ព័ត៌មានជាតិ
រដ្ឋបាលរាជធានីភ្នំពេញ ជំរុញឲ្យមន្ត្រីខិតខំសិក្សាបន្ថែមពីបដិវត្តកម្ម DIGITAL ជាបច្ចេកវិទ្យាទាន់សម័យ
លោក កើត ឆែ អភិបាលរងរាជធានីភ្នំពេញ បានជំរុញឲ្យមន្ត្រីខិតខំសិក្សាបន្ថែមពីបដិវត្តកម្ម DIGITAL ដែលជាបច្ចេកវិទ្យាទាន់សម័យ។
ការប្រើប្រព័ន្ធ Digital និង សន្តិសុខ Cyber នឹងចំណេញទាំងសេដ្ឋកិច្ច ប្រាក់កាក់ និងពេលវេលា ដោយគ្រាន់តែចុចទូរស័ព្ទស្មាតហ្វូន គឺអាចផ្ទេរប្រាក់ ,ដក ឬ ដាក់ប្រាក់ ដោយមិនចាំបាច់ចំណាយពេលធ្វើដំណើរទៅដល់គោលដៅ។
ការជំរុញនេះ កាលពីព្រឹកថ្ងៃទី ១៨ ខែកញ្ញា ឆ្នាំ ២០២៤ ក្នុងវគ្គបណ្ដុះបណ្ដាលលើកទី ៣ ស្តីពី បច្ចេកវិទ្យា Digital សម្រាប់ការអភិវឌ្ឍ និងអភិបាលកិច្ចពឹងផ្អែកលើទិន្នន័យ នៅសាលារាជធានីភ្នំពេញ។
លោក កើត ឆែ អភិបាលរង និងជាតំណាង លោក ឃួង ស្រេង អភិបាល នៃគណៈអភិបាលរាជធានីភ្នំពេញ ដែលអញ្ជើញចូលរួមជាអធិបតីក្នុងវគ្គបណ្ដុះបណ្ដាលនេះ បានថ្លែងថា ពេលនេះ លោក លោកស្រី កំពុងស្ថិតក្នុងការអភិវឌ្ឍចូលក្នុងសម័យ Digital ហើយ បើមិនខិតខំរៀនទេ នឹងតាមមិនទាន់សម័យ Digital ទេ។
លោក កើត ឆែ បញ្ជាក់ថា ប្រធានបទសំខាន់ក្នុងវគ្គបណ្ដុះបណ្ដាលនេះ ផ្តោតលើអក្ខរកម្ម Digital, បដិវត្តកម្ម Digital និងសន្តិសុខ Cyber។ ពេល លោក លោកស្រី ចេះប្រើប្រព័ន្ធ Digital និងសន្តិសុខ Cyber នឹងចំណេញទាំងសេដ្ឋកិច្ចគ្រួសារ និងសេដ្ឋកិច្ចជាតិ អាចចំណេញទាំងប្រាក់ និងពេលវេលា ដោយគ្រាន់តែចុចទូរស័ព្ទស្មាតដែលកាន់នៅដៃ ក៏អាចផ្ទេរប្រាក់ ,ដក ឬ ដាក់ប្រាក់ ដោយមិនចាំបាច់ចំណាយពេលធ្វើដំណើរទៅដល់គោលដៅ ធ្វើឲ្យចំណេញទាំងប្រាក់ និងពេលវេលា។
លោកបន្តថា ចរន្ត នៃបរិវត្តកម្មឧស្សាហកម្មជំនាន់ទី ៤ បាននិងកំពុងជះឥទ្ធិពលយ៉ាងខ្លាំងលើសេដ្ឋកិច្ច និងសង្គម តាមរយៈការប្រើប្រាស់បច្ចេកវិទ្យា Digital បច្ចេកវិទ្យាបញ្ញាសិប្បនិម្មិត (AI) ដែលធ្វើឲ្យមានការផ្លាស់ប្ដូរយ៉ាងឆាប់រហ័សនៅលើគ្រប់វិស័យទាំងអស់រួមមាន ៖ វិស័យអប់រំ សុខាភិបាល ពាណិជ្ជកម្ម ធុរកិច្ច ការងារ និងរដ្ឋបាលសាធារណៈជាដើម។ ឈរលើមូលដ្ឋាននេះ រាជរដ្ឋាភិបាលអាណត្តិទី ៧ ក្រោមការដឹកនាំប្រកបដោយភាពស្វាហាប់ ថាមពល និងគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវអាទិភាពគន្លឹះចំនួន ៥ គឺ មនុស្ស ផ្លូវ ទឹក ភ្លើង និងបច្ចេកវិទ្យា ហើយបច្ចេកវិទ្យា ក៏ត្រូវបានកំណត់នៅក្នុងបញ្ចកោណទី ៥ នៃយុទ្ធសាស្ត្របញ្ចកោណដំណាក់កាលទី ១ ដែលផ្តោតលើការអភិវឌ្ឍសេដ្ឋកិច្ច និងសង្គម Digital។
លោកបន្តទៀតថា បរិវត្តកម្ម Digital គឺជាលក្ខខណ្ឌចាំបាច់មួយដែលមិនអាចខ្វះបាន ដើម្បីកសាងសេដ្ឋកិច្ចសង្គមកម្ពុជានាពេលបច្ចុប្បន្ន ដែលប្រជាពលរដ្ឋ ធុរជន និងមន្ត្រីរាជការ ត្រូវតែយល់ដឹង និងទាញយកឲ្យអស់នូវសក្ដានុពលពីវិស័យនេះ ដើម្បីពង្រឹងសមត្ថភាព ប្រសិទ្ធភាព និងបង្កើតនូវកាលានុវត្តនភាពថ្មីៗ បន្ថែមទៀត។
លោកអភិបាលរង បានសំណូមពរដល់លោកគ្រូឧទ្ទេសនាម ត្រូវពន្យល់ឲ្យបានច្បាស់លាស់នូវពាក្យបរិវត្តកម្ម Digital ,សន្តិសុខ Cyber ដែលត្រូវបានអនុវត្តក្នុងការងារប្រចាំថ្ងៃ៕
អត្ថបទ ៖ ស្រីរ័ត្ន
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?