ព័ត៌មានអន្ដរជាតិ
បើអ៊ីស្រាអែល វាយលុក លីបង់ នោះនឹងក្លាយជា «សង្គ្រាមវិនាសអន្តរាយ»
ស្ថានការណ៍នៅមជ្ឈិមបូព៌ាបានឡើងកម្តៅដល់កម្រិតខ្ពស់សាជាថ្មី ក្រោយការវាយប្រហារបំផ្ទុះឧបករណ៍ទាក់ទងស្លាប់និងរបួសមនុស្សជាង ៣ ០០០នាក់ទូទាំងប្រទេសលីបង់ ហើយក្រោយមកក្រុមហេសបូឡាក៏ប្រកាសសង្គ្រាម ខណៈពេលនេះសូម្បីឯកអគ្គរដ្ឋទូតលីបង់ប្រចាំចក្រភពអង់គ្លេស ក៏ព្រមានដែរថា បើអ៊ីស្រាអែល វាយលុកលីបង់មែន វានឹងក្លាយជាសង្គ្រាមវិនាសអន្តរាយ។
ប្រេសិតលីបង់លោក Rami Mortada ប្រាប់ទៅសារព័ត៌មាន Times of Israel ថា កងកម្លាំងប្រដាប់អាវុធលែងទ្រាំទៀតហើយ ប្រសិនបើអ៊ីស្រាអែល បើកការវាយលុកដីគោកនិងអាកាសមែន។
លោកនិយាយថា «យើងកំពុងប្រឈមហានិភ័យ ផ្ទុះជម្លោះក្នុងតំបន់ទាំងមូល ប៉ុន្តែយើងក៏ព្យាយាមបញ្ចៀសវាដែរ។ អ៊ីស្រាអែល គួរតែរៀនសូត្រពីភាពអាម៉ាស់របស់ខ្លួន កាលពីអតីត។ យ៉ាងណា សង្រ្គាមប្រាកដជាធ្វើឲ្យលីបង់វិនាស ប៉ុន្តែលីបង់នឹងមិនវិនាសតែម្នាក់ឯងឡើយ»។
ការព្រមាននេះកើតឡើងស្របពេល អ៊ីស្រាអែល បានសម្លាប់មេបញ្ជាការកំពូលក្រុមហេសបូឡាឈ្មោះ Ibrahim Aqil និងឥស្សរជនជាន់ខ្ពស់ផ្សេងទៀត ក្នុងការវាយប្រហារតាមអាកាសនៅលើទីក្រុងបេរូត។
ទន្ទឹមនោះ អ៊ីស្រាអែល ក៏ប្តេជ្ញាបន្តយុទ្ធនាការយោធាថ្មីរហូតដល់អាចធានាបាននូវសន្តិសុខក្នុងតំបន់ជុំវិញព្រំដែនលីបង់ផងដែរ។ ក្រសួងសុខាភិបាលនៃប្រទេសលីបង់ បានប្រកាសថា មនុស្សយ៉ាងតិច១៤នាក់បានស្លាប់ ក្នុងការវាយប្រហារនោះ ហើយចំនួនអ្នកស្លាប់ត្រូវបានគេរំពឹងថានឹងកើនឡើង។
ជុំវិញស្ថានការណ៍ឡើងកម្តៅនេះ បណ្តាមេដឹកនាំលោកខាងលិចបានចេញមុខអំពាវនាវឲ្យគ្រប់ភាគីមានការអត់ធ្មត់ ដោយរដ្ឋមន្ត្រីការបរទេសអាមេរិកលោក Antony Blinken និងប្រធានាធិបតីបារាំងលោក Emmanuel Macron បាននិយាយក្នុងទីក្រុងប៉ារីសថា «បារាំងនិងអាមេរិក សូមជំរុញឲ្យមានការអត់ធ្មត់និងបន្ធូរបន្ថយភាពតានតឹងនៅមជ្ឈិមបូព៌ា ជាពិសេសក្នុងប្រទេសលីបង់តែម្តង។ យើងមិនចង់ឃើញមានការឡើងកម្តៅនៅកន្លែងណាទាំងអស់ ហើយបញ្ហានេះអាចប៉ះពាល់ធំបំផុតដល់គោលដៅសន្តិភាពនៅហ្គាហ្សា»៕
អត្ថបទ៖ សុខ សុវណ្ណ
-
ព័ត៌មានជាតិ៥ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ២ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ២ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៥ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៥ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
បច្ចេកវិទ្យា១ សប្តាហ៍ ago
ហុងដា ឌ្រីមស៊េរីថ្មី បង្ហាញវត្តមានស្របពេលបុណ្យភ្ជុំបិណ្ឌធ្វើមហាជនមានការភ្ជាក់ផ្អើល និងផ្ទុះការចាប់អារម្មណ៍ជាខ្លាំង
-
ព័ត៌មានជាតិ១ សប្តាហ៍ ago
អ្នករស់នៅតាមដងទន្លេមេគង្គ ត្រូវបង្កើនការប្រុងប្រយ័ត្ន ព្រោះទឹកនឹងហក់ឡើងខ្ពស់
-
ព័ត៌មានជាតិ១៦ ម៉ោង ago
Breaking News! កម្ពុជា សម្រេចដកខ្លួនចេញពីគម្រោងCLV-DTA