ព័ត៌មានជាតិ
រដ្ឋមន្ត្រី ៣ ប្រជុំអនុវត្តកម្មវិធីនយោបាយសហគមន៍កសិកម្មទំនើប
លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម, លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទនៅថ្ងៃទី ១៩ ខែកញ្ញា ឆ្នាំ ២០២៤ បានបើកកិច្ចប្រជុំអន្តរក្រសួងជាលើកទី២ ដើម្បីពិនិត្យ និងពិភាក្សាលើវឌ្ឍនភាពនៃការងារសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍ កសិកម្មទំនើប សហគមន៍កសិករប្រើប្រាស់ទឹក និងភូមិគំរូ។
កិច្ចប្រជុំអន្តរក្រសួងនេះ រៀបចំឡើងនៅទីស្ដីការក្រសួងធនធានទឹក និងឧតុនិយម ដែលមានការចូលរួមពីថ្នាក់ដឹកនាំ និងមន្ត្រីជំនាញនៃក្រសួងទាំង៣ផងដែរ។
លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម មានប្រសាសន៍ថា៖ កិច្ចប្រជុំថ្ងៃនេះ មានសារសំខាន់ណាស់ដើម្បីឆ្លើយតបតាមទស្សនវិស័យរបស់រាជរដ្ឋាភិបាល ក្នុងការជំរុញឱ្យមានកិច្ចសហការ ជិតស្និទ្ធ ព្រមទាំងបង្កើនប្រសិទ្ធ ភាព និងសហថាមភាព សំដៅគាំទ្រដល់ការលើកកម្ពស់ និងកែលម្អជីវភាព សហគមន៍តាមមូលដ្ឋាន ជាពិសេសជួយដល់កម្មវិធីអភិវឌ្ឍន៍រួមគ្នា កសិកម្ម-ទឹក-ជនបទ រួមទាំងប្រជាពលរដ្ឋ នៅតាមមូលដ្ឋានឱ្យទទួលបានអត្ថប្រយោជន៍ជាអតិបរមា ដោយមានការគាំទ្រពីអាជ្ញាធរមូលដ្ឋាន។
លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានសម្តែងនូវភាពជឿជាក់ យ៉ាងមុតមាំចំពោះការចាប់ផ្តើម និងដំណើរការរបស់ក្រុមការងារត្រី-វិស័យ (កសិកម្ម-ទឹក-ជនបទ) ដែលជាការចាប់ផ្តើមប្រកបដោយភាពជឿជាក់ និងទំនុកចិត្តដែលជាបច្ច័យនាំដល់ការសហការយ៉ាងជិតស្និទ្ធរបស់ក្រសួងទាំង៣ ដើម្បីជួយដល់សហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ ឱ្យមានថាមពល និងផលិតភាពកាន់តែប្រសើរឡើងបន្ថែមទៀត។
លោក ឆាយ ឬទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានសាទរ និងអះអាងជាថ្មី ចំពោះការ ខិតខំប្រឹងប្រែង និងការចូលរួមរបស់ក្រសួងអភិវឌ្ឍន៍ជនបទ ដើម្បីធ្វើឱ្យគំនិតផ្តួចផ្តើមរបស់ក្រសួងទាំង៣ លេចចេញជាផ្លែផ្កា តាមរយៈការអនុវត្តការងាររួមគ្នាប្រកបដោយការសម្របសម្រួលសហថាមភាព និងបរិយាបន្ន។
រដ្ឋមន្ត្រីទាំង៣រូប បានព្រមព្រៀងជាគោលការណ៍លើបីចំណុចដូចខាងក្រោម៖
១.រៀបចំលេខាធិការដ្ឋានក្រុមការងារត្រី-វិស័យ៖ កសិកម្ម-ទឹក-ជនបទ និងលក្ខខណ្ឌការងារ
២.ឯកភាពលើលក្ខខណ្ឌវិនិច្ឆ័យរួមសម្រាប់ការកំណត់ទីតាំងក្នុងការចុះអនុវត្តការងាររួមគ្នា ក៏ដូចជា ជំហានបន្ទាប់ ដែលបានស្នើឡើងដោយក្រុមការងារត្រី-វិស័យ៖ កសិកម្ម-ទឹក-ជនបទ។
៣.ចុះធ្វើការវាយតម្លៃបឋមលើទីតាំងមួយចំនួន ដើម្បីជ្រើសរើសទីតាំងមានសក្តានុពលឱ្យស្របតាម លក្ខខណ្ឌវិនិច្ឆ័យដែលបានបង្កើតឡើង មុននឹងឈានទៅបង្កើតផែនការសកម្មភាពរួមគ្នា៕
-
ព័ត៌មានជាតិ៣ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ១ សប្តាហ៍ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ១ សប្តាហ៍ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ សប្តាហ៍ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
សេដ្ឋកិច្ច១ សប្តាហ៍ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ៣ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់
-
ព័ត៌មានអន្ដរជាតិ៣ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ