ព័ត៌មានអន្ដរជាតិ
SpaceX គ្រោងបញ្ជូនយានគ្មានមនុស្សបើកចំនួន៥គ្រឿងទៅភពអង្គារក្នុងរយៈពេល២ឆ្នាំទៀត
ក្រុមហ៊ុន SpaceX គ្រោងនឹងចាប់ផ្តើមបេសកកម្មយានអវកាស Starship គ្មានមនុស្សបើក ចំនួន៥គ្រឿងទៅកាន់ភពអង្គារក្នុងរយៈពេល២ឆ្នាំខាងមុខ។ នេះបើយោងតាមការប្រកាសលើបណ្ដាញសង្គម X របស់នាយកប្រតិបត្តិក្រុមហ៊ុន SpaceX លោក Elon Musk នៅថ្ងៃទី២២ខែកញ្ញា។
លោក Musk បានប្រាប់ថា ការកំណត់ពេលវេលាបេសកកម្មដំបូងរបស់អវកាសយានិកនៅលើភពអង្គារ នឹងអាស្រ័យលើភាពជោគជ័យនៃគម្រោងបញ្ជូនយានគ្មានមនុស្សបើកជាមុនសិន។ ប្រសិនបើបេសកកម្មយានគ្មានមនុស្សបើកបានចុះចតដោយសុវត្ថិភាព នោះបេសកកម្មរបស់អវកាសយានិកនឹងត្រូវចាប់ផ្តើមក្នុងរយៈពេល៤ឆ្នាំបន្ទាប់។ លោក Musk បានបន្តទៀតថា ទោះយ៉ាងណាក៏ដោយ ក្នុងករណីមានបញ្ហា បេសកកម្មនេះនឹងត្រូវពន្យារពេល២ឆ្នាំថែមទៀត។
នេះគឺជាការផ្លាស់ប្ដូរសាជាថ្មីម្ដងទៀតនៃកាលបរិច្ឆេទបេសកកម្មយានអវកាសរបស់ក្រុមហ៊ុន SpaceX។ លោក Musk ធ្លាប់បាននិយាយកាលពីដើមឆ្នាំ២០២៤ថា យានអវកាសគ្មានមនុស្សបើកដំបូងនឹងចុះចតនៅលើភពអង្គារក្នុងរយៈពេល៥ឆ្នាំ ហើយយានមានដឹកអវកាសយានិកនឹងធ្វើឡើងក្នុងរយៈពេល៧ឆ្នាំ។
លោក Musk កំពុងពឹងផ្អែកលើ Starship ដើម្បីបំពេញគោលដៅរបស់លោកក្នុងការផលិតយានអវកាសជំនាន់ក្រោយដ៏ធំ និងពហុមុខងារដែលមានសមត្ថភាពបញ្ជូនមនុស្ស និងទំនិញទៅកាន់ភពព្រះចន្ទនៅចុងទស្សវត្សរ៍នេះ មុនពេលបន្តដំណើរទៅកាន់ភពអង្គារ។
អង្គការណាសា កាលពីដើមឆ្នាំនេះបានពន្យារពេលបេសកកម្ម Artemis 3 និងការចុះចតនៅលើភពព្រះចន្ទលើកដំបូងបន្ទាប់ពីបេសកកម្ម Apollo ទី១៧ របស់ខ្លួនដោយប្រើយាន Starship របស់ SpaceX ដោយគម្រោងពីមុនត្រៀមធ្វើនៅចុងឆ្នាំ២០២៥ តែត្រូវលើកដល់ខែកញ្ញាឆ្នាំ២០២៦វិញ៕
ដោយ៖ ឈាង
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៧ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា