សមាជិក MONSTA X ២រូប ធ្លាយរូបអាស្រូវផឹកស៊ីជាមួយស្រីម្នាក់

ការបង្ហោះមួយដែលមានចំណងជើងថា Hyungwon’s MONSTA X ផឹកជាមួយស្ត្រីម្នាក់ ហូតដល់ពួកគេត្រលប់មកវិញ ដោយបានរីករាលដាលលើបណ្ដាញសង្គមនៅថ្ងៃទី១៩ ខែកញ្ញា ​ រហូតសមាជិករូបនេះបានប្រឈមមុខនឹងការរិះគន់យ៉ាងចាស់ដៃ។

​នៅក្នុង​ការ​បង្ហោះ​នោះ អ្នក​លេង​អ៊ីនធឺណិត​ម្នាក់​បាន​បង្ហោះ​រូប​ប៉ុន្មាន​សន្លឹក​ដែល​ Hyungwon ​កំពុង​អង្គុយផឹក​ស្រាជាមួយ​នារីម្នាក់ដែលគេមិនស្គាល់ឈ្មោះ។ នៅក្នុងរូបថត គេឃើញលោកបង្ហាញសកម្មភាពកក់ក្ដៅជាមួយនារីដែលគាត់កំពុងផឹកជាមួយ។ កាន់តែភ្ញាក់ផ្អើលជាងនេះទៅទៀតនោះ រូបថតមួយសន្លឹកនោះ រួមមានមិត្តរួមក្រុមរបស់ Hyungwon គឺ Shownu ក្រុម MONSTA-X ដូចគ្នាដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ងាកមកកាន់អ្នក​​លេង​អ៊ីនធឺណិតក្នុងប្រទេសកូរ៉េខាងត្បូងជាច្រើនបាន​បញ្ចេញមតិមិនពេញចិត្តនិង​ប្រតិកម្ម​ចំពោះ​រូបថត​ទាំង​កំហឹង ហើយពួកគេថែមទាំង​រិះគន់​តារា​ប៉ុន្មានរូបនេះភ្លាមៗដោយមិនបង្អង់យូរដែរ។ មតិរបស់មហាជនសុទ្ធតែថា ប្រសិន​បើ​ពួកគេ​ចង់​ផឹក​ជាមួយ​មនុស្ស​ស្រី​​​ គួរ​តែ​ចូល​និវត្តន៍ឬបញ្ឈប់ឈ្មោះជាតារាសិន។ ជាពិសេសម្នាក់ៗបានសម្ដៅទៅ Hyungwon កន្លងមកតារាប្រុសវ័យ៣០តែងតែមានរូបភាពបែកធ្លាយជាច្រើន។ ជាពិសេសទៀតនោះរូបគេមានជីវិតផ្ទាល់ខ្លួនដ៏រញ៉េរញ៉ៃ។

មិនត្រឹមតែប៉ុណ្ណឹងទេ សូម្បីតែសមាជិកមួយរូបទៀតគឺ Shownu តែងតែមានរឿងអាស្រូវជាច្រើនជាមួយស្ត្រីផ្សេងៗគ្នា ហើយមាហជនបានដាក់ឈ្មោះលោកថា ជា​គំរូ​របស់​ស្ត្រី​ច្រើនរូប។ ប្រសិនបើអ្នកទាំង២រូបនោះមិនមែណជាតារាល្បីទេគ្មានអ្នកណាទៅចាប់អារម្មណ៍ឡើយ។ ប៉ុន្តែដោយសារពួកគេជាតារាជ្រកក្រោមឈ្មោះ MONSTA-X ដូច្នេះមនុស្សគ្រប់គ្នាបង្ហាញការមិនពេញចិត្តនិប្រតិកម្មគឺជារឿងត្រឹមត្រូវបំផុតហើយ៕

អត្ថបទ៖ សាង ស្រីល័ក្ខ

ចុចអាន៖Jisoo ក្លាយជា Influencer លេខ១ ក្នុងតម្លៃ ៨ លានដុល្លារ​ ជួយយីហោ Tommy Hilfiger ឡើងខ្ពស់មិនធ្លាប់មាន