លោក យឹម ស៊ីណន នាំគ្រូពេទ្យស្ម័គ្រចិត្ត៥០នាក់មកពីកូរ៉េខាងត្បូង ទៅពិនិត្យ ព្យាបាលពលរដ្ឋខេត្តកំពតប្រមាណ៣០០នាក់

លោក យឹម សុីណន រដ្ឋលេខធិការក្រសួងការងារ និងបណ្តុះបណ្តាលវិជ្ជាជីវៈ និងជាសមាជិកក្រុមការងាររដ្ឋាភិបាលចុះជួយមូលរដ្ឋានខេត្តកំពត  នៅថ្ងៃអង្គារ ទី១៧ ខែកញ្ញា ឆ្នាំ២០២៤នេះ បានដឹកនាំក្រុមគ្រូពេទ្យស្ម័គ្រចិត្តមកពីប្រទេសកូរ៉េខាងត្បូងចំនួន៥០នាក់ ចុះពិនិត្យ និងព្យាបាលជូនពលរដ្ឋនៅក្នុងសាលាអនុវិទ្យាល័យទួលផ្ចឹក ស្ថិតក្នុង ឃុំស្រែចែង ស្រុកជុំគីរី ខេត្តកំពត។

ដោយក្នុងនោះមានការចូលរួមជាភ្ញៀវកិត្តិយសរួមមាន៖ លោក នឹម ចាន់តារា អ្នកតំណាងរាស្រ្តខេត្តកំពត, មន្រ្តីក្រុមប្រឹក្សាខេត្ត, អភិបាលស្រុកជុំគីរី និងសមាជិកក្រុមការងាររដ្ឋាភិបាលចុះជួយស្រុក។

ក្រុមគ្រូពេទ្យនេះមាន ៧នាយកដ្ឋាន ដោយនាយកដ្ឋានទាំងនោះរួមមាន រោគភ្នែក ទន្តព្ទ្យវិទ្យា សម្ភព និងរោគស្ត្រី វះកាត់ឆ្អឹង ការវះកាត់ផ្នែកខាងក្នុង និងចាក់ម្ជុលវិទ្យាសស្រ្តបុរាណ។

ក្រុមគ្រូពេទ្យ បានពិនិត្យ និងព្យាបាលជូនដល់ពលរដ្ឋប្រមាណ ៣០០នាក់ និងបានចែកអំណោយអនុស្សាវរីយ៍ជាសៀវភៅខ្មៅដៃ នំ និងទឹកដោះគោដល់សិស្សានុសិស្សចំនួន៣០០នាក់ផងដែរ៕