ព័ត៌មានអន្ដរជាតិ
UN៖ ការវាយប្រហាររបស់រុស្ស៊ីលើរោងចក្រថាមពលអ៊ុយក្រែន អាចបំពានច្បាប់មនុស្សធម៌
ស្ថាប័នឃ្លាំមើលរបស់អង្គការសហប្រជាជាតិ កាលពីថ្ងៃទី១៩ខែកញ្ញា បានប្រាប់ថា ប្រតិបត្តិការវាយប្រហារតាមផ្លូវអាកាសរបស់រុស្ស៊ីលើបណ្តាញថាមពលអ៊ុយក្រែន ប្រហែលជាបំពានច្បាប់មនុស្សធម៌អន្តរជាតិ ខណៈដែលប្រជាជនអ៊ុយក្រែនត្រៀមខ្លួនសម្រាប់រដូវរងាដ៏លំបាកបំផុតចាប់តាំងពីការឈ្លានពានពីក្រុងមូស្គូ។
ក្នុងអំឡុងពេលនៃការលុកលុយរបស់ខ្លួន រុស្ស៊ីបានបាញ់មីស៊ីល និងដ្រូនរាប់រយគ្រឿងនៅរោងចក្រផលិត បញ្ជូន និងចែកចាយអគ្គិសនីរបស់អ៊ុយក្រែន។ ការវាយប្រហារដ៏ធំលើកដំបូង បានកើតឡើងនៅរដូវស្លឹកឈើជ្រុះ និងរដូវរងាឆ្នាំ២០២២ ប៉ុន្មានខែបន្ទាប់ពីរុស្ស៊ីបានចាប់ផ្តើមការលុកលុយពេញលេញរបស់ខ្លួនលើអ៊ុយក្រែន។
រាល់ការវាយប្រហារម្ដងៗ បានធ្វើឲ្យទីក្រុងនានារបស់អ៊ុយក្រែនគ្មានថាមពលប្រើប្រាស់អស់រយៈពេលជាច្រើនម៉ោង ហើយជួនកាលអាចដល់រាប់សប្ដាហ៍ក៏មាន។
បេសកកម្មឃ្លាំមើលសិទ្ធិមនុស្សរបស់អង្គការសហប្រជាជាតិនៅអ៊ុយក្រែន (HRMMU) បានផ្តោតការយកចិត្តទុកដាក់លើរបាយការណ៍របស់ខ្លួនស្តីពីរលកនៃការវាយប្រហារចំនួន៩លើករបស់រុស្ស៊ីនៅចន្លោះខែមីនា និងខែសីហា ឆ្នាំ២០២៤។
របាយការណ៍របស់ HRMMU បានរៀបរាប់ថា៖ «មានហេតុផលសមស្របក្នុងការជឿថាទិដ្ឋភាពជាច្រើននៃយុទ្ធនាការយោធាដើម្បីធ្វើឲ្យខូចខាត ឬបំផ្លាញអគ្គិសនីស៊ីវិល ព្រមទាំងហេដ្ឋារចនាសម្ព័ន្ធបញ្ជូន និងផលិតកម្ដៅរបស់អ៊ុយក្រែន បានរំលោភលើគោលការណ៍គ្រឹះនៃច្បាប់មនុស្សធម៌អន្តរជាតិ»។
HRMMU បានបន្តថា ខ្លួនបានទៅទស្សនារោងចក្រថាមពលចំនួន៧ដែលត្រូវបានខូចខាត ឬបំផ្លាញដោយការវាយប្រហារ ក៏ដូចជាសហគមន៍ចំនួន២៨ ដែលរងផលប៉ះពាល់។
ទីក្រុងកៀវ បានបញ្ជាក់ថា ការកំណត់គោលដៅនៃប្រព័ន្ធថាមពលរបស់ខ្លួន គឺជាឧក្រិដ្ឋកម្មសង្រ្គាម ហើយតុលាការឧក្រិដ្ឋកម្មអន្តរជាតិ បានចេញដីកាចាប់ខ្លួនមន្ត្រី និងយោធារុស្ស៊ីចំនួន ៤នាក់ ពីបទទម្លាក់គ្រាប់បែកលើហេដ្ឋារចនាសម្ព័ន្ធថាមពលស៊ីវិល។
ទីក្រុងមូស្គូបានតបវិញថា ហេដ្ឋារចនាសម្ព័ន្ធថាមពលគឺជាគោលដៅយោធាស្របច្បាប់ ហើយបានច្រានចោលការចោទប្រកាន់ទៅលើមន្ត្រីរបស់ខ្លួន។
HRMMU បានបន្ថែមថា ការវាយប្រហារបង្កហានិភ័យដល់ការផ្គត់ផ្គង់ទឹករបស់ប្រទេសអ៊ុយក្រែន ប្រព័ន្ធទឹកសម្អុយ និងអនាម័យ ប្រព័ន្ធផ្តល់កម្ដៅ និងទឹកក្តៅ សុខភាពសាធារណៈ ការអប់រំ និងសេដ្ឋកិច្ចទាំងមូល។
HRMMU បានដកស្រង់សម្តីអ្នកជំនាញថា ប្រជាជនអ៊ុយក្រែនគួរតែត្រៀមទុកមុនថានឹងមានការដាច់ចរន្តអគ្គិសនីចន្លោះពី៤ទៅ១៨ម៉ោងជារៀងរាល់ថ្ងៃនារដូវរងាខាងមុខនេះ។
របាយការណ៍របស់ HRMMU ក៏បាននិយាយផងដែរថា ក្នុងអំឡុងរដូវក្តៅនៃឆ្នាំ២០២៤នេះ បញ្ហាទាក់ទងនឹងថាមពលគឺជាហេតុផលធំបំផុតទីពីរដែលបង្ខំឲ្យប្រជាជនអ៊ុយក្រែនធ្វើការភៀសខ្លួនចេញពីប្រទេស៕
ដោយ៖ ឈាង
រដ្ឋបាលរាជធានីភ្នំពេញ ណែនាំ៦ចំណុច ពាក់ព័ន្ធការវេចខ្ចប់ និងញែកសំរាម សំណល់រឹង ទីប្រជុំជន
ក្រុមប្រឹក្សាគណៈវិស្វករកម្ពុជា បើកកិច្ចប្រជុំដើម្បីបន្តអនុវត្តភារកិច្ចប្រកបដោយប្រសិទ្ធភាព និងប្រសិទ្ធផលខ្ពស់ទាំងកម្រិតក្នុងប្រទេស និងកម្រិតអាស៊ាន
រុស្ស៊ីបើកចំហរបេះដូងត្រៀមចរចាជាមួយអាមេរិក ក្រោយត្រាំជាប់ឆ្នោត
ពលរដ្ឋរស់នៅខណ្ឌច្បារអំពៅ សុំឱ្យអាជ្ញាធររាជធានីជួយស្ដារប្រឡាយ លូ ដាក់បង្គោលភ្លើង បំភ្លឺផ្លូវ និងទប់ស្កាត់សំឡេងរំខាន
ប្រទេសគុយបាទាំងមូលបាត់បង់ថាមពលអគ្គិសនី ខណៈព្យុះ Rafael វាយប្រហារ
ព្យុះ យីនស៊ីង ដ៏ខ្លាំង នឹងហោះទៅវាយប្រហារវៀតណាម ចុងសប្តាហ៍នេះ
បៃដិន-ហារីស សុទ្ធតែទូរស័ព្ទទៅ ត្រាំ ដើម្បីអបអរ និងអញ្ជើញមកសេតវិមាន ដើម្បីពិភាក្សាការផ្ទេរអំណាច
ជង្ហុកជាច្រើនកន្លែងលើកំណាត់ផ្លូវ ៦០៨ បង្កគ្រោះថ្នាក់ដល់អ្នកដំណើរជារឿយៗ
ម្ចាស់មេដាយមាសគុនខ្មែរទាំង១៣វិញ្ញាសា ក្នុងកីឡាជាតិឆ្នាំ២០២៤
លោក ត្រាំ ប្រកាសមិនឲ្យសមាជិកគ្រួសារ កាន់តួនាទីណាមួយឡើយ ក្នុងរដ្ឋាភិបាលអាណត្តិថ្មីនេះ
-
ព័ត៌មានអន្ដរជាតិ១ សប្តាហ៍ agoបាតុភូត ផែនដីមានព្រះចន្ទ២ នឹងបន្តរហូតដល់ចុងខែវិច្ឆិកា
-
ព័ត៌មានជាតិ១ សប្តាហ៍ agoម៉ាស៊ីនស្វ័យប្រវត្តិ ថតបានភស្តុងតាងសត្វកម្រ ១០៨ ប្រភេទ ក៏មានហ្វូងសត្វឆ្កែព្រៃចុងក្រោយបង្អស់នៅកម្ពុជា
-
សេដ្ឋកិច្ច១ សប្តាហ៍ agoក្រុមហ៊ុនវៀតណាម ដាក់ទុនវិនិយោគជាង $៨០០ លាន លើឧស្សាហកម្មកៅស៊ូនៅកម្ពុជា
-
ព័ត៌មានជាតិ១ សប្តាហ៍ agoអគារជាប់គាំងនៅខេត្តព្រះសីហនុ ចាប់ផ្តើមសកម្មភាពសាងសង់ឡើងវិញបណ្តើរៗ
-
ព័ត៌មានជាតិ៤ ថ្ងៃ agoកម្ពុជា រងឥទ្ធិពលរបបខ្យល់មូសុងឦសានខ្លាំងដល់ថ្ងៃទី៦វិច្ឆិកា
-
ព័ត៌មានជាតិ៣ ថ្ងៃ agoព្យុះទី២២ ឈ្មោះ ឃីនស៊ីង នឹងជះឥទ្ធិពលលើកម្ពុជា ចាប់ពីថ្ងៃនេះដល់ថ្ងៃទី៧វិច្ឆិកា
-
ព័ត៌មានអន្ដរជាតិ៧ ថ្ងៃ agoមនុស្សស្លាប់ម្នាក់ នៅក្នុងហេតុការណ៍ឆេះរោងចក្រប្រេងឆានៅឥណ្ឌូណេស៊ី
-
ព័ត៌មានជាតិ១ សប្តាហ៍ agoព្យុះទី២១ឈ្មោះ កងរី បានវិវដ្ដទៅជាព្យុះសង្ឃរា នឹងធ្វើឲ្យកម្ពុជាមានភ្លៀងជាមួយផ្គររន្ទះ និងខ្យល់កន្ត្រាក់