ព័ត៌មានជាតិ
ពលរដ្ឋសម្តែងក្ដីរីករាយដែលរាជរដ្ឋាភិបាលផ្តល់រថយន្តក្រុងធ្វើដំណើរដោយឥតគិតថ្លៃក្នុងឱកាសបុណ្យភ្ជុំបិណ្ឌ
ប្រជាពលរដ្ឋនៅរាជធានីភ្នំពេញ បានសម្តែងក្តីពេញចិត្ត និងរីករាយចំពោះការគិតគូររបស់សម្តេចធិបតី នាយករដ្ឋមន្ត្រីនៃកម្ពុជា ដែលបានផ្តល់រថយន្តក្រុងសាធារណៈធ្វើដំណើរទៅស្រុកកំណើតដោយឥតគិតថ្លៃ ក្នុងឱកាសបុណ្យភ្ជុំបិណ្ឌខាងមុខនេះ។
លោក គួច ចំណាន ប្រធានគណៈកម្មការគ្រប់គ្រងផ្សារច្បារអំពៅ តំណាងអាជីវករទូទាំងផ្សារ ក៏សម្តែងក្តីត្រេកអរ និងសាទរចំពោះការគិតគូររបស់ប្រមុខរាជរដ្ឋាភិបាល ការគិតគូរនេះទៀតសោត ក៏ជាផ្នែកនៃការកាត់បន្ថយការចំណាយប្រាក់កាសលើការធ្វើដំណើរ និងផ្តល់ភាពងាយស្រួលដល់ការធ្វើដំណើរសម្រាប់ពលរដ្ឋមានស្រុកកំណើតនៅឆ្ងាយពីរាជធានីភ្នំពេញផងដែរ។
ពលរដ្ឋឡើងលើកថា ការផ្តល់ឱ្យនេះ មិនមែនជារឿងថ្មីនោះទេ គឺជាអ្វីដែលរាជរដ្ឋាភិបាលតាំងពីអាណត្តិសម្តេចតេជោ រហូតបន្តមកដល់សម្តេចធិបតី គឺតែងតែបញ្ចេញរថយន្តក្រុងរបស់រដ្ឋដើម្បីផ្តល់ជូនពលរដ្ឋជិះឥតគិតថ្លៃជានិច្ច នៅរៀងរាល់មានបុណ្យជាតិធំៗម្តងៗ មិនថាបុណ្យចូលឆ្នាំខ្មែរ ឬបុណ្យភ្ជុំបិណ្ឌនោះឡើយ។
គួររំលឹកថា ក្នុងឱកាសអញ្ជើញជាអធិបតីបើកការដ្ឋានសាងសង់អគារមជ្ឈមណ្ឌលកណ្តាល អគារចំណតរោងជាង និងអគារវេជ្ជសាស្ត្រស៊ីក្លូត្រុង នៃមន្ទីរពេទ្យកាល់ម៉ែត កាលពីព្រឹកទី១៦ ខែកញ្ញា ឆ្នាំ២០២៤ សម្តេចធិបតី ហ៊ុន ម៉ាណែត បានបញ្ជាឲ្យរដ្ឋបាលរាជធានីភ្នំពេញ ត្រៀមរថយន្តក្រុងចំនួន៤៩៧គ្រឿង ដើម្បីដឹកជញ្ជូនប្រជាពលរដ្ឋពីរាជធានីភ្នំពេញ ទៅតាមបណ្តាខេត្ត និងពីបណ្តាខេត្តត្រឡប់មករាជធានីភ្នំពេញវិញ ក្នុងឱកាសបុណ្យភ្ជុំបិណ្ឌខាងមុខនេះ។
បន្ថែមទៀតនោះ សម្តេចក៏បានឱ្យត្រៀមរថយន្ត៥៦គ្រឿងផ្សេងទៀត សម្រាប់ដឹកប្រជាពលរដ្ឋទៅលេងកម្សាន្តនៅបណ្តាខេត្តនៅភូមិភាគឦសានផងដែរ ដើម្បីទេសចរណ៍ផង និងបានទៅមើលពីការអភិវឌ្ឍន៍នៅតំបន់ទាំងអស់នោះផង៕
អត្ថបទ៖ សុភា
-
ព័ត៌មានជាតិ៥ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ៥ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានអន្ដរជាតិ១ សប្តាហ៍ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៦ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ៥ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ៦ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ១ សប្តាហ៍ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ