្រះចន្ទ២ នឹងបន្តរហូតដល់ចុងខែវិច្ឆិកា
-
ជីវិតកម្សាន្ដ៣ ថ្ងៃ agoខណៈរឿង កូនប្រសារស្រី ផ្ទុះល្បីឡើងវិញ អ្នកស្រី ពាន់ ភួងបុប្ផា បង្ហោះសារបែបនេះ ភ្ជាប់ជាមួយលីងរឿងពេញ!
-
ព័ត៌មានជាតិ២ ថ្ងៃ agoអគារជាប់គាំងនៅខេត្តព្រះសីហនុ ចាប់ផ្តើមសកម្មភាពសាងសង់ឡើងវិញបណ្តើរៗ
-
សេដ្ឋកិច្ច២ ថ្ងៃ agoក្រុមហ៊ុនវៀតណាម ដាក់ទុនវិនិយោគជាង $៨០០ លាន លើឧស្សាហកម្មកៅស៊ូនៅកម្ពុជា
-
ព័ត៌មានជាតិ៣ ថ្ងៃ agoបេក្ខជនប្រឡងបាក់ឌុបឆ្នាំនេះ ជាប់ជាង ១០ ម៉ឺននាក់ ក្នុងនោះសិស្សជាប់និទ្ទេស A មានជាង ២ ពាន់នាក់
-
ព័ត៌មានអន្ដរជាតិ១ សប្តាហ៍ agoបាងកកនិងឈៀងម៉ៃ ជាប់ឈ្មោះក្នុងបញ្ជីទីក្រុងមានខ្យល់ពុល អាក្រក់បំផុតលើលោក