ព័ត៌មានជាតិ
ខេត្តមណ្ឌលគិរីមានសណ្ឋាគារ រីសត ម៉ូតែល បឹងហ្គាឡូ ៨២ កន្លែង បម្រើការស្នាក់នៅរបស់ភ្ញៀវទេសចរ
ខេត្តមណ្ឌលគិរី មានការវិនិយោគលើសេវាកម្មស្នាក់នៅជាច្រើនកន្លែងទូទាំងខេត្ត ខណៈដែលខេត្តនៅភាគឦសានមួយនេះជាគោលដៅទេសចរណ៍ដ៏សំខាន់ទាញទាញមួយ ដែលទេសចរជាច្រើនមិនអាចមើលរំលងបាន។
បើតាមរបាយការណ៍ពីមន្ទីរទេសចរណ៍ខេត្តមណ្ឌលគិរីបានបង្ហាញថា ទូទាំងខេត្តមាន (រីស៊ត+សណ្ឋាគារ+ម៉ូតែល+បឹងហ្គាឡូ) សរុបចំនួន ៨២ កន្លែង រួមទាំងផ្ទះសំណាក់ចំនួន ៥០ កន្លែង។
លោក ស៊ាង សឿន ប្រធានមន្ទីរទេសចរណ៍ខេត្តមណ្ឌលគិរីបានឲ្យកម្ពុជាថ្មីដឹងថា ខេត្តមណ្ឌលគិរីមានភាពសំបូរបែបនៃវប្បធម៌ និងភាពសំបូរបែបនៃធនធនធម្មជាតិសម្រាប់ទាក់ទាញទេសចរ។ ខេត្តមណ្ឌលគិរី គ្របដណ្ដប់ដោយព្រៃឈើ ប្រជុំភ្នំ ខ្ពង់រាប និងសំបូរដោយជ្រលងដងអូរជាច្រើន បង្កើតបានជារមណីយដ្ឋានធម្មជាតិជាច្រើន។ ក្រៅពីនេះ ខេត្តក៏មានជនជាតិដើមភាគតិចរស់នៅច្រើនចម្រុះ មានវប្បធម៌ផ្សេងៗគ្នា។
ដោយសារសក្តានុពលនៃខេត្តមណ្ឌលគិរីដែលទាក់ទាញទេសចរមកកម្សាន្ត លោក ស៊ាង សឿន បានបញ្ជាក់ថា ទូទាំងខេត្តមានការវិនិយោគសេវាកម្មស្នាក់នៅមានតាំងពីសណ្ឋាគារ រីសត បឹងហ្គាឡូ តាមគោលដៅទេសចរផ្សេងៗ។
លោកលើកឡើងទិន្នន័យសេវាកម្មស្នាក់នៅក្នុងខេត្តមានដូចជា រីស៊ត សណ្ឋាគារ ម៉ូតែល បឹងហ្គាឡូ សរុបបច្ចុប្បន្នមានចំនួន ៨២ កន្លែង រួមទាំងផ្ទះសំណាក់ចំនួន ៥០ កន្លែង។
ខេត្តមណ្ឌលគិរី មានរមណីយដ្ឋានទេសចរណ៍វប្បធម៌-ធម្មជាតិ និងប្រវត្តិសាស្ត្រចំនួន ០៥ កន្លែងមាន៖ ភ្នំដោះក្រមុំ ភ្នំក្រោល ភ្នំលុប្រាណ ភ្នំណាមលៀរ និងព្រះរាជដំណាក់ និងរមណីយដ្ឋានធម្មជាតិ-អេកូទេសចរណ៍ចំនួន ៩៨ កន្លែង រួមទាំងរមណីយដ្ឋានកែច្នៃចំនួន ០៣ កន្លែង។
ខេត្តមណ្ឌលគិរី ក៏មានតំបន់ដែនជម្រកសត្វព្រៃចំនួន ០៥ កន្លែង ដែលមានវត្តមានប្រភេទសត្វធំៗ និងប្រភេទសត្វកម្រ។
របាយការណ៍ពីមន្ទីរទេសចរណ៍ខេត្តមណ្ឌលគិរី ក្នុងរយៈពេល ៩ ខែ ឆ្នាំ ២០២៤ ខេត្តមណ្ឌលគិរីទទួលបានទេសចរសរុបជាង ២៨ ម៉ឺននាក់ កើនឡើងជាង ៣៧% បើប្រៀបធៀបរយៈពេលដូចគ្នាឆ្នាំ ២០២៣៕
មជ្ឈមណ្ឌលវិជ្ជាជីវៈខេត្តរតនគិរី មានវគ្គបណ្តុះបណ្តាលជាច្រើនមុខវិជ្ជា ជាឱកាសដល់យុជនចាប់យកសម្រាប់អភិវឌ្ឍខ្លួន
សាលារចនា កំពុងរៀបចំពិព័រណ៍ទេពកោសល្យ និងស្នាដៃរបស់និស្សិតបីថ្ងៃ ដើម្បីបង្ហាញពីអត្តសញ្ញាណខ្មែរ
តម្លៃប្រេងអន្តរជាតិ ធ្លាក់ចុះធ្ងន់ម្សិលមិញ ក្រោយ ត្រាំ ប្រកាសពន្ធ
កម្មវិធី«បណ្ដុះបណ្ដាលជំនាញវិជ្ជាជីវៈដូនតា» ឥតបង់ថ្លៃ នឹងចាប់ផ្តើមនៅខែក្រោយ ក្នុងខេត្តចំនួន ៧
ភ្លើងឆេះភ្នំរាលដាលឆេះសណ្ឋាគារយ៉ាងសន្ធោសន្ធៅនៅមីយ៉ាន់ម៉ា
-
ព័ត៌មានជាតិ៣ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៣ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានជាតិ១ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា