ព័ត៌មានអន្ដរជាតិ
ពិធីជប់លៀងធំបំផុតនិងដ៏ចំណាស់ Oktoberfest បើកនៅទីក្រុងMunich ក្រោមការរឹតបន្តឹងសន្តិសុខខ្លាំងបំផុត
ពិធីជួបជុំសប្បាយៗ ឬហៅម្យ៉ាងទៀតថា មហោស្រពស្រាបៀរ «Oktoberfest» ជាកម្មវិធីដ៏ធំបំផុតក្នុងពិភពលោករបស់ប្រជាជនអាល្លឺម៉ង់ ត្រូវបានរៀបចំបើកនៅថ្ងៃទី២១ខែកញ្ញានេះនៅទីក្រុង Munich ប្រទេសអាល្លឺម៉ង់ ក្រោមការពង្រឹងសន្តិសុខដ៏តឹងរឹងបំផុត បន្ទាប់ពីការវាយប្រហារជាច្រើននៅប្រទេសអាល្លឺម៉ង់ដែលសន្មតថាប្រព្រឹត្តដោយ«ក្រុមអ៊ីស្លាមជីហាដ»។
កម្មវិធីនៅឆ្នាំនេះត្រូវបា្ររព្វធ្វើឡើងលើទី១៨៩ ចាំពីថ្ងៃទី២១ខែកញ្ញារហូតដល់ថ្ងៃទី៦ខែតុលា ខណៈដែលអភិបាលក្រុង Munich លោក Dieter Reiter បានចេញមកអះអាងថា៖យើងនឹងធ្វើឱ្យ Oktoberfest មានសុវត្ថិភាពតាមដែលអាចធ្វើទៅបាន«។
យោងតាមការផ្សាយរបស់ទីភ្នាក់ងារព័ត៌មានបារាំង AFP ពិធីបុណ្យ Oktoberfest ក្នុងឆ្នាំ ២០២៣ បានទាក់ទាញអ្នកទស្សនាជាង៧លាននាក់ ដែលបានប្រើប្រាស់ស្រាបៀរសរុបចំនួន ៦,៥លានលីត្រ។
ការពង្រឹងសន្តិសុខរបស់ប៉ូលីសរបស់ប្រទេសអាល្លឺម៉ង់ កាន់តែតឹងតែង បន្ទាប់ពីមានការវាយប្រហារជ្រុលនិយម រួមទាំងការវាយប្រហារដោយកាំបិតដ៏សាហាវនៅក្នុងទីក្រុង Solingen កាលពីខែសីហា។
ប៉ូលិសបានចាប់ខ្លួនបុរសជនជាតិស៊ីរីម្នាក់ដែលបានអះអាងថាមានភក្តីភាពជាមួយក្រុមរដ្ឋឥស្លាមមុនការវាយប្រហារដែលបានសម្លាប់មនុស្សបីនាក់និងរបួសប្រាំបីនាក់ទៀត។
កាលពីដើមខែកញ្ញា ប៉ូលិសទីក្រុង Munich បានបាញ់សម្លាប់បុរសម្នាក់ បន្ទាប់ពីគាត់បានបើកការបាញ់ប្រហារមកលើប៉ូលិស និងនៅស្ថានកុងស៊ុលអ៊ីស្រាអែលក្នុងទីក្រុង ដែលត្រូវបានចាត់ទុកជាការវាយប្រហារភេរវកម្ម។
នាយកប៉ូលីសនៅទីក្រុង Munich លោក Christian Huber បានធានាដល់ភ្ញៀវដែលធ្វើដំណើរទៅកាន់រដ្ឋធានីរដ្ឋ Bavarian ថា កម្មវិធី Oktoberfest គឺជា «ពិធីបុណ្យដែលមានសុវត្ថិភាពបំផុតនៅក្នុងប្រទេសអាល្លឺម៉ង់ ប្រសិនបើមិនមាននៅទូទាំងពិភពលោកទេ»។
លោកបាននិយាយនៅថ្ងៃទី១៨ខែកញ្ញាថាកម្រិតនៃការគំរាមកំហែងជាទូទៅត្រូវបានកើនឡើង ប៉ុន្តែមិនមានសញ្ញាបង្ហាញថា ពិធីបុណ្យនៅទីក្រុង Munich ត្រូវបានគេកំណត់គោលដៅនៃការវាយប្រហារនោះទេ៕
ដោយ រ៉ាន់ រើយ
-
ព័ត៌មានជាតិ៦ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៣ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៣ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៦ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៦ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
បច្ចេកវិទ្យា១ សប្តាហ៍ ago
ហុងដា ឌ្រីមស៊េរីថ្មី បង្ហាញវត្តមានស្របពេលបុណ្យភ្ជុំបិណ្ឌធ្វើមហាជនមានការភ្ជាក់ផ្អើល និងផ្ទុះការចាប់អារម្មណ៍ជាខ្លាំង
-
ព័ត៌មានជាតិ១ សប្តាហ៍ ago
អ្នករស់នៅតាមដងទន្លេមេគង្គ ត្រូវបង្កើនការប្រុងប្រយ័ត្ន ព្រោះទឹកនឹងហក់ឡើងខ្ពស់
-
ព័ត៌មានជាតិ១ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA